സ്വര്‍ണവിലയില്‍ വര്‍ദ്ധനവ്... പവന് 240 രൂപ വര്‍ദ്ധിച്ചു, ഈ മാസത്തെ ഏറ്റവും ഉയര്‍ന്ന നിരക്കില്‍ വ്യാപാരം നടക്കുന്നത്. ഇന്നലെ ഗ്രാമിന് 4500 ആയിരുന്നത് ഇന്ന് 4530 ആയി വര്‍ദ്ധിച്ച് ഈ മാസത്തെ ഏറ്റവും ഉയര്‍ന്ന നിരക്കില്‍ എത്തി.

ഇതോടെ പവന് 36240 രൂപയാണ് ഇന്നത്തെ വില. മുന്‍ ദിവസങ്ങളെ അപേക്ഷിച്ച് ഇന്നലെ സ്വര്‍ണ വിലയില്‍ ഇടിവുണ്ടായിരുന്നു. ഇന്നലെ ഗ്രാമിന് 4500 രൂപയും പവന് 36000 രൂപയും ആയിരുന്നു. മുന്‍ ദിവസങ്ങളെക്കാള്‍ ഇന്നലെ പവന് 200 രൂപ ഇടിഞ്ഞിരുന്നു എന്നാല്‍ ഇന്ന് പവന് 240 രൂപ വര്‍ദ്ധിച്ചു.

പത്ത് ഗ്രാം 22 കാരറ്റ് സ്വര്‍ണത്തിന് ഇന്നത്തെ വില 45300 രൂപയാണ്. 300 രൂപയുടെ വര്‍ധനവാണ് ഇന്ന് പത്ത് ഗ്രാം സ്വര്‍ണത്തിന് ഉണ്ടായത്.കഴിഞ്ഞ ഒരു മാസത്തിനിടെ സ്വര്‍ണ വിലയില്‍ വലിയ രീതിയിലുള്ള വ്യത്യാസമാണുണ്ടായത്.

നവംബര്‍ 13 ന് ഗ്രാമിന് 4610 ആയിരുന്നത് 25ഓടെ 4470 ആയി കുറഞ്ഞു. എന്നാല്‍ 27 ന് 4505 ആയി വീണ്ടും വര്‍ദ്ധിച്ചെങ്കിലും നവംബര്‍ 30 ന് 4485 ആയി കുറഞ്ഞു. ഈ മാസം ഗ്രാമിന് 4525 ല്‍ എത്തിയെങ്കിലും ഇന്നലെ 4500 ആയി കുറഞ്ഞിരുന്നശേഷമാണ് ഇന്ന് വില വര്‍ദ്ധിച്ചത്.

അതേസമയം വില കൂടിയാലും കുറഞ്ഞാലും സ്വര്‍ണത്തെ സുരക്ഷിത നിക്ഷേപമായാണ എല്ലാവരും കാണുന്നത്. നിക്ഷേപ മൂല്യം എന്നതിലുപരി സ്വര്‍ണത്തെ ആഭരണങ്ങളായും നാണയങ്ങളായും കൈവശം വെയ്ക്കാന്‍ ആളുകള്‍ ഇഷ്ടപ്പെടുന്നു. സ്വര്‍ണത്തിന്റെ രാജ്യാന്തര വില, ഡോളര്‍ രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്‍ണ വില നിര്‍ണയിക്കപ്പെടുന്നത്.