ഇന്തോ-ടിബറ്റൻ ബോർഡർ പോലീസ് ഫോഴ്സിൽ(ഐ.ടി.ബി.പി.എഫ്) കായിക താരങ്ങള്‍ക്ക് അവസരം. അർധസൈനികവിഭാഗത്തിൽ പെടുന്നവയാണ് ഇന്തോ-ടിബറ്റൻ ബോർഡർ പോലീസ് ഫോഴ്സ് .

ഗ്രൂപ്പ് സി നോൺ ഗസറ്റഡ് (നോൺ-മിനിസ്റ്റീരിയൽ) വിഭാഗത്തിലെ കോൺസ്റ്റബിൾ (ജനറൽ ഡ്യൂട്ടി) തസ്തികയിലെ സ്പോർട്സ് ക്വാട്ട നിയമനത്തിന് അത്‌ലറ്റിക്സ്, ജൂഡോ, വാട്ടർ സ്പോർട്സ് (കയാക്കിങ്, കനോയിങ്), വാട്ടർ സ്പോർട്സ് (റോവിങ്), ബോക്സിങ്, ജിംനാസ്റ്റിക്സ്, വുഷു, ആർച്ചറി, ഷൂട്ടിങ്, സ്കീയിങ്, റെസ്‌ലിങ്, കരാട്ടെ എന്നീ കായികയിനങ്ങളിൽ മികവ് തെളിയിച്ച സ്ത്രീപുരുഷന്മാർക്ക് അപേക്ഷിക്കാം.121 ഒഴിവുകളുണ്ട്. നിലവിൽ നിയമനം താത്കാലികമാണെങ്കിലും പിന്നീട് സ്ഥിരപ്പെടാം.

യോഗ്യത: എസ്.എസ്.എൽ.സി. അല്ലെങ്കിൽ തത്തുല്യം. 01.01.2017 മുതൽ 21.06.2019 നിടയ്ക്കുള്ള കാലയളവിൽ ദേശീയ/ അന്തർദേശീയ ചാമ്പ്യൻഷിപ്പുകളിൽ ഏതിലെങ്കിലും പങ്കെടുത്ത് മെഡൽ നേടിയിരിക്കണം.

നിർദിഷ്ട ശാരീരിക യോഗ്യത വേണം. പ്രായം: 21.06.2019-ന് 18-23 വയസ്സ്. എസ്.സി., എസ്.ടി. വിഭാഗക്കാർക്ക് അഞ്ചും ഒ.ബി.സി.ക്കാർക്ക് മൂന്നും വർഷം വയസ്സിളവ് ലഭിക്കും. ശമ്പളം: 21,700 രൂപ.

താല്പര്യമുള്ള ഉദ്യോഗാർത്ഥികൾ അപേക്ഷിക്കേണ്ട അവസാന തീയതി- ജൂൺ 21..

കൂടുതൽ വിവരങ്ങൾക്കും അപേക്ഷ അയക്കുന്നതിനും itbpolice, itbpolice.nic.in എന്ന വെബ്സൈറ്റ് സന്ദർശിക്കുക :