ടീച്ചേർസ് എലിജിബിലിറ്റി ടെസ്റ്റ് (കെ-ടെറ്റ്)ജൂൺ ആറ് വരെ അപേക്ഷിക്കാം
ലോവർ പ്രൈമറി വിഭാഗം , ഹൈ സ്കൂൾ വിഭാഗം ,സ്പെഷ്യൽ വിഭാഗം (ഭാഷാ യു .പി.തലം വരെ /സ്പെഷ്യൽ വിഷയങ്ങൾ ഹൈ സ്കൂൾ തലം വരെ )എന്നിവയിലെ അധ്യാപക യോഗ്യത പരീക്ഷക്കുള്ള (കെ-ടെറ്റ്)വിജ്ഞാപനം പ്രസിദ്ധീകരിച്ചു. കേരളത്തിലെ സർക്കാർ/ എയ്ഡഡ് സ്കൂളുകളിലെ അധ്യാപക നിയമനത്തിന് യോഗ്യതാ മാനദണ്ഡമായി ടെറ്റ് പരീക്ഷാ യോഗ്യത പരിഗണിക്കും.
കാറ്റഗറി ഒന്ന്, രണ്ട് പരീക്ഷകൾ ജൂൺ 22 നും കാറ്റഗറി മൂന്ന്, നാല് പരീക്ഷകൾ ജൂൺ 29നും കേരളത്തിലെ വിവിധ സെന്ററുകളിൽ നടക്കും. കെ-ടെറ്റ് ജൂൺ 2019ന് അപേക്ഷിക്കുന്നതിനുള്ള ഓൺലൈൻ അപേക്ഷയും ഫീസും https://ktet.kerala.gov.in വഴി ജൂൺ ആറു വരെ സമർപ്പിക്കാം
ഒന്നോ അതിലധികമോ കാറ്റഗറികളിൽ ഒരുമിച്ചു ഒരു തവണ മാത്രമേ അപേക്ഷിക്കാനാകൂ.
ഒന്നിലധികം കാറ്റഗറികൾക്ക് അപേക്ഷിക്കുന്നവർ ഓരോ കാറ്റഗറിക്കും 500 രൂപ വീതവും എസ്.സി/ എസ്.ടി/പി.എച്ച്/ബ്ലൈന്റ് വിഭാഗത്തിലുള്ളവർ 250 രൂപാ വീതവും അടയ്ക്കണം. ഓൺലൈൻ നെറ്റ്ബാങ്കിംഗ്, ക്രെഡിറ്റ്/ ഡെബിറ്റ് കാർഡ് എന്നിവ മുഖേന പരീക്ഷാഫീസടയ്ക്കാം.
ഓരോ കാറ്റഗറിയിലേയ്ക്കും അപേക്ഷിക്കാനുള്ള യോഗ്യതയുടെ വിവരങ്ങളടങ്ങിയ പ്രോസ്പെക്ടസ്, ഓൺലൈൻ രജിസ്ട്രേഷൻ നടത്തുന്നതിനുള്ള മാർഗ്ഗനിർദ്ദേശങ്ങൾ എന്നിവ https://ktet.kerala.gov.in, www.keralapareekshabhavan.in ൽ ലഭ്യമാണ്
അപേക്ഷ നൽകി ഫീസടച്ചു കഴിഞ്ഞാൽ തിരുത്തലുകൾ അനുവദിക്കില്ല .
അതുകൊണ്ട് വെബ്സൈറ്റിൽ നൽകിയിരിക്കുന്ന അപേക്ഷാസമർപ്പണ രീതി വായിച്ച് മനസ്സിലാക്കിയശേഷം അപേക്ഷ നൽകണം. കൂടാതെ നോട്ടിഫിക്കേഷനിലുള്ള മാർഗ്ഗനിർദ്ദേശങ്ങൾ അപേക്ഷിക്കുന്നതിനുമുമ്പ് ഡൗൺലോഡ് ചെയ്ത് വായിച്ചിരിക്കണം. പേര്, ജനനതിയതി, കാറ്റഗറി, ജാതി, വിഭാഗം എന്നിവ വളരെ ശ്രദ്ധയോടെ പൂരിപ്പിക്കണം. നോട്ടിഫിക്കേഷനിൽ പറഞ്ഞ പ്രകാരമുള്ള ഫോട്ടോ തന്നെ അപ്ലോഡ് ചെയ്യണം.
അഡ്മിറ്റ് കാർഡ് ജൂൺ 15 മുതൽ ഡൌൺലോഡ് ചെയ്യാം
സംസ്ഥാനത്തെ പൊതുവിദ്യാലയങ്ങളിൽ അധ്യാപകരാകാൻ ടി.ടി.സി, ബി.എഡ് എന്നീ അധ്യാപക യോഗ്യതകൾക്ക് പുറമെ കെ.ടെറ്റ് യോഗ്യതയും വിദ്യാഭ്യാസവകുപ്പ് നിർബന്ധമാക്കിയിട്ടുണ്ട്.
ഒന്ന് മുതൽ അഞ്ച് വരെ ക്ലാസിൽ അധ്യാപകരാകാൻ കാറ്റഗറി ഒന്ന്, ആറ് മുതൽ എട്ട് വരെ കാറ്റഗറി രണ്ട്, 9, 10 ക്ലാസുകളിൽ അധ്യാപകരാകാൻ കാറ്റഗറി മൂന്ന്, ഭാഷാ വിഷയങ്ങളിൽ അധ്യാപകരാകാൻ കാറ്റഗറി നാല് വിജയമാണ് വേണ്ടത്.
ആകെയുള്ള 150 ചോദ്യങ്ങളിൽ 60 ശതമാനം മാർക്ക് സ്വന്തമാക്കിയവർക്ക് മാത്രമേ കെ.ടെറ്റ് യോഗ്യത നേടാനാകൂ
https://www.facebook.com/Malayalivartha