സംസ്ഥാനത്ത് സ്വര്ണവിലയില് വീണ്ടും ഇടിവ്... പവന് 36,360 രൂപ
സംസ്ഥാനത്ത് സ്വര്ണവിലയില് വീണ്ടും ഇടിവ്. ഇന്ന് പവന്റെ വില 36,360 രൂപയായി. 4545 രൂപയാണ് ഗ്രാമിന്റെ വില. ചൊവ്വാഴ്ച പവന് 720 രൂപ ഇടിഞ്ഞതിനു പിന്നാലെ ബുധനാഴ്ച 480 രൂപയും കുറഞ്ഞിരുന്നു. ഓഗസ്റ്റില് പവന്വില ഏറ്റവും ഉയര്ന്ന നിരക്കായ 42,000 രൂപയില് എത്തിയതിനു ശേഷം വിലയില് ഏറ്റക്കുറച്ചിലായിരുന്നു. നാലു മാസത്തിനുള്ളില് ഗ്രാമിന് 705 രൂപയുടേയും പവന് 5,600 രൂപയുടേയും ഇടിവാണ് രേഖപ്പെടുത്തിയത്.
ആഗോള വിപണിയുടെ ചുവടുപിടിച്ചാണ് ആഭ്യന്തര വിപണിയിലും സ്വര്ണ വില ചാഞ്ചാടുന്നത്. ആഗോള വിപണിയില് ഒരു ട്രോയ് ഔണ്സ് (31.1 ഗ്രാം) 24 കാരറ്റ് സ്വര്ണത്തിന് 0.3ശതമാനം വിലകുറഞ്ഞ് 1,810.44 ഡോളര് നിലവാരത്തിലെത്തി. എക്കാലത്തെ ഉയര്ന്ന വിലയായ 2,080 ഡോളറിലെത്തിയ ശേഷം ചാഞ്ചാട്ടം തുടരുന്നു.
https://www.facebook.com/Malayalivartha