പൊതുമേഖലാ സ്ഥാപനമായ ഓയിൽ ആൻഡ് നാച്ചുറൽ ഗ്യാസ് കോർപറേഷനു കീഴിലുള്ള മാംഗ്ലൂർ റിഫൈനറി ആൻഡ് പെട്രോകെമിക്കൽസ് ലിമിറ്റഡ് വിവിധ വിഷയങ്ങളിൽ ഗ്രാജുവേറ്റ്/ ടെക്നീഷ്യൻ അപ്രന്റിസ് ട്രെയിനി ഒഴിവുകളിലേക്ക് അപേക്ഷ ക്ഷണിച്ചു
പൊതുമേഖലാ സ്ഥാപനമായ ഓയിൽ ആൻഡ് നാച്ചുറൽ ഗ്യാസ് കോർപറേഷനു കീഴിലുള്ള മാംഗ്ലൂർ റിഫൈനറി ആൻഡ് പെട്രോകെമിക്കൽസ് ലിമിറ്റഡ് വിവിധ വിഷയങ്ങളിൽ ഗ്രാജുവേറ്റ്/ ടെക്നീഷ്യൻ അപ്രന്റിസ് ട്രെയിനി ഒഴിവുകളിലേക്ക് അപേക്ഷ ക്ഷണിച്ചു. ആകെ 195 ഒഴിവുകളുണ്ട്. താല്പര്യമുള്ള ഉദ്യോഗാർത്ഥികൾ ഓ ൺലൈന് ആയി അപേക്ഷ അയക്കണം.
അപേക്ഷ സ്വീകരിക്കുന്ന അവസാന തീയതി: മേയ് 17 ആണ് . അതിനാൽ മെയ് 17 ന് മുൻപ് തന്നെ അപേക്ഷ അയക്കാൻ ശ്രദ്ധിക്കണം . വിവിധ വിഭാഗങ്ങളിലായാണ് ഒഴിവുകൾ.
ഗ്രാജുവേറ്റ് അപ്രന്റിസ്:
ഈ വിഭാഗത്തിൽ കെമിക്കൽ എൻജിനീയറിങ്, സിവിൽ എൻജിനീയറിങ്, ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിങ്, ഇൻസ്ട്രമെന്റേഷൻ എൻജിനീയറിങ്, മെക്കാനിക്കൽ എൻജിനീയറിങ് തസ്തികകളിൽ ഒഴിവുകളുണ്ട്
ബന്ധപ്പെട്ട വിഷയത്തിൽ എൻജിനീയറിങ് ബിരുദം ഉള്ളവർക്ക് അപേക്ഷിക്കാവുന്നതാണ് . തെരഞ്ഞെടുക്കപ്പെടുന്നവർക്ക് പ്രതിമാസം 10000 രൂപ സ്റ്റൈപ്പൻഡ് ലഭിക്കും
ടെക്നീഷ്യൻ അപ്രന്റിസ്:
കെമിക്കൽ എൻജിനീയറിങ്, സിവിൽ എൻജിനീയറിങ്, ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്, ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനീയറിങ്, ഇൻസ്ട്രമെന്റേഷൻ എൻജിനീയറിങ്, മെക്കാനിക്കൽ എൻജിനീയറിങ് എന്നീ വിഭാഗങ്ങളിലാണ് ഒഴിവുകൾ ഉള്ളത് . ബന്ധപ്പെട്ട വിഷയത്തിൽ എൻജിനീയറിങ് ഡിപ്ലോമ ഉള്ളവർക്ക് അപേക്ഷിക്കാം
കൊമേഴ്സ്യൽ പ്രാക്ടീസ്: കൊമേഴ്സ്യൽ പ്രാക്ടീസിൽ ഡിപ്ലോമ ആണ് യോഗ്യത . തെരഞ്ഞെടുക്കപ്പെടുന്നവർക്ക് പ്രതിമാസം 7100 രൂപ സ്റ്റൈപ്പൻഡ് ലഭിക്കും . യോഗ്യതാപരീക്ഷയ്ക്കു മൊത്തം കുറഞ്ഞത് 55% മാർക്ക് (റൗണ്ട് ഓഫ് ചെയ്യാതെ) നേടിയിരിക്കണം. ഒബിസിക്കാർക്ക് മൊത്തം കുറഞ്ഞത് 45% മാർക്കും എസ്സി/ എസ്ടി/ ഭിന്നശേഷിക്കാർക്ക് കുറഞ്ഞത് 40% മാർക്കും വേണം.
2016, 2017, 2018 വർഷങ്ങളിൽ യോഗ്യതാപരീക്ഷ ജയിച്ചവർക്കാണ് അപ്രന്റിസ്ഷിപ്പിന് അവസരം. 2019 മേയ് 17നകം യോഗ്യത നേടിയിരിക്കണം. പരിശീലനം ലഭിച്ചവരോ നിലവിൽ പരിശീലനം നേടുന്നവരോ അപേക്ഷിക്കാൻ അർഹരല്ല. ഒരു വർഷത്തിൽ കൂടുതൽ പ്രവൃത്തിപരിചയമുള്ളവരും അപേക്ഷിക്കാൻ പാടുള്ളതല്ല. യോഗ്യതാപരീക്ഷ എഴുതി ഫലം കാത്തിരിക്കുന്നവരും, മാർക്ക്ഷീറ്റ്, ബിരുദ/ ഡിപ്ലോമ സർട്ടിഫിക്കറ്റ് (പ്രൊവിഷനൽ/ ഫൈനൽ) ഇല്ലാത്തവരും അപേക്ഷിക്കാൻ അയോഗ്യരാണ്.
തിരഞ്ഞെടുപ്പ്: എഴുത്തുപരീക്ഷയുടെ അടിസ്ഥാനത്തിലാണ് തിരഞ്ഞെടുപ്പ്.
അപേക്ഷിക്കേണ്ട വിധം:
www.mrpl.co.in എന്ന വെബ്സൈറ്റ് വഴി ഓൺ ലൈനായി അപേക്ഷിക്കാം. ഫോട്ടോയും ഒപ്പും അപേക്ഷയ്ക്കൊപ്പം അപ്ലോഡ് ചെയ്യണം.വിശദവിവരങ്ങൾക്ക് വെബ്സൈറ്റ് കാണുക.
https://www.facebook.com/Malayalivartha