ലോട്ടറിക്ക് ഇരട്ട നികുതി; നിയമോപദേശം തേടി സര്ക്കാര്
ലോട്ടറികള്ക്ക് ഇരട്ട നികുതി പിരിക്കുന്നതു സംബന്ധിച്ച തര്ക്കം അറ്റോര്ണി ജനറലിന്റെ നിയമോപദേശത്തിന് വിടാന് ജി എസ് ടി കൗണ്സില് യോഗം തീരുമാനിച്ചു. കേരളം ഉള്പ്പെടെ നാല് സംസ്ഥാനങ്ങളാണ് ഇക്കാര്യം ആവശ്യപ്പെട്ടത്. ലോട്ടറിക്ക് ഏകീകൃത നികുതി ചുമത്തുന്നത് രാജ്യമൊട്ടാകെ ഒരു ഏകീകൃത ലോട്ടറി ഉണ്ടാക്കുമെന്നാണ് വാദമെങ്കിലും ഇത് കരിഞ്ചന്തയ്ക്ക് വഴിതെളിക്കും. അതിനാല് ലോട്ടറിയെ ജി എസ് ടി പരിധിയില് കൊണ്ടുവരാനും ഏകീകൃത നികുതി ചുമത്താനുമുള്ള ആലോചന എല്ലാ വശങ്ങളും പരിശോധിച്ചു മാത്രം തീരുമാനമെടുക്കേണ്ടതാണ്. കൂടുതല് സുതാര്യത ഉറപ്പുവരുത്തുമെന്നതിനാല് ഇപ്പോള് പിന്തുടരുന്ന നികുതിനിരക്ക് രീതി പിന്തുടരണം.
കേരളം നടത്തിവരുന്ന ലോട്ടറി മറ്റു സംസ്ഥാനങ്ങളില്നിന്നും വ്യത്യസ്തമാണ്. ആരോഗ്യവികസന പ്രവര്ത്തനങ്ങള്ക്കായാണ് ഇതില്നിന്നുള്ള വരുമാനം ഉപയോഗിക്കുന്നത്. ലോട്ടറി വിപണിയിലേക്കുള്ള സ്വകാര്യ ഏജന്റുമാരുടെ കടന്നുകയറ്റവും അതുമൂലം ഉണ്ടാകുന്ന അസ്വസ്ഥതകളും കണക്കിലെടുത്താണ് സര്ക്കാര് നേരിട്ട് ലോട്ടറി നടത്തുന്നത്.
28ാമത് ജി എസ് ടി കൗണ്സിലിന്റെ തീരുമാനങ്ങള് കര്ശനമായി നടപ്പാക്കണം. കേരള സംസ്ഥാന ലോട്ടറി മറ്റു ഭാഗ്യക്കുറികളില്നിന്നും ചൂതാട്ടങ്ങളില്നിന്നും വ്യത്യസ്തമായി സര്ക്കാരിന്റെ കര്ശന നിയമങ്ങള്ക്ക് വിധേയമായാണ് പ്രവര്ത്തിക്കുന്നത്. ജി എസ് ടി കൗണ്സില് യോഗത്തില്, ലോട്ടറി വിഷയത്തില് നിലവിലുള്ള വ്യത്യസ്ത ജി എസ് ടി നിരക്ക് സംസ്ഥാനം നടത്തുന്ന ലോട്ടറികള്ക്ക് 12 ശതമാനവും സംസ്ഥാനത്ത് അനുവദിച്ചിട്ടുള്ള ലോട്ടറികള്ക്ക് 28 ശതമാനവും ആയി നിലനിര്ത്തണമെന്ന് സംസ്ഥാനം ആവശ്യപ്പെട്ടു.
കേരളം സംസ്ഥാന ഓണ്ലൈന് ലോട്ടറി ഫ്രീ സോണ് ആയിതിനാല് സംസ്ഥാനത്ത് ഒരു കാരണവശാലും ഓണ്ലൈന് ലോട്ടറിയുടെ വില്പന അനുവദിക്കാനാകില്ല. ലോട്ടറിക്ക് ജി എസ് ടി നിരക്ക് ഏര്പ്പെടുത്തുമ്പോള് കേവലം വരുമാനവശം മാത്രം കണക്കിലെടുക്കാതെ ധാര്മ്മികവശങ്ങള് കൂടി പരിഗണിക്കണം. കേരള ലോട്ടറി ഒരു ലക്ഷം പേര്ക്ക് തൊഴില് നല്കുന്നു. ഇവരില് അധികവും പാവപ്പെട്ടവരും വിധവകളും ബലഹീനരുമാണ്. അതിനാല് ലോട്ടറിയെ ചരക്ക് വിഭാഗത്തില് മാത്രം ഉള്പ്പെടുത്തണം.
https://www.facebook.com/Malayalivartha
