കൊച്ചി ഉദ്യോഗമണ്ഡലിലെ ഫെര്‍ട്ടിലൈസേഴ്സ് ആന്‍ഡ് കെമിക്കല്‍സ് ട്രാവന്‍കൂര്‍ (ഫാക്ട്) വിവിധ തസ്തികകളിലേക്കായി 274 ഒഴിവുകളിലേക്ക് അപേക്ഷ ക്ഷണിച്ചു. ഇതില്‍ 79 എണ്ണം ടെക്നീഷ്യന്റെയും 51 എണ്ണം മാനേജ്മെന്റ് ട്രെയിനിയുടെയുമാണ്.

ഇവ കൂടാതെ ഉള്ള ഒഴിവുകൾ ഇനി പറയും പ്രകാരം
അസി. ജനറല്‍ മാനേജര്‍ (ഡിസൈന്‍-സിവില്‍) 1, സീനിയര്‍ മാനേജര്‍ (എന്‍ജിനീയറിങ് ഡിസൈന്‍, എച്ച്.ആര്‍., മെറ്റീരിയല്‍സ്, ലീഗല്‍) 10 ഒഴിവുകൾ ,അസിസ്റ്റന്റ് കമ്പനി സെക്രട്ടറി 1, മെഡിക്കല്‍ ഓഫീസര്‍ 1, ഡെപ്യൂട്ടി, അസിസ്റ്റന്റ് മാനേജര്‍ (ഫിനാന്‍സ്) 12 ഒഴിവുകൾ , ഓഫീസര്‍ (അഡ്മിനിസ്ട്രേഷന്‍, ഹിന്ദി) 13, ഡ്രോട്‌സ്മാന്‍ 3 ഒഴിവുകൾ ഉണ്ട്.

ക്രാഫ്റ്റ്സ്മാന്‍ (ഫിറ്റര്‍-കം മെക്കാനിക്, വെല്‍ഡര്‍, ഇലക്ട്രീഷ്യന്‍, ഇന്‍സ്ട്രുമെന്റേഷന്‍)തസ്തികകളിലേക്കായി 27 ഒഴിവുകൾ കണക്കാക്കിയിട്ടുണ്ട്.,

റിഗ്ഗര്‍ ഹെല്‍പ്പര്‍ 8, ഹെവി എക്വിപ്മെന്റ് ഓപ്പറേറ്റർ 5, അസിസ്റ്റന്റ് (ജനറല്‍, ഫിനാന്‍സ്) 18, ഡിപ്പോ അസിസ്റ്റന്റ് 20, ഡേറ്റ പ്രൊസസിങ് അസിസ്റ്റന്റ് 4,സ്റ്റെനോഗ്രാഫര്‍ 10, സാനിറ്ററി ഇന്‍സ്‌പെക്ടര്‍ 1, നഴ്സ് 6, കാന്റീന്‍ സൂപ്പര്‍വൈസര്‍ 4 എന്നീ ഒഴിവുകൾക്ക് പുറമെ ഭിന്നശേഷിക്കാര്‍ക്ക് നീക്കിവെച്ച ഒഴിവുകളുമുണ്ട്. ......

ഒഴിവുകൾ കേരളത്തിന് പുറമെ ദക്ഷിണേന്ത്യന്‍ സംസ്ഥാനങ്ങളിലെ ഒഴിവുകളും അഖിലേന്ത്യാതലത്തിലുള്ള ഒഴിവുകളുമായി തരം തിരിച്ചിട്ടുണ്ട്.

കേരളത്തിലെ ഒഴിവുകളിൽ പെടുന്നത് ഡ്രോട്‌സ്മാന്‍, ക്രാഫ്റ്റ്സ്മാന്‍ (ഫിറ്റര്‍-കം-മെക്കാനിക്, വെല്‍ഡര്‍, ഇലക്ട്രീഷ്യന്‍, ഇന്‍സ്ട്രുമെന്റേഷന്‍), റിഗ്ഗര്‍ ഹെല്‍പ്പര്‍, ഹെവി എക്യുപ്മെന്റ് ഓപ്പറേറ്റര്‍, ഡേറ്റ പ്രൊസസിങ് അസിസ്റ്റന്റ്, സ്റ്റെനോഗ്രാഫര്‍, സാനിറ്ററി ഇന്‍സ്പെക്ടര്‍, നഴ്സ്, കാന്റീന്‍ സൂപ്പര്‍വൈസര്‍ എന്നിവയാണ് .

