നഴ്‌സിങ് ഡിപ്ലോമ : 23 വരെ അപേക്ഷിക്കാം
കോട്ടയം, തിരുവനന്തപുരം ഗവ. നഴ്‌സിങ് കോളജുകളില്‍ ക്രട്ടിക്കല്‍ കെയര്‍ നഴ്‌സിങ്, എമര്‍ജെന്‍സി ആന്‍ഡ് ഡിസാസ്റ്റര്‍ നഴ്‌സിങ്, ഓങ്കോളജി നഴ്‌സിങ്, ന്യൂറോ സയന്‍സ് നഴ്‌സിങ്, കാര്‍ഡിയോ തൊറാസിക് നഴ്‌സിങ്, നിയോനേറ്റല്‍ നഴ്‌സിങ്, നഴ്‌സ് മിഡ് വൈഫറി പ്രാക്ടീഷണര്‍ എന്നീ പോസ്റ്റ് ബേസിക് ഡിപ്ലോമ നഴ്‌സിങ് കോഴ്‌സുകള്‍ക്ക് 23 വരെ അപേക്ഷ സമര്‍പ്പിക്കാം.
പ്രോസ്‌പെക്ടസ് Lbscentre.in എന്ന വെബ്‌സൈറ്റില്‍. ഫെഡറല്‍ ബാങ്ക് ശാഖകളില്‍ വെബ്‌സൈറ്റിലൂടെ ലഭിക്കുന്ന ചെല്ലാന്‍ ഫോം ഉപയോഗിച്ചു ഫീസ് അടയ്ക്കാം. ബാങ്കില്‍ നിന്നു ലഭിക്കുന്ന അപേക്ഷാ നമ്പറും സെക്യൂരിറ്റി കീയും ഉപയോഗിച്ച് അപേക്ഷകര്‍ക്ക് 25 വരെ വ്യക്തിഗത വിവരങ്ങള്‍ ഓണ്‍ലൈന്‍ ആയി വെബ്‌സൈറ്റില്‍ രജിസ്റ്റര്‍ ചെയ്യാം. അപേക്ഷകള്‍ 26 ന് അഞ്ചു മണിക്കകം ഡയറക്ടര്‍, എല്‍ബിഎസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജി, നന്ദാവനം, പാളയം, തിരുവനന്തപുരം എന്ന വിലാസത്തില്‍ അയക്കണം.
അപേക്ഷാ ഫീസ് പൊതുവിഭാഗത്തിന് 500 രൂപയും പട്ടിക ജാതി /വര്‍ഗ വിഭാഗത്തിന് 250 രൂപയും ആണ്. അപേക്ഷകര്‍ ഫിസിക്‌സ്, കെമിസ്ട്രി, ബയോളജി ഐശ്ചിക വിഷയമായി എടുത്ത് പ്ലസ്ടു പരീക്ഷയും 50 % മാര്‍ക്കോടെ നഴ്‌സിങ് കൗണ്‍സിലും സ്‌റ്റേറ്റ് കൗണ്‍സിലും അംഗീകരിച്ച ബി.എസ്.സി നഴ്‌സിങ് / പോസ്റ്റ് ബേസിക് ബി.എസ്.സി നഴ്‌സിങ് / ജിഎന്‍എം കോഴ്‌സും പാസായിരിക്കണം.
പ്രായപരിധി 45 സര്‍വീസ് ക്വോട്ടയിലേക്കുളള അപേക്ഷാര്‍ത്ഥികള്‍ക്ക് 49 വയസ്സ്. ഫോണ്‍ : 04712560361
https://www.facebook.com/Malayalivartha
