ഇന്ത്യന്‍ റെയില്‍വേ ലെവല്‍ വണ്‍ തസ്തികയിലേക്കാണ് ഇപ്പോൾ അപേക്ഷ ക്ഷണിച്ചിട്ടുള്ളത് . 1, 03, 769 ഒഴിവുകളാണുള്ളത്.വര്‍ക്ഷോപ് അസി. 1714, അസി. പോയിന്റ്സ്മാന്‍ 1792, ട്രാക്ക്മെയിന്റയിനര്‍ 2890 എന്നിവയാണ് ദക്ഷിണറെയില്‍വേയില്‍ കൂടുതലായുള്ള ഒഴിവുള്ള തസ്തികകള്‍. ദക്ഷിണറേയില്‍വേയില്‍ 17 തസ്തികകളില്‍ 9579 ഒഴിവാണുള്ളത്.

യോഗ്യത : പത്താം ക്ലാസ്സ് അല്ലെങ്കില്‍ ഐടിഐ/നാഷണല്‍ അപ്രന്റിസ്ഷിപ്പ് സര്‍ടിഫിക്കറ്റ് ഉള്ളവർക്ക് അപേക്ഷിക്കാം .യോഗ്യത സര്‍ക്കാര്‍ അംഗീകൃത സ്ഥാപനങ്ങളില്‍നിന്നാകണം.പ്രായം: 18-33. 2019 ജൂലൈ ഒന്നിനെ അടിസ്ഥാനമാക്കിയാണ് പ്രായം കണക്കാക്കുന്നത്.

ചെന്നൈ ആര്‍ആര്‍ബിക്കാണ് ദക്ഷിണറെയില്‍വേയിലെ ഒഴിവുകളിലേക്കുള്ള റിക്രൂട്ട്മെന്റ് ചുമതല. കേരളവും കര്‍ണാടകവും തമിഴ്നാടും ഉള്‍പ്പെടുന്ന ദക്ഷിണസോണില്‍ തിരുവനന്തപുരം, ചെന്നൈ എന്നീ രണ്ട് ആര്‍ആര്‍ബി കേന്ദ്രങ്ങളുണ്ട്.
ഇവിടെനിന്ന് തെരഞ്ഞെടുക്കപ്പെടുന്നവര്‍ക്ക് തിരുവനന്തപുരം, പാലക്കാട്, ചെന്നൈ, സേലം, മധുരൈ, തിരുച്ചിറപ്പള്ളി ഡിവിഷനുകളില്‍ നിയമനം ലഭിക്കും.

തെരഞ്ഞെടുപ്പിന് ഒന്നാം ഘട്ടം കംപ്യൂട്ടര്‍ അധിഷ്ഠിത പരീക്ഷ, ഫിസിക്കല്‍ എഫിഷന്‍സി ടെസ്റ്റ്, സര്‍ടിഫിക്കറ്റ് വെരിഫിക്കേഷന്‍, മെഡിക്കല്‍ പരിശോധന എന്നിവയുമുണ്ടാകും.

സെപ്തംബര്‍, ഒക്ടോബര്‍ മാസങ്ങളില്‍ കംപ്യൂട്ടര്‍ അധിഷ്ഠിത ഓണ്‍ലൈന്‍ പരീക്ഷ നടക്കും.

ഓണ്‍ലൈനായി അപേക്ഷിക്കേണ്ട അവസാന തിയതി ഏപ്രില്‍ 12.

വിശദവിവരത്തിന് www.rrbchennai.gov.in