അസിസ്റ്റന്റ്- (ജനറല്‍, ഫിനാന്‍സ്), ഡിപ്പോ അസിസ്റ്റന്റ് എന്നിവ കേരളം ഉള്‍പ്പെടെ അഞ്ച് ദക്ഷിണേന്ത്യന്‍ സംസ്ഥാനങ്ങളിലെ ഒഴിവാണ്. മറ്റുള്ളവ അഖിലേന്ത്യാതലത്തിലുള്ളവയാണ്.

ഓരോ തസ്തികയിലേക്കുമുള്ള യോഗ്യത, പ്രായം എന്നിവ

ടെക്നീഷ്യന്‍: (പ്രോസസ്, മെക്കാനിക്കല്‍, ഇലക്ട്രിക്കല്‍, ഇന്‍സ്ട്രുമെന്റേഷന്‍, സിവില്‍): ബന്ധപ്പെട്ട എന്‍ജിനിയറിങ് വിഷയത്തില്‍ ഡിപ്ലോമ. പ്രോസസ്സിലേക്ക് കെമിസ്ട്രി/ ഇന്‍ഡസ്ട്രിയല്‍ കെമിസ്ട്രി ബിരുദധാരികള്‍ക്കും അപേക്ഷിക്കാം). രണ്ടുവര്‍ഷത്തെ പ്രവൃത്തിപരിചയം വേണം. അതേസമയം
എസ്.സി./ എസ്.ടി. വിഭാഗ ക്കാര്‍ക്ക് പ്രവൃത്തിപരിചയമില്ലെങ്കിലും അപേക്ഷിക്കാം. പ്രവൃത്തിപരിചയമുള്ളവരുടെ അഭാവത്തില്‍ ഇവരെ ടെക്നീഷ്യന്‍-കം-ട്രെയിനിയായി നിയമിക്കും. ഉയര്‍ന്ന പ്രായം 35 വയസ്സ്.

മാനേജ്മെന്റ് ട്രെയിനി: (കെമിക്കല്‍, മെക്കാനിക്കല്‍, ഇലക്ട്രിക്കല്‍, ഇന്‍സ്ട്രുമെന്റേഷന്‍, സിവില്‍, കംപ്യൂട്ടര്‍ സയന്‍സ്, ഫയര്‍ ആന്‍ഡ് സേഫ്റ്റി തസ്തികയിലേക്ക് അപേക്ഷിക്കുന്നവർ കുറഞ്ഞത് 60 ശതമാനം മാര്‍ക്കോടെ ബന്ധപ്പെട്ട വിഷയത്തില്‍ നേടിയ ഫുള്‍ടൈം എന്‍ജിനീയറിങ് ബിരുദം ഉള്ളവരായിരിക്കണം. .
ഉയര്‍ന്ന പ്രായം-26 വയസ്സ് .

(മാര്‍ക്കറ്റിങ്): 60 ശതമാനം മാര്‍ക്കോടെ ഫുള്‍ ബി.എസ്സി. അഗ്രികള്‍ച്ചറും മാനേജ്മെന്റില്‍ ദ്വിവത്സര പോസ്റ്റ് ഗ്രാജ്വേറ്റ് ഡിഗ്രി/ ഡിപ്ലോമയും. ഉയര്‍ന്ന പ്രായം 28 വയസ്സ്.

