തമിഴ്നാട് ഗ്ലോബല് സ്റ്റാര്ട്ടപ്പ് ഉച്ചകോടിയില് തിളങ്ങി കെഎസ്യുഎം സ്റ്റാര്ട്ടപ്പുകള്
12 OCTOBER 2025 05:40 PM IST
മലയാളി വാര്ത്ത
ഇന്ത്യയിലെ ഏറ്റവും വലിയ സ്റ്റാര്ട്ടപ്പ് പരിപാടികളില് ഒന്നായ ടിഎന്ജിഎസ്എസ് 2025, സ്റ്റാര്ട്ടപ്പ് ടിഎന്-ന്റെ മുന്നിര സംരംഭമാണ്. സ്റ്റാര്ട്ടപ്പുകള്, നിക്ഷേപകര്, സ്റ്റാര്ട്ടപ്പ് ആവാസ വ്യവസ്ഥാ നേതൃനിര, വ്യവസായ പ്രമുഖര് എന്നിവര്ക്ക് ഒരുമിച്ച് ചേരാനും സഹകരിക്കാനും കൂട്ടായ സ്റ്റാര്ട്ടപ്പ് വളര്ച്ചയ്ക്ക് ഊര്ജം നല്കാനും 9, 10 തിയ്യതികളില് നടന്ന ഉച്ചകോടി മികച്ച വേദിയായി.
തമിഴ്നാടിന്റെ നൂതനാധിഷ്ഠിത സമ്പദ് വ്യവസ്ഥ കെട്ടിപ്പടുക്കുന്നതിലെ പുരോഗതി പ്രദര്ശിപ്പിക്കുന്നതിനോടൊപ്പം എല്ലാ മേഖലകളിലും സമഗ്രമായ വികസനം പ്രോത്സാഹിപ്പിക്കാനും ഉച്ചകോടി ലക്ഷ്യമിടുന്നു.
20-ല് അധികം ആഗോള സ്റ്റാര്ട്ടപ്പ് പങ്കാളികള്, 100-ല് അധികം ഇക്കോസിസ്റ്റം പങ്കാളികള്, 100-ല് അധികം പ്രഭാഷകര് തുടങ്ങിയവര് ഈ ഉച്ചകോടിയില് പങ്കെടുത്തു.
മികച്ച സ്റ്റാര്ട്ടപ്പ് ആവാസവ്യവസ്ഥകളെ മനസ്സിലാക്കാനും അവയിലൂടെ പുതിയ സാധ്യതകള് കണ്ടെത്താനും ഇത്തരം സമ്മേളനങ്ങളിലെ പ്രാതിനിധ്യം സഹായിക്കുമെന്ന് കെഎസ്യുഎം സിഇഒ അനൂപ് അംബിക പറഞ്ഞു. ബിസിനസ്, നിക്ഷേപ സാധ്യതകള് കണ്ടെത്താനും പുതിയ വിപണികളിലേക്ക് സംരംഭങ്ങള് വ്യാപിപ്പിക്കാനും സ്റ്റാര്ട്ടപ്പുകളെ സഹായിക്കുമെന്നും അദ്ദേഹം കൂട്ടിച്ചേര്ത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
