ഒ.എന്‍.ജി.സി.യുടെ സബ്‌സിഡിയറി സ്ഥാപനമായ മാംഗളൂര്‍ റിഫൈനറി ആന്‍ഡ് പെട്രോ കെമിക്കല്‍സ് ലിമിറ്റഡില്‍ (എം.ആര്‍. പി.എല്‍) ഗ്രാജ്വേറ്റ് / ടെക്‌നീഷ്യന്‍ അപ്രന്റീസ്ഷിപ്പ് ട്രെയിനികളാവാന്‍ ഇപ്പോൾ അവസരം. ഗ്രാജ്വേറ്റ് അപ്രന്റീസ്ഷിപ്പിന് 87, ടെക്‌നീഷ്യന്‍ അപ്രന്റീസ്ഷിപ്പ് 108 എന്നിങ്ങനെയാണ് ഒഴിവ് രണ്ട വിഭാഗത്തിലും കൂടി ആകെ 195 ഒഴിവുകളാണുള്ളത്

തെരഞ്ഞെടുക്കപ്പെടുന്നവർക്ക് ഒരു വര്‍ഷമാണ് ട്രെയിനിങ് കാലാവധി. ഭിന്നശേഷിക്കാര്‍ക്കും അപേക്ഷിക്കാം.

കെമിക്കല്‍ എന്‍ജിനീയറിങ്, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എന്‍ജിനീയറിങ്,ഇന്‍സ്ട്രുമെന്റേഷന്‍ എന്‍ജിനീയറിങ്, സിവില്‍ എന്‍ജിനീയറിങ്,ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍ എന്‍ജിനീയറിങ്, ഇന്‍സ്ട്രുമെന്റേഷന്‍ എന്‍ജിനീയറിങ്, മെക്കാനിക്കല്‍ എന്‍ജിനീയറിങ്, കൊമേഴ്‌സ്യല്‍ പ്രാക്ടീസ് എന്നിവയിലാണ് അവസരം.

യോഗ്യത: മേല്‍പറഞ്ഞ വിഷയങ്ങളില്‍ ബിരുദം/ എന്‍ജിനീയറിങ് ഡിപ്ലോമഉള്ളവർക്ക് അപേക്ഷിക്കാം . കൊമേഴ്‌സ്യല്‍ പ്രാക്ടീസിലേക്ക് ഡിപ്ലോമക്കാര്‍ക്കും അപേക്ഷിക്കാം.

2019 മേയ് അഞ്ചിനകം യോഗ്യത നേടിയ, 2016, 2017, 2018 വര്‍ഷങ്ങളിലായി നിശ്ചിത യോഗ്യത നേടിയിട്ടുള്ളവർക്ക് അപേക്ഷിക്കാവുന്നതാണ്

ജനറല്‍ വിഭാഗക്കാര്‍ക്ക് 55 ശതമാനം, ഒ.ബി.സി. (നോണ്‍ ക്രിമിലെയര്‍) 45 ശതമാനം, എസ്.സി, എസ്.ടി., ഭിന്നശേഷി വിഭാഗക്കാര്‍ 40 ശതമാനം മാര്‍ക്ക് ഉണ്ടായിരിക്കണം ..അല്ലെങ്കിൽ തത്തുല്യ ഗ്രെയ്ഡ് ഉണ്ടായിരിക്കണം .

ഉദ്യോഗാര്ഥികളുടെ യോഗ്യതക്ക് ബോഡ് ഓഫ് ടെക്‌നിക്കല്‍ എജുക്കേഷന്‍/ യു.ജി.സി./എ.ഐ.സി.ടി.ഇ. അംഗീകാരമുണ്ടായിരിക്കണം

സ്‌റ്റൈപ്പന്റ്: ഗ്രാജ്വേറ്റ് അപ്രന്റീസ്ഷിപ്പിന് 10000 രൂപയും ടെക്‌നീഷ്യന്‍ അപ്രന്റീസ്ഷിപ്പിന് 7100 രൂപയുമാണ് പ്രതിമാസ സ്‌റ്റൈപ്പന്റ്......

എഴുത്തുപരീക്ഷ: 50 മള്‍ട്ടിപ്പിള്‍ ചോയ്‌സ് ചോദ്യങ്ങളാണ് എഴുത്തുപരീക്ഷയ്ക്കുണ്ടാവുക. ഓരോ ഉത്തരത്തിനും ഒരോ മാര്‍ക്ക് വീതം (ആകെ 50 മാര്‍ക്ക്). നെഗറ്റീവ് മാര്‍ക്ക് ഇല്ല. ഇംഗ്ലീഷ്/ ഹിന്ദി ഭാഷയിലാണ് പരീക്ഷ. ഭാഷ ഏതുവേണമെന്ന് അപേക്ഷകര്‍ക്ക് തിരഞ്ഞെടുക്കാം. 90 മിനിറ്റാണ് പരീക്ഷയുടെ ദൈര്‍ഘ്യം.

അപേക്ഷിക്കേണ്ട വിധം: www.mrpl.co.in എന്ന വെബ്‌സൈറ്റിലെ വിജ്ഞാപനം വായിച്ചുമനസ്സിലാക്കി ഇതേ വെബ്‌സൈറ്റിലെ ലിങ്ക് വഴി വേണം അപേക്ഷിക്കാന്‍. ഫോട്ടോ, ഒപ്പ്,സംവരണം സംബന്ധിച്ച രേഖ (ആവശ്യമുള്ളവര്‍) എന്നിവ അപ്‌ലോഡ് ചെയ്യണം. അപേക്ഷ സമര്‍പ്പിക്കേണ്ട അവസാന തീയതി - മേയ് 17..