(എച്ച്.ആര്‍.): എച്ച്.ആര്‍./ പേഴ്സണല്‍ മാനേജ്മെന്റ്/ ഇന്‍ഡസ്ട്രിയല്‍ റിലേഷന്‍സ്/ ലേബര്‍ വെല്‍ഫെയര്‍/ പേഴ്സണല്‍, എച്ച്.ആര്‍. മാനേജ്മെന്റ് സ്പെഷ്യലൈസേഷനോടെയുള്ള സോഷ്യല്‍ വര്‍ക്ക്/ ബിസിനസ് മാനേജ്മെന്റ് ദ്വിവത്സര പോസ്റ്റ് ഗ്രാജ്വേറ്റ് ഡിഗ്രി അല്ലെങ്കില്‍ 60 ശതമാനം മാര്‍ക്കോടെ ഡിപ്ലോമ

മെറ്റീരിയല്‍സ്): ബിസിനസ് മാനേജ്മെന്റ് ഉള്‍പ്പെട്ട ഏതെങ്കിലും വിഷയത്തില്‍ ഫുള്‍ ടൈം, ദ്വിവത്സര പോസ്റ്റ് ഗ്രാജ്വേഷന്‍/ എന്‍ജിനീയറിങ് ഡിഗ്രി/ മാനേജ്മെന്റില്‍ 60 ശതമാനം മാര്‍ക്കോടെ ദ്വിവത്സര, ഫുള്‍ ടൈം പോസ്റ്റ് ഗ്രാജ്വേറ്റ് ഡിപ്ലോമ.. ഉയര്‍ന്ന പ്രായം 26 വയസ്സ്. .

ക്രാഫ്റ്റ്സ്മാന്‍ (ഫിറ്റര്‍ കം മെക്കാനിക്, വെല്‍ഡര്‍, ഇലക്ട്രീഷ്യന്‍, ഇന്‍സ്ട്രുമെന്റേഷന്‍): പത്താംക്ലാസ് വിജയം, ബന്ധപ്പെട്ട ട്രേഡില്‍ നാഷണല്‍ ട്രേഡ് സര്‍ട്ടിഫിക്കറ്റ്, രണ്ടുവര്‍ഷത്തെ പ്രവൃത്തിപരിചയം. പ്രവൃത്തിപരിചയം ഇല്ലാത്തവര്‍ക്കും വ്യവസ്ഥകള്‍ക്ക് വിധേയമായി അപേക്ഷിക്കാം. ഉയര്‍ന്ന പ്രായം 35 വയസ്സ്. .

സ്റ്റെനോഗ്രാഫര്‍: ബിരുദം, ടൈപ്പ് റൈറ്റിങ് ഹയര്‍ (ഇംഗ്ലീഷ്) കെ.ജി.ടി.ഇ./ തത്തുല്യം, ഷോര്‍ട്ട് ഹാന്‍ഡ് ലോവര്‍ (ഇംഗ്ലീഷ്), അല്ലെങ്കില്‍ കൊമേഴ്സ്യല്‍ പ്രാക്ടീസില്‍ ഡിപ്ലോമ. കംപ്യൂട്ടറിലും വേഡ് പ്രോസസിങ്ങിലും അറിവ് വേണം. ഉയര്‍ന്ന പ്രായം 35 വയസ്സ്..

നഴ്സ്: പത്താംക്ലാസ് വിജയവും നഴ്സിങ് ഡിപ്ലോമയും (സ്റ്റേറ്റ് രജിസ്ട്രേഷന്‍), മൂന്നുവര്‍ഷത്തെ പരിചയം. ഉയര്‍ന്ന പ്രായം 35 വയസ്സ്

ഡ്രോട്ട്സ്മാന്‍: ബന്ധപ്പെട്ട എന്‍ജിനീയറിങ് വിഷയത്തില്‍ ഡിപ്ലോമ, രണ്ടുവര്‍ഷത്തെ പരിചയം. സി.എ.ഡി.യില്‍ പ്രാവീണ്യം വേണം. ഉയര്‍ന്ന പ്രായം 35 വയസ്സ്.

