അടിസ്ഥാന ശാസ്ത്ര വിഷയങ്ങളില്‍ ഒന്നാം വര്‍ഷം  BSc/BS/B.Stat./B.Math/ Integrated MSc/MS  കോഴ്‌സുകളില്‍ പഠിക്കുന്ന സമര്‍ത്ഥരായ വിദ്യാര്‍ത്ഥികള്‍ക്ക് ബംഗളൂരുവിലെ ഇന്ത്യന്‍ ഇന്‍സ്റ്റിസ്റ്റ്യൂട്ട് ഓഫ് സയന്‍സിന്റെ ആഭിമുഖത്തില്‍ നടത്തുന്ന ഇക്കൊല്ലത്തെ കിഷോര്‍ വൈജ്ഞാനിക് പ്രോത്സാഹന്‍ യോജന' (KVYP) ഫെലോഷിപ്പിന് ജൂലായ് 18 മുതല്‍ www.kvpy.iisc.ernet.in എന്ന വെബ്‌സൈറ്റിലൂടെ ഓണ്‍ലൈന്‍ അപേക്ഷാ സമര്‍പ്പണം നടത്താം.ഓണ്‍ലൈന്‍ അഭിരുചി പരീക്ഷയിലൂടെ ഫെലോഷിപ്പിനുള്ള ധനസഹായം നല്‍കുന്നത്
കേന്ദ്ര ശാസ്ത്ര സാങ്കേതിക വകുപ്പാണ്. തിരഞ്ഞെടുക്കപ്പെടുന്നവര്‍ക്ക് പ്രതിമാസം 5,000 മുതല്‍ 7,000 രൂപ വരെ ഫെലോഷിപ്പ് തുകയായി ലഭിക്കുന്നതിന് പുറമെ വാര്‍ഷിക കണ്ടിജന്‍സി ഗ്രാന്റും ലഭിക്കും.
ഇക്കൊല്ലം പതിനൊന്ന്, പന്ത്രണ്ട് ക്ലാസുകളില്‍ പ്രവേശനം ലഭിച്ചവര്‍ക്കും ഉപരിപഠനാര്‍ത്ഥം ബിരുദ കോഴ്‌സുകളിലെത്തുമ്പോള്‍ സ്‌കോളര്‍ഷിപ്പിന് പരിഗണിക്കപ്പെടുന്നതിന് ആഗസ്ത് 30 നു മുന്‍പ്അപേക്ഷിക്കാവുന്നതാണ്.
SA, SX, SB എന്നിങ്ങനെ മൂന്ന് സ്ട്രീമുകളായി അപേക്ഷാര്‍ത്ഥികളെ തരംതിരിച്ചിട്ടുണ്ട്. ഓരോ സ്ട്രീമിലും അപേക്ഷിക്കുന്നതിനുള്ള യോഗ്യതാ മാനദണ്ഡങ്ങള്‍ ചുവടെ:
സ്ട്രീം SA : ഇക്കൊല്ലം ശാസ്ത്ര വിഷയങ്ങളില്‍ പതിനൊന്നാം ക്ലാസ് പ്രവേശനം ലഭിച്ചവരും .പത്താം ക്ലാസ് ബോര്‍ഡ് പരീക്ഷയില്‍ മാത്തമാറ്റിക്‌സ്, സയന്‍സ് വിഷയങ്ങളില്‍ മൊത്തം 80% (S C /ST വിഭാഗങ്ങളില്‍പ്പെടുന്നവര്‍ക്ക് 70% മതി) മാര്‍ക്കില്‍ കുറയാതെ നേടി വിജയിച്ചവരെയുമാണ് ഈ വിഭാഗത്തില്‍ ഉള്‍പ്പെടുത്തിയിട്ടുള്ളത് . തിരഞ്ഞെടുക്കപ്പെടുന്നവര്‍ക്ക് ഒന്നാം വര്‍ഷ ശാസ്ത്ര വിഷയങ്ങളില്‍ ബിരുദ പ്രവേശനം നേടുമ്പോഴാണ് ഫെലോഷിപ് ലഭിച്ചു തുടങ്ങും . പന്ത്രണ്ടാം ക്ലാസ് ബോര്‍ഡ് പരീക്ഷയിലും ശാസ്ത്ര വിഷയങ്ങള്‍ക്ക് മൊത്തം 60% (SC/ST/PWD വിഭാഗങ്ങളില്‍പ്പെടുന്നവര്‍ക്ക് 50% മതി) മാര്‍ക്കില്‍ കുറയാതെ നേടുകയും വേണം
സ്ട്രീം SX: ഇക്കൊല്ലംശാസ്ത്ര വിഷയങ്ങളില്‍ പന്ത്രണ്ടാം ക്ലാസ് പ്രവേശനം നേടിയവരാകണം. പത്താം ക്ലാസ് ബോര്‍ഡ് പരീക്ഷയില്‍ മാത്തമാറ്റിക്‌സ്, സയന്‍സ് വിഷയങ്ങളില്‍ മൊത്തം 80% SC/ST വിഭാഗങ്ങളില്‍പ്പെടുന്നവര്‍ക്ക് 70% മതി) മാര്‍ക്കില്‍ കുറയാതെ ഉണ്ടാകണം.പന്ത്രണ്ടാം ക്ലാസ് ബോര്‍ഡ് പരീക്ഷയില്‍ ശാസ്ത്ര വിഷയങ്ങള്‍ക്ക് മൊത്തം 60% (SC/ST/PWD വിഭാഗങ്ങളില്‍പ്പെടുന്നവര്‍ക്ക് 50% മതി) മാര്‍ക്കില്‍ കുറയാതെ നേടാനാകണം. 201718 അധ്യയനവര്‍ഷം ശാസ്ത്ര വിഷയങ്ങളില്‍ ബിരുദ പ്രവേശനം ലഭിക്കുമ്പോഴാണ് ഫെലോഷിപ്പ് ലഭിക്കുക.
സ്ട്രീം  SB : ഒന്നാം വര്‍ഷ   BSc/BS/B.Stat./B.Math/ Integrated MSc/MS പ്രോഗ്രാമുകളില്‍ ഇക്കൊല്ലം പ്രവേശനം നേടിയവരാകണം.പന്ത്രണ്ടാം ക്ലാസ് ബോര്‍ഡ് പരീക്ഷയില്‍ ശാസ്ത്ര വിഷയങ്ങള്‍ക്ക് മൊത്തം 60% (SC/ST/PWD വിഭാഗങ്ങളില്‍പ്പെടുന്നവര്‍ക്ക് 50% മതി) മാര്‍ക്കില്‍ കുറയാതെ നേടിയിരിക്കണം.ഇന്ത്യയില്‍ പഠിക്കുന്ന ഭാരത പൗരന്‍മാര്‍ക്കാണ് ഫെലോഷിപ്പിന് അര്‍ഹതയുള്ളത്. അപേക്ഷാ ഫീസ് 1,000 രൂപ. SC/ST/PWD വിഭാഗക്കാര്‍ക്ക് 500 രൂപ മതി. അപേക്ഷാ സമര്‍പ്പണത്തിനുള്ള നിര്‍ദേശങ്ങള്‍ വെബ്‌സൈറ്റിലുണ്ട്. കൂടുതല്‍ വിവരങ്ങള്‍ക്ക്  www.kvpy.iisc.ernet.in. വെബ്‌സൈറ്റ് കാണുക