ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ പ്ലസ്ടു പാസായ അവിവാഹിതരായ ആൺകുട്ടികൾക്ക് ഇന്ത്യന് ആര്മിയുടെ ഭാഗമാകാം
പ്ലസ്ടൂക്കാര്ക്ക് ഇന്ത്യന് ആര്മിയുടെ ഭാഗമാകാം .. ആര്മിയില് എന്ജിനീയറാകാനുള്ള അവസരമാണ് ഇപ്പോൾ ഉള്ളത് ..
ഇന്ത്യന് ആര്മിയുടെ 10+2 ടെക്നിക്കല് എന്ട്രി സ്ക്രീമിലേക്ക് ആണ് അപേക്ഷ ക്ഷണിച്ചിട്ടുള്ളത് . ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ പ്ലസ്ടു പാസായ അവിവാഹിതരായ ആൺകുട്ടികൾക്ക് അപേക്ഷിക്കാം
അഞ്ചുവര്ഷത്തെ പരിശീലനം വിജയകരമായി പൂര്ത്തിയാക്കുന്നവര്ക്ക് എന്ജിനീയറിങ് ബിരുദവും ലെഫ്റ്റനന്റ് റാങ്കില് പെര്മനന്റ് കമ്മീഷനും ലഭിക്കാൻ അവസരം ഉണ്ട് . ആകെ 90 ഒഴിവുകളാണുള്ളത്
ഫിസിക്സ്,കെമിസ്ട്രി, മാത്തമാറ്റിക്സ് വിഷയങ്ങളില് 70 ശതമാനം മാര്ക്കോടെ പ്ലസ്ടൂ ആണ് യോഗ്യത:
പ്രായം: പതിനാറര വയസിനും പത്തൊമ്പതര വയസിനും മധ്യേ. 01-07-2000നും 01-07-2003നും ഇടയില് (രണ്ടു തീയതികളും ഉള്പ്പെടെ) ജനിച്ചവര് മാത്രം അപേക്ഷിച്ചാല്മതി...
മന:ശാസ്ത്രപരീക്ഷ, ഗ്രൂപ്പ്ടെസ്റ്റ്, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും നിയമനം. ഭോപ്പാല്, അലഹാബാദ്, ബെംഗളൂരു, കപുര്ത്തല നഗരങ്ങളിൽ ആയിരിക്കും പരീക്ഷ. ഒന്നില് കൂടുതല് അപേക്ഷകള് അയക്കരുത്.
അപേക്ഷ അയക്കുന്നതു സംബന്ധിച്ചുള്ള സംശയങ്ങള് പകല് രണ്ടു മണിക്കും അഞ്ചുമണിക്കും ഇടയില് 011-26196205 എന്ന ഫോണ്നമ്പറില് ചോദിയ്ക്കാം
അപേക്ഷിക്കേണ്ട വിധം: www.joinindianarmy.nic.in എന്ന വെബ്സൈറ്റിലൂടെ ഓണ്ലൈന് ആയാണ് അപേക്ഷിക്കേണ്ടത്. അപേക്ഷാനടപടികള് പൂര്ത്തിയായാല് റോൾ നമ്പർ ലഭിക്കും .ഈ റോൾ നമ്പർ സൂക്ഷിച്ചു വെക്കേണ്ടതാണ്. പൂരിപ്പിച്ച അപേക്ഷാഫോറത്തിന്റെ രണ്ട് പ്രിന്റൗട്ടുകള് എടുത്ത് ഒരു പ്രിന്റൗട്ടില് പാസ്പോര്ട്ട് സൈസ് ഫോട്ടോ ഒട്ടിക്കേണ്ടതാണ്. ഇത് ഒരു ഗസറ്റഡ് ഉദ്യോഗസ്ഥനെക്കൊണ്ട് സാക്ഷ്യപ്പെടുത്തണം
പരീക്ഷക്ക് ഹാജരാക്കുമ്പോൾ എസ്.എസ്. എല്.സി. സര്ട്ടിഫിക്കറ്റ്, പ്ലസ്ടു സര്ട്ടിഫിക്കറ്റ്, മാർക്ക് ലിസ്റ്റുകൾ , തിരിച്ചറിയല് കാര്ഡ് എന്നിവയുടെ ഒറിജിനല്, സ്വയം സാക്ഷ്യപ്പെടുത്തിയ പകര്പ്പുകള്, 20 പാസ്പോര്ട്ട് സൈസ് ഫോട്ടോകള് എന്നിവ കൊണ്ടുവരണം .
രണ്ടാമത്തെ പ്രിന്റൗട്ട് ഉദ്യോഗാര്ഥിയുടെ പക്കല് സൂക്ഷിക്കാനുള്ളതാണ്. ഇത് തപാലില് അയയ്ക്കേണ്ടതില്ല. ഓണ്ലൈന് അപേക്ഷകള് സ്വീകരിക്കുന്ന അവസാനതീയതി ജൂണ് 8......
https://www.facebook.com/Malayalivartha