എം ജിയില്‍ ഇംഗ്ലീഷ് കമ്യൂണിക്കേഷന്‍ പി.ജി സര്‍ട്ടിഫിക്കറ്റ് കോഴ്‌സിന് അപേക്ഷ ക്ഷണിച്ചു. ഏതെങ്കിലും വിഷയത്തില്‍ അംഗീകൃത ബിരുദം നേടിയവര്‍ക്ക് അപേക്ഷിക്കാം. പ്ലസ് ടു അല്ലെങ്കില്‍ തത്തുല്യ പരീക്ഷയ്ക്ക് ഇംഗ്ലീഷ് വിഷയത്തിന് ലഭിച്ച മാര്‍ക്കിന്റെ അടിസ്ഥാനത്തിലാണ് പ്രവേശനം.
കോഴ്‌സ് കാലാവധി എട്ട് ആഴ്ച. സീറ്റുകളുടെ എണ്ണം 20. ഫീസ് 6000 രൂപ. എസ്.സി/എസ്.റ്റി വിഭാഗത്തിന് 3000 രൂപ. അപേക്ഷാ ഫോമിന് 100 രൂപ. യോഗ്യതകള്‍ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പ് സഹിതം പൂരിപ്പിച്ച അപേക്ഷകള്‍ മാര്‍ച്ച് 31ന് മുന്‍പായി ദ ഓണററി ഡയറക്ടര്‍, സെന്റര്‍ ഫോര്‍ ഇംഗ്ലീഷ് ലാംഗ്വേജ് ആന്റ് കമ്യൂണിക്കേഷന്‍ സ്‌കില്‍സ്, മഹാത്മാ ഗാന്ധി സര്‍വ്വകലാശാല, പ്രിയദര്‍ശിനി ഹില്‍സ് പി.ഒ, പിന്‍ 686560 (ഫോണ്‍ 04812732949) എന്ന വിലാസത്തില്‍ ലഭിക്കണം.

അപേക്ഷാ ഫീസ് പണമായോ ഡിമാന്റ് ഡ്രാഫ്റ്റായോ (ദ ഓണററി ഡയറക്ടര്‍, സെന്റര്‍ ഫോര്‍ ഇംഗ്ലീഷ് കമ്യൂണിക്കേഷന്‍ സ്‌കില്‍സ് എന്ന പേരില്‍ എസ്.ബി.റ്റിയുടെ എം.ജി.യു കാമ്പസ് ശാഖയില്‍ മാറ്റാവുന്നത്) നല്‍കുന്നതാണ്. അപേക്ഷാ ഫോം സര്‍വ്വകലാശാലയുടെ ഔദ്യോഗിക വെബ്‌സൈറ്റില്‍ ലഭിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha