ഹെഡ്‌കോണ്‍സ്റ്റബിള്‍ (റേഡിയോ ഓപ്പറേറ്റര്‍), ഹെഡ് കോണ്‍സ്റ്റബിള്‍ (റേഡിയോ മെക്കാനിക്) തസ്തികകളിലേക്ക് ബോര്‍ഡര്‍ സെക്യൂരിറ്റി ഫോഴ്‌സ് (ബി.എസ്.എഫ്.) അപേക്ഷ ക്ഷണിച്ചു. 267 ഡിപ്പാര്‍ട്ട്‌മെന്റല്‍ ഒഴിവുകളടക്കം 1072 ഒഴിവുകളുണ്ട്. സ്ത്രീകള്‍ക്കും അപേക്ഷിക്കാം..ശമ്പളം 25,500 - 81,100 രൂപ ആയിരിക്കും

എസ്.എസ്.എല്‍.സി., പ്ലസ് ടു, ഐ.ടി.ഐ കഴിഞ്ഞവർക്ക് ഹെഡ് കോണ്‍സ്റ്റബിള്‍ തസ്തികയിലേക്ക് അപേക്ഷിക്കാം . വിവിധ തസ്തികയിലേക്കുള്ള യോഗ്യതകൾ ഇപ്രകാരം

1. ഹെഡ് കോണ്‍സ്റ്റബിള്‍ (റേഡിയോ ഓപ്പറേറ്റര്‍): എസ്.എസ്.എല്‍.സി. അല്ലെങ്കില്‍ തത്തുല്യം, റേഡിയോ ആന്‍ഡ് ടി.വി./ ഇലക്ട്രോണിക്‌സ്/കംപ്യൂട്ടര്‍ ഓപ്പറേറ്റര്‍ ആന്‍ഡ് പ്രോഗ്രാമിങ് അസിസ്റ്റന്റ്/ഡേറ്റാ പ്രിപ്പറേഷന്‍ ആന്‍ഡ് കംപ്യുട്ടർ സോഫ്റ്റ് വെയർ /ജനറല്‍ ഇലക്ട്രോണിക്‌സ്/ഡേറ്റാ എന്‍ട്രി ഓപ്പറേറ്റര്‍ ട്രേഡുകളില്‍ ഏതിലെങ്കിലും രണ്ടുവര്‍ഷത്തെ ഐ.ടി.ഐ. സര്‍ട്ടിഫിക്കറ്റ് അല്ലെങ്കില്‍ ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങളില്‍ 60 ശതമാനം മാര്‍ക്കോടെ പ്ലസ്ടു.

2. ഹെഡ് കോണ്‍സ്റ്റബിള്‍ (റേഡിയോ മെക്കാനിക്): എസ്.എസ്.എല്‍.സി. അല്ലെങ്കില്‍ തത്തുല്യം, റേഡിയോ ആന്‍ഡ് ടി.വി./ ഇലക്ട്രോണിക്‌സ്/കംപ്യൂട്ടര്‍ ഓപ്പറേറ്റര്‍ ആന്‍ഡ് പ്രോഗ്രാമിങ് അസിസ്റ്റന്റ്/ഡേറ്റാ പ്രിപ്പറേഷന്‍ ആന്‍ഡ് കംപ്യൂട്ടര്‍ സോഫ്റ്റ്വേര്‍/ഇലക്ട്രീഷ്യന്‍/ഫിറ്റര്‍/ഇന്‍ഫോ ടെക്‌നോളജി ആന്‍ഡ് ഇലക്ട്രോണിക്‌സ് സിസ്റ്റം മെയിന്റനന്‍സ്/കോമണ്‍ എക്വിപ്‌മെന്റ് മെയിന്റനന്‍സ്/കംപ്യൂട്ടര്‍ ഹാര്‍ഡ്വേര്‍/നെറ്റ് വർക്ക് ടെക്‌നീഷ്യന്‍/മെക്കാട്രോണിക്‌സ്/ഡേറ്റാ എന്‍ട്രി ഓപ്പറേറ്റര്‍ ട്രേഡുകളില്‍ ഏതിലെങ്കിലും രണ്ടുവര്‍ഷത്തെ ഐ.ടി.ഐ. സര്‍ട്ടിഫിക്കറ്റ്. അല്ലെങ്കില്‍ ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങളില്‍ 60 ശതമാനം മാര്‍ക്കോടെ പ്ലസ്ടു. നിര്‍ദിഷ്ട ശാരീരിക യോഗ്യത ഇരു തസ്തികകള്‍ക്കും ബാധകമാണ്.

