എം.എസ്സി. നഴ്സിങ് സ്പോട്ട് അലോട്ട്മെന്റ്
എം.എസ്സി. നഴ്സിങ് കോഴ്സിനു സര്ക്കാര്അംഗീകൃത സ്വാശ്രയ നഴ്സിങ് കോളജുകളില് ഒഴിവുള്ള മെരിറ്റ് സീറ്റുകളിലേക്കുള്ള സ്പോട്ട് അലോട്ട്മെന്റ് തിരുവനന്തപുരം മെഡിക്കല് കോളജ് കാമ്പസിലുള്ള പഴയ ഓഡിറ്റോറിയത്തില് 23നു രാവിലെ 10 മുതല് നടത്തും.
പ്രവേശന പരീക്ഷാ കമ്മിഷണറുടെ റാങ്ക് ലിസ്റ്റില് ഉള്പ്പെട്ടിട്ടുള്ള എല്ലാവര്ക്കും പങ്കെടുക്കാം. വിവിധ കാരണങ്ങളാല് മുന് കൗണ്സിലിങ്ങില് ഹാജരായി സീറ്റ് ലഭിക്കാത്തവര്ക്കും ഹയര് ഓപ്ഷന് കൊടുത്തിട്ടുള്ളവര്ക്കും പങ്കെടുക്കാം. അഡ്മിറ്റ് കാര്ഡും മറ്റു യോഗ്യത തെളിയിക്കുന്ന അസല് സര്ട്ടിഫിക്കറ്റുകളും ഹാജരാക്കണം. നൂറും അതിലധികവും കിടക്കകളുള്ള ആശുപത്രിയില് ഒരു വര്ഷം സേവനം അനുഷ്ഠിച്ചിട്ടുണ്ടെന്ന സര്ട്ടിഫിക്കറ്റും അതോടൊപ്പം ഹാജരാക്കണം.
കേരളത്തിന് പുറത്തുള്ള സര്വകലാശാലകളില്നിന്നു യോഗ്യതാ സര്ട്ടിഫിക്കറ്റ് നേടിയവര് കേരളത്തിലെ സര്വകലാശാലയില്നിന്നു നേടിയിട്ടുള്ള യോഗ്യതാ സര്ട്ടിഫിക്കറ്റ് ഹാജരാക്കണം.
സംവരണ വിഭാഗത്തില്പ്പെട്ട അപേക്ഷാര്ഥികള് ജാതി, വരുമാനം എന്നിവ തെളിയിക്കുന്ന സര്ട്ടിഫിക്കറ്റുകളുടെ അസലും ഹാജരാക്കണം. പ്രവേശനം ലഭിച്ചാല് അന്നേദിവസംതന്നെ ഫീസ് അടയ്ക്കണം
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha