സംസ്ഥാനത്ത് സ്വര്‍ണവിലയില്‍ ഇടിവ്.... പവന് 80 രൂപയുടെ കുറവ്. ഒരാഴ്ചയ്ക്ക് ശേഷമാണ് സ്വര്‍ണവിലയില്‍ കുറവുണ്ടാകുന്നത്. നാല് ദിവസം മാറ്റമില്ലാതെ തുടരുന്നതിന് ശേഷമാണ് സ്വര്‍ണവില ഇന്ന് കുറഞ്ഞത്. ഒരു പവന്‍ സ്വര്‍ണത്തിന് ഇന്ന് 80 രൂപ കുറഞ്ഞു. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 46160 രൂപയാണ്.

കഴിഞ്ഞ വെള്ളി, ശനി ദിവസങ്ങളില്‍ വില ഉയര്‍ന്നിട്ടുണ്ടായിരുന്നു. പിന്നീട് സ്വര്‍ണവിലയില്‍ മാറ്റം വന്നിട്ടില്ല. വെള്ളിയാഴ്ച 280 രൂപ വര്‍ധിച്ച് സ്വര്‍ണവില വീണ്ടും 46,000 ത്തിന് മുകളിലേക്ക് എത്തി. ശനിയാഴ്ച 80 രൂപ കൂടി ഉയര്‍ന്നതോടെ ആകെ 360 രൂപയാണ് വര്‍ധിച്ചത്.

ഒരു ഗ്രാം 22 കാരറ്റ് സ്വര്‍ണത്തിന്റെ വില 5770 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 4770 രൂപയാണ്.

അതേസമയം വെള്ളിയുടെ വിലയിലും മാറ്റമില്ല. ഒരു ഗ്രാം സാധാരണ വെള്ളിയുടെ വില വിപണി വില 77 രൂപയാണ്. അതേസമയം, ഒരു ഗ്രാം ഹാള്‍മാര്‍ക്ക് വെള്ളിയുടെ വിലയിലും മാറ്റമില്ല. വിപണി വില103 രൂപയാണ്.