റിഗ്ഗര്‍ ഹെല്‍പ്പര്‍: പത്താംക്ലാസ് വിജയം, അഞ്ചുവര്‍ഷത്തെ പരിചയം. നല്ല ശാരീരികശേഷി ഉണ്ടായിരിക്കണം. ഉയര്‍ന്ന പ്രായം 35 വയസ്സ്.

ഹെവി എക്യുപ്മെന്റ് ഓപ്പറേറ്റര്‍: പത്താംക്ലാസ് വിജയം, ഹെവി വെഹിക്കിള്‍ ഡ്രൈവിങ് ലൈസന്‍സും ബാഡ്ജും അഞ്ചുവര്‍ഷത്തെ പരിചയവും. ഉയര്‍ന്ന പ്രായം 38 വയസ്സ്..

അസിസ്റ്റന്റ് -ജനറല്‍: 50 ശതമാനം മാര്‍ക്കോടെ ആര്‍ട്സ്/ സയന്‍സ്/ കൊമേഴ്സ്/ മാനേജ്മെന്റ് ബിരുദം, ഓഫീസ് ഓട്ടോമേഷന്‍ സിസ്റ്റംസ്, വേഡ് പ്രോസസ്സിങ്, സ്പ്രഡ് ഷീറ്റ് (എം.എസ്. വേഡ്, എം.എസ്. എക്‌സല്‍) ഉള്‍പ്പെടെയുള്ള കംപ്യൂട്ടര്‍ അറിവ്. ഉയര്‍ന്ന പ്രായം 35 വയസ്സ്.

ഡിപ്പോ അസിസ്റ്റന്റ്: 50 ശതമാനം മാര്‍ക്കോടെ ആര്‍ട്സ്/ സയന്‍സ്/ കൊമേഴ്സ് ബിരുദം. പ്രാദേശിക ഭാഷ അറിയണം. ഉയര്‍ന്ന പ്രായം 35 വയസ്സ്.

ഡേറ്റാ പ്രോസസ്സിങ് അസിസ്റ്റന്റ്: കംപ്യൂട്ടര്‍ സയന്‍സ്/ കംപ്യൂട്ടര്‍ അപ്ലിക്കേഷനില്‍ ബിരുദം. അല്ലെങ്കില്‍ മാത്‍സ് , സ്റ്റാറ്റിസ്റ്റിക്‌സ് ഉള്‍പ്പെട്ട സയന്‍സ് ബിരുദം, കുറഞ്ഞത് ഒരുവര്‍ഷം ദൈര്‍ഘ്യമുള്ള, പോസ്റ്റ് ഗ്രാജുവേറ്റ് ഡിപ്ലോമ ഇന്‍ കംപ്യൂട്ടര്‍ കോഴ്സ്. അല്ലെങ്കില്‍ കൊമേഴ്സ് ബിരുദവും കുറഞ്ഞത് ഒരുവര്‍ഷം ദൈര്‍ഘ്യമുള്ള, പോസ്റ്റ് ഗ്രാജുവേറ്റ് ഡിപ്ലോമ ഇന്‍ കംപ്യൂട്ടര്‍ കോഴ്സും. ഉയര്‍ന്ന പ്രായം 35 വയസ്സ്.

സാനിറ്ററി ഇന്‍സ്‌പെക്ടര്‍: പത്താംക്ലാസ് വിജയം, ഡിപ്ലോമ ഇന്‍ സാനിറ്ററി ഇന്‍സ്‌പെക്ടര്‍ കോഴ്സ്, അഞ്ചുവര്‍ഷത്തെ പരിചയം. ഉയര്‍ന്ന പ്രായം 35 വയസ്സ്. ......

കാന്റീന്‍ സൂപ്പര്‍വൈസര്‍: പത്താംക്ലാസ് വിജയം, കാറ്ററിങ്ങില്‍ കുറഞ്ഞത് ഒരുവര്‍ഷം ദൈര്‍ഘ്യമുള്ള ഡിപ്ലോമ/ സര്‍ട്ടിഫിക്കറ്റ്, അഞ്ചുവര്‍ഷത്തെ പരിചയം. ഉയര്‍ന്ന പ്രായം 35 വയസ്സ്..

