കേന്ദ്രസര്‍വീസിലെ മള്‍ട്ടി ടാസ്‌കിങ് സ്റ്റാഫ് തസ്തികയിലേക്ക് സ്റ്റാഫ് സെലക്ഷൻ കമ്മീഷൻ ആണ് അപേക്ഷ ക്ഷണിച്ചിട്ടുള്ളത് .

18-25, (1994 ഓഗസ്റ്റ് രണ്ടിനും 2001 ഓഗസ്റ്റ് ഒന്നിനും ഇടയില്‍ ജനിച്ചവരാവണം) 18-27 (1992 ഓഗസ്റ്റ് രണ്ടിനും 2001 ഓഗസ്റ്റ് ഒന്നിനും ഇടയില്‍ ജനിച്ചവരാവണം)എന്നിങ്ങനെ രണ്ട് പ്രായവിഭാഗത്തിനായി തസ്തികകള്‍ തിരിച്ചിട്ടുണ്ട്. പതിനായിരത്തിലധികം ഒഴിവുകള്‍ പ്രതീക്ഷിക്കുന്നു.

യോഗ്യത: എസ്.എസ്.എല്‍.സി./തത്തുല്യം.......

ആദ്യഘട്ടം കംപ്യൂട്ടര്‍ അധിഷ്ഠിത പരീക്ഷ, രണ്ടാംഘട്ടം വിവരണാത്മക പരീക്ഷ എന്നിവയിലൂടെയാണ് തിരഞ്ഞെടുപ്പ്.മള്‍ട്ടിപ്പിള്‍ ചോയ്സോടുകൂടിയ ഒബ്ജക്ടീവ് രീതിയിലുള്ളവയായിരിക്കും ചോദ്യങ്ങള്‍. 0.25 എന്ന രീതിയില്‍ നെഗറ്റീവ് മാര്‍ക്കുണ്ടാവും.

ഒന്നാംഘട്ട പരീക്ഷ ജയിക്കുന്നവർക്ക് മാത്രമേ രണ്ടാംഘട്ട വിവരണാത്മക പരീക്ഷയില്‍ പങ്കെടുക്കാനാകൂ . മലയാളം ഉള്‍പ്പെടെയുള്ള പ്രാദേശിക ഭാഷയിലോ ഇംഗ്ലീഷിലോ ഷോര്‍ട്ട് ഷോര്‍ട്ട് എസ്സേ/ലെറ്റര്‍ എന്നിവ എഴുതാനുള്ളതായിരിക്കും ഈ പരീക്ഷ. 50 മാര്‍ക്കിനുള്ള പരീക്ഷ അര മണിക്കൂര്‍ ദൈര്‍ഘ്യമുള്ളതാവും. ഈ പരീക്ഷയ്ക്ക് ജനറല്‍ വിഭാഗക്കാര്‍ ചുരുങ്ങിയത് 40 ശതമാനവും സംവരണ വിഭാഗക്കാര്‍ 35 ശതമാനവും മാര്‍ക്ക് നേടിയിരിക്കണം. ഓണ്‍ലൈന്‍ അപേക്ഷ സമര്‍പ്പിക്കാനും കൂടുതല്‍ വിവരങ്ങള്‍ക്കും https://ssc.nic.in എന്ന വെബ്‌സൈറ്റ് സന്ദര്‍ശിക്കുക.

അപേക്ഷ അയക്കാനുള്ള അവസാന തീയതി : മേയ് 29