നേന്ത്രക്കായ്ക്ക് വന് വിലയിടിവ്; രണ്ടു ദിവസം കൊണ്ട് കുറഞ്ഞത് 1000 രുപവരെ
വിപണിയില് നേന്ത്രക്കായ വരവുകുറഞ്ഞ സമയത്തും വിലയിടിഞ്ഞത് കര്ഷകര്ക്ക് വന്തിരിച്ചടിയായി. നേന്ത്രക്കായ വിപണിയിലെ ഇടനിലക്കാരുടെ ഇടപെടലുകളാണ് വിലത്തകര്ച്ചയ്ക്ക് കാരണമായതെന്ന് കര്ഷകര് പറയുന്നത്. ക്വിന്റലിന് 1,000 രുപയാണ് വില ഇടിഞ്ഞത്. ക്വിന്റലിന് 5,700 രൂപയുണ്ടായിരുന്ന നേന്ത്രക്കായവില രണ്ടുദിവസംകൊണ്ട് 4,700 രൂപയായാണ് കൂറഞ്ഞത്.
മടിക്കൈയില്നിന്ന് ഒരോവര്ഷവും മൂന്നുകോടിയോളം രൂപയുടെ നേന്ത്രക്കായയാണ് വിപണിയിലെത്തുന്നത്. വിപണിയില് ഏറ്റവും പ്രിയമേറിയതാണ് മടിക്കൈയിലെ നേന്ത്രക്കായ. ഇടനിലക്കാരുടെ ചൂഷണം ഒഴിവായിക്കിയാല് അത് കര്ഷകര്ക്ക് മാത്രമല്ല ഉപഭോക്താക്കള്ക്കും ഗുണംചെയ്യും. മടിക്കൈയിലെ നേന്ത്രവാഴ കര്ഷകര് പ്രധാനമായും വി.എഫ്.പി.സി.കെ. സംഘം മുഖേനയാണ് അവരുടെ ഉല്പന്നങ്ങള് വിറ്റഴിക്കുന്നത്. എന്നാല്, സംഘം പ്രധാനമായും നേന്ത്രക്കായ വിറ്റഴിക്കാന് ആശ്രയിക്കുന്നത് ജില്ലയിലെ മൊത്തക്കച്ചവടക്കാരെയാണ്. സംഘം നേരിട്ട് ചെറുകിട വ്യാപാരികളുമായി കച്ചവടം നടത്തിയാല് ഇടനിലക്കാരുടെ ചൂഷണം ഒഴിവാക്കാന് കഴിയുമെന്നാണ് കര്ഷകര് പറയുന്നത്. കൂടാതെ മറ്റുജില്ലകളിലേക്കും കര്ണാടകത്തിലേക്കും വിപണി കണ്ടെത്തി നേന്ത്രക്കായ കയറ്റിയക്കാനുള്ള സംവിധാനമുണ്ടായാല് ഇടനിലക്കാരുടെ ചൂഷണം ഒഴിവാക്കാന് കഴിയും
https://www.facebook.com/Malayalivartha