അസി.ജനറല്‍ മാനേജര്‍ (ഡിസൈന്‍ സിവില്‍): സിവില്‍ എന്‍ജിനീയറിങ്ങില്‍ ഫുള്‍ടൈം ഡിഗ്രിയും 13 വര്‍ഷത്തെ പരിചയവും. സ്ട്രക്ചറല്‍ ഡിസൈനില്‍ എം.ടെക്കുകാര്‍ക്ക് മുന്‍ഗണന. ഉയര്‍ന്ന പ്രായം: 48 വയസ്സ്.

സീനിയര്‍ മാനേജര്‍ (ഡിസൈന്‍-മെക്കാനിക്കല്‍- പൈപ്പിങ്, ഡിസൈന്‍ മെക്കാനിക്കല്‍-പി.സി.ഇ., ഡിസൈന്‍ ഇലക്ട്രിക്കല്‍, ): മെക്കാനിക്കല്‍/ ഇലക്ട്രിക്കല്‍ എന്‍ജിനീയറിങ്ങില്‍ ഫുള്‍ ടൈം ബിരുദം 9 വര്‍ഷത്തെ പരിചയം. ഉയര്‍ന്ന പ്രായം: 45 വയസ്സ്.

സീനിയര്‍ മാനേജര്‍ (മെറ്റീരിയല്‍സ്): ഫുള്‍ടൈം എന്‍ജിനീയറിങ് ഡിഗ്രി/ ഏതെങ്കിലും വിഷയത്തില്‍ ഫുള്‍ടൈം ദ്വി വത്സര പോസ്റ്റ് ഗ്രാജുവേറ്റ് ഡിഗ്രി/ ഡിപ്ലോമ (മാനേജ്മെന്റ്), 9 വര്‍ഷത്തെ പരിചയം. ഉയര്‍ന്ന പ്രായം: 45 വയസ്സ്. സീനിയര്‍ മാനേജര്‍ (ലീഗല്‍): നിയമത്തില്‍ ഫുള്‍ ടൈം ബിരുദം, 9 വര്‍ഷത്തെ പരിചയം. ഉയര്‍ന്ന പ്രായം- 45 വയസ്സ്.

അസിസ്റ്റന്റ് കമ്പനി സെക്രട്ടറി: ബിരുദം, ഇന്‍സ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യയില്‍ (എ.സി.എസ്.) അസോസിയേറ്റ് മെമ്പര്‍ഷിപ്പ്, 9 വര്‍ഷത്തെ പരിചയം ..ഉയര്‍ന്ന പ്രായം 45 വയസ്സ്.

മെഡിക്കല്‍ ഓഫീസര്‍: എം.ബി.ബി.എസ്., ഇന്ത്യന്‍ മെഡിക്കല്‍ കൗണ്‍സില്‍/ സ്റ്റേറ്റ് മെഡിക്കല്‍ കൗണ്‍സില്‍ രജിസ്ട്രേഷന്‍, ഇന്‍ഡസ്ട്രിയില്‍ ഹെല്‍ത്തില്‍ കുറഞ്ഞത് 3 മാസം ദൈര്‍ഘ്യമുള്ള സ്റ്റേറ്റ് ഗവ. അംഗീകാരമുള്ള ട്രെയിനിങ് സര്‍ട്ടിഫിക്കറ്റ്/ ഡിപ്ലോമ/ തത്തുല്യം. ഒരു വര്‍ഷത്തെ പരിചയം. ഉയര്‍ന്ന പ്രായം: 35

ഡെപ്യൂട്ടി മാനേജര്‍ (ഫിനാന്‍സ് ): ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍സ് ഓഫ് ഇന്ത്യയില്‍നിന്നുള്ള സി.എ. അല്ലെങ്കില്‍ സി.എം.എ./ ഐ.സി.ഡബ്ല്യു.എ. (ഇന്‍സ്റ്റിറ്റ്യൂട്ട് ഓഫ് കോസ്റ്റ് ആന്‍ഡ് മാനേജ്മെന്റ് അക്കൗണ്ട്സ് ഓഫ് ഇന്ത്യ), നാലുവര്‍ഷത്തെ പരിചയം. ഉയര്‍ന്ന പ്രായം 38 വയസ്സ്.

