മാറ്റമില്ലാതെ സ്വര്‍ണവില... പവന് 36,560 രൂപയിലും ഗ്രാമിന് 4,570 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഡിസംബര്‍ മാസത്തിലെ ഏറ്റവും ഉയര്‍ന്ന നിരക്കാണിത്.

തുടര്‍ച്ചയായ രണ്ടു ദിവസം ആഭ്യന്തര വിപണിയില്‍ വില ഉയര്‍ന്ന ശേഷമാണ് ഇന്ന് വില മാറാതെ നില്‍ക്കുന്നത്. വെള്ളിയാഴ്ച പവന് 320 രൂപയും വ്യാഴാഴ്ച പവന് 240 രൂപയും വര്‍ധിച്ചിരുന്നു.

അതേസമയം സംസ്ഥാനത്ത് സ്വര്‍ണ വിലയില്‍ ഇന്നലെ വര്‍ധന രേഖപ്പെടുത്തി. ഗ്രാമിന് 40 രൂപയും പവന് 320 രൂപയുമാണ് വര്‍ധിച്ചത്. ഇതോടെ ഗ്രാമിന് 4,570 രൂപയും പവന് 36,560 രൂപയുമായി.


അന്താരാഷ്ട്ര വിപണിയില്‍ സ്വര്‍ണ വില ട്രോയ് ഔണ്‍സിന് 1,803 ഡോളറായി ഉയര്‍ന്നു. ഈ വില വര്‍ധനവാണ് ആഭ്യന്തര വിപണിയിലും പ്രതിഫലിക്കുന്നത്.