സംസ്ഥാനത്ത് സ്വര്‍ണവിലയില്‍ വര്‍ദ്ധനവ്... പവന് 160 രൂപ കൂടി 35,040 ആയി. ഗ്രാമിന് 20 രൂപ വര്‍ധിച്ചു 4380 ലുമാണ് വ്യാപാരം നടക്കുന്നത്.

രാജ്യത്തെ കമ്മോഡിറ്റി വിപണിയായ എംസിഎക്സില്‍ ഗോള്‍ഡ് ഫ്യൂച്ചേഴ്സ് വില 10 ഗ്രാമിന് 46,837 ആയി. ആഗോള വിപണിയില്‍ സ്പോട് ഗോള്‍ഡ് വില ട്രോയ് ഔണ്‍സ് 1759.30 ഡോളര്‍ നിലവാരത്തിലാണ്.

അതേസമയം സെന്‍സെക്സില്‍ 500 പോയന്റ് നേട്ടത്തോടെ തുടക്കമായിരുന്നു. തുടര്‍ച്ചയായ നാലാമത്തെ ദിവസവും സൂചികകള്‍ നേട്ടത്തിലാണ് വ്യാപാരം ആരംഭിച്ചത്.സെന്‍സെക്സ് 520 പോയന്റോളം വര്‍ധിച്ചു. നിഫ്റ്റി 17,750 കടന്നു.

സെന്‍സെക്സ് 462.65 പോയന്റ് ഉയര്‍ന്ന് 59,652.38 ലും നിഫ്റ്റി 132.90 പോയന്റ് ഉയര്‍ന്ന് 17,778.90 ലുമാണ് വ്യാപാരം ആരംഭിച്ചത്. സെക്ടറല്‍ സൂചികകള്‍ എല്ലാം ലാഭത്തിലാണ്. ഓട്ടോ, റയല്‍റ്റി, പവര്‍ ഓഹരികള്‍ 1-3 ശതമാനം വര്‍ധനവ് രേഖപ്പെടുത്തി.



ടൈറ്റാന്‍, ഇന്‍ഡസ്ഇന്‍ഡ് ബാങ്ക്, മഹീന്ദ്ര ആന്‍ഡ് മഹീന്ദ്ര, ഏഷ്യന്‍പെയിന്റ്, റിലയന്‍സ്, ബജാജ് ഫിന്‍സര്‍വ്, പവര്‍ഗ്രിഡ്, മാരുതി, എല്‍ ആന്‍ഡ് ടി, ബജാജ് ഫിനാന്‍സ്, സണ്‍ഫാര്‍മ, ബജാജ് ഓട്ടോ, ടാറ്റാസ്റ്റീല്‍, ആക്സിസ്ബാങ്ക്, ഭാരതി എയര്‍ടെല്‍, ടിസിഎസ്, ഹിന്ദുസ്ഥാന്‍ യൂണിലെവര്‍ തുടങ്ങിയ ഓഹരികള്‍ നേട്ടത്തിലാണ്.