അസിസ്റ്റന്റ് മാനേജര്‍ (ഫിനാന്‍സ്): ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍സ് ഓഫ് ഇന്ത്യയില്‍ നിന്നുള്ള സി.എ. അല്ലെങ്കില്‍ സി.എം.എ./ ഐ.സി.ഡബ്ല്യു.എ. (ഇന്‍സ്റ്റിറ്റ്യൂട്ട് ഓഫ് കോസ്റ്റ് ആന്‍ഡ് മാനേജ്മെന്റ് അക്കൗണ്ട്സ് ഓഫ് ഇന്ത്യ).

ഓഫീസര്‍ (അഡ്മിനിസ്ട്രേഷന്‍): ഏതെങ്കിലും വിഷയത്തില്‍ ഫുള്‍ ടൈം ദ്വിവത്സര ബിരുദാനന്തര ബിരുദം/ മാനേജ്മെന്റില്‍ ബിരുദാനന്തര ഡിപ്ലോമ- (60 ശതമാനം മാര്‍ക്ക് വേണം). ഉയര്‍ന്ന പ്രായം- 35 വയസ്സ്.

ഓഫീസര്‍ (സെയില്‍സ്): 60 ശതമാനം മാര്‍ക്കോടെ ബി.എസ്സി. അഗ്രികള്‍ച്ചര്‍. ഉയര്‍ന്ന പ്രായം- 26 വയസ്സ്.

ഓഫീസര്‍ (ഹിന്ദി): ഇംഗ്ലീഷ് ഒരു വിഷയമായി പഠിച്ച ബിരുദവും ഹിന്ദിയില്‍ ഫുള്‍ടൈം ദ്വിവത്സര ബിരുദാനന്തര ബിരുദവും. (60 ശതമാനം മാര്‍ക്ക് ഉണ്ടായിരിക്കണം). ഉയര്‍ന്ന പ്രായം 35 വയസ്സ്.

അപേക്ഷാ ഫീസ്: പട്ടികയിലെ ഒന്നുമുതല്‍ 24 വരെയുള്ള തസ്തികകള്‍ക്ക് അപേക്ഷിക്കാന്‍ 1000 രൂപയും 25 മുതല്‍ 44 വരെയുള്ള തസ്തികകളിലേക്ക് അപേക്ഷിക്കാന്‍ 500 രൂപയുമാണ് ഫീസ് .. എസ്.സി., എസ്.ടി. വിഭാഗക്കാര്‍ക്കും ഭിന്നശേഷിക്കാര്‍ക്കും വിമുക്തഭടര്‍ക്കും ഫീസ് ഇല്ല.

യോഗ്യത, പരിചയം, മാര്‍ക്ക്, പ്രായം എന്നിവയില്‍ ചില ഇളവുകളുണ്ട്. അവ ഉള്‍പ്പെടെ വിശദവിവരങ്ങള്‍ www.fact.co.in എന്ന വെബ്‌സൈറ്റില്‍ ലഭ്യമാണ്......

അപേക്ഷിക്കേണ്ട വിധം: ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. മേല്‍പ്പറഞ്ഞ വെബ്സൈറ്റിലെ വിജ്ഞാപനം വായിച്ചുമനസ്സിലാക്കി ഇതേ വെബ്സൈറ്റ് വഴി അപേക്ഷിക്കണം.വിജ്ഞാപനത്തില്‍ നിര്‍ദേശിച്ച രേഖകളുടെ ഫോട്ടോയും ഒപ്പും അപേ ക്ഷയില്‍ അപ്ലോഡ്ചെയ്യണം. അവസാന തീയതി - മേയ് 20..