ശാരീരികക്ഷമത പുരുഷന്മാര്‍: ഉയരം: 168 സെന്റീമീറ്റര്‍, നെഞ്ചളവ്: 80-85 സെന്റീമീറ്റര്‍, ഉയരത്തിനൊത്ത തൂക്കം. സ്ത്രീകള്‍: ഉയരം: 157 സെന്റീമീറ്റര്‍, നെഞ്ചളവ് ബാധകമല്ല, ഉയരത്തിനൊത്ത തൂക്കം ഉണ്ടായിരിക്കണം.
പുരുഷന്‍മാര്‍ക്കുള്ള ശാരീരിക ക്ഷമതാ പരിശോധനയില്‍ 6.5 മിനിറ്റില്‍ 1.6 കിലോമീറ്റര്‍ ഓട്ടം, 3.65 മീറ്റര്‍ ലോങ്ജമ്പ്, 1.2 മീറ്റര്‍ ഹൈജമ്പ് എന്നിവയുണ്ടാകും..
സ്ത്രീകൾക്കുള്ള ശാരീരിക ക്ഷമതാ പരിശോധനയില്‍ നാല് മിനിറ്റില്‍ 800 മീറ്റര്‍ ഓട്ടം, 9 അടി ലോങ്ജമ്പ്, 3 അടി ഹൈജമ്പ് എന്നിവയാണ് ഉണ്ടാവുക

എഴുത്തുപരീക്ഷ, ശാരീരിക ക്ഷമതാപരിശോധന എന്നിവക്ക് പുറമെ ഇംഗ്ലീഷിലുള്ള ഡിക്റ്റേഷന്‍ ടെസ്റ്റ്, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തില്‍ ആയിരിക്കും തിരഞ്ഞെടുപ്പ്.
മൂന്ന് മണിക്കൂര്‍ നീളുന്ന ആദ്യഘട്ട ഒ.എം.ആര്‍. പരീക്ഷയില്‍ ഫിസിക്‌സ്(80) മാര്‍ക്ക്, മാത്തമാറ്റിക്‌സ്(40 മാര്‍ക്ക്), കെമിസ്ട്രി (40 മാര്‍ക്ക്), ഇംഗ്ലീഷ്, ജി.കെ. (40 മാര്‍ക്ക്) എന്നീ വിഷയങ്ങളില്‍നിന്നുള്ള ഒബ്ജക്ടീവ് മാതൃകയിലുള്ള ചോദ്യങ്ങളുണ്ടാകും.

ജൂലായ് 28-നാണ് എഴുത്തു പരീക്ഷ. ഒക്ടോബര്‍ ഒന്‍പത് മുതല്‍ നാല് ദിവസങ്ങളിലായി സര്‍ട്ടിഫിക്കറ്റ് പരിശോധന, ശാരീരികക്ഷമതാ പരിശോധന എന്നിവ ഉണ്ടായിരിക്കും .

നവംബര്‍ 24 മുതല്‍ രണ്ടാംഘട്ടമായ വിവരണാത്മക പരീക്ഷയും 2020 ജനുവരി 30 മുതല്‍ വൈദ്യപരിശോധനയും നടക്കും.

ശമ്പളം: 25,500 - 81,100 രൂപ പ്രായം: 12.06.2019-ന് 18-25 വയസ്സ് അവസാന തീയതി - ജൂണ്‍ 12 കൂടുതല്‍ വിവരങ്ങള്‍ക്ക് സന്ദര്‍ശിക്കുക: https://recruitment.bsf.gov.in