യു.കെ-എൻഎച്ച്എസ് ഫൗണ്ടേഷൻ ട്രസ്റ്റിന് കീഴിലുള്ള ആശുപത്രികളിൽ യോഗ്യരായ നഴ്സുമാർക്ക് നോർക്കയുടെ എക്സ്പ്രസ് റിക്രൂട്ട്മെന്റ് വഴി നിയമനം ...ഒമാനിലും നഴ്സുമാർക്ക് ധാരാളം അവസരങ്ങൾ...ഉടൻ അപേക്ഷിക്കൂ
യു.കെ-എൻഎച്ച്എസ് ഫൗണ്ടേഷൻ ട്രസ്റ്റിന് കീഴിലുള്ള ആശുപത്രികളിൽ യോഗ്യരായ നഴ്സുമാർക്ക് നോർക്കയുടെ എക്സ്പ്രസ് റിക്രൂട്ട്മെന്റ് വഴി നിയമനം നൽകും. ഒരു വർഷം പ്രവൃത്തി പരിചയമുള്ള ബിഎസ്സി/ജിഎൻഎം നഴ്സുമാരെയാണ് പരിഗണിക്കുന്നത്. നിലവിൽ ഐഇഎൽറ്റിഎസ് (അക്കാദമിക്കിൽ) റൈറ്റിങ്ങിൽ 6.5 ഉം മറ്റ് വിഭാഗങ്ങളിൽ 7 സ്കോറിങ്ങും അല്ലെങ്കിൽ ഒഇറ്റി ബി ഗ്രേഡ് നേടിയവർക്കാണ് നിയമനം.
ഐഇഎൽറ്റിഎസിൽ 6 സ്കോറിങ്ങുള്ളവർക്ക് മതിയായ യോഗ്യത നേടുന്നതിന് നിശ്ചിത ഫീസീടാക്കി പരിശീലനം നൽകും. മതിയായ സ്കോറിംഗ് ലഭിക്കുന്നവർക്ക് കോഴ്സ് ഫീസ് പൂർണ്ണമായും തിരികെ നൽകും.
ഓൺലൈൻ അഭിമുഖത്തിലുടെ തെരഞ്ഞെടുക്കപ്പെടുന്നവർ എൻഎച്ച്എസ് ഫൗണ്ടേഷൻ നടത്തുന്ന സിബിറ്റി (Competency Based Test) യോഗ്യത നേടണം. പ്രസ്തുത യോഗ്യത നേടുന്നതുമായി ബന്ധപ്പെട്ട് നിർദ്ദേശങ്ങളും, സഹായങ്ങളും നോർക്ക ലഭ്യമാക്കും.
തുടർന്ന് യുകെയിലെ നഴ്സിംഗ് മിഡ്വൈഫറി കൗൺസിൽ റജിസ്ട്രേഷൻ ഉദ്യോഗാർത്ഥികൾ നിർവഹിക്കണം.2019 ജൂൺ 26, ജൂലായ് 10, 17, 24 തിയതികളിൽ അഭിമുഖം നടക്കും. ആദ്യഘട്ടത്തിൽ മൂന്നു വർഷത്തേക്കാണ് നിയമനം. തുടർന്നും ജോലി ചെയ്യുവാൻ താത്പര്യമുള്ളവർക്ക് പ്രസ്തുത രാജ്യത്തെ നിയമങ്ങൾക്കനുസരിച്ച് കരാർ പുതുക്കി ജോലിയിൽ തുടരുവാൻ കഴിയും.
ശമ്പളം പ്രതിവർഷം ബാൻഡ് 4 ഗ്രേഡിൽ 17,93,350 രൂപ വരെയും ബാൻഡ് 5 ഗ്രേഡിൽ 20,49,047 രൂപവരേയും ലഭിക്കും. താമസം, വിമാന ടിക്കറ്റ് എന്നിവ സൗജന്യമാണ്. താത്പര്യമുള്ളവർ നിശ്ചിത മാതൃകയിൽ തയാറാക്കിയ സിവി, പൂരിപ്പിച്ച എൻഎച്ച്എസ് അപേക്ഷ, ആമുഖ കത്ത് മറ്റു അനുബന്ധരേഖകൾ എന്നിവ സഹിതം
rcrtment.norka@kerala.gov.in എന്ന ഇ-മെയിൽ വിലാസത്തിൽ സമർപ്പിക്കണം.
കൂടുതൽ വിവരങ്ങൾ 0471-2770544 ലും, ടോൾ ഫ്രീ നമ്പറായ 1800 425 3939, (ഇന്ത്യയിൽ നിന്നും) 00918802012345 (വിദേശത്ത് നിന്നും) ലഭിക്കും.
ഒമാനിൽ വനിത നഴ്സുമാർക്ക് തൊഴിലവസരം
ഒമാനിലെ പ്രമുഖ ആശുപത്രി ശൃംഖലയായ ലൈഫ് ലൈൻ ഹോസ്പിറ്റലിലേക്ക് ലേബർ റൂം/ഓപ്പറേഷൻ തിയേറ്റർ വിഭാഗത്തിൽ വനിതാ നഴ്സുമാരെ നോർക്ക റൂട്ട്സ് മുഖേന തിരഞ്ഞെടുക്കുന്നു. 35 ഒഴിവുകളുണ്ട്.പ്രായപരിധി: 40 വയസ് കവിയാൻ പാടില്ല.
യോഗ്യത: ബി.എസ്സി. നഴ്സിങ്/ ജി.എൻ.എം യോഗ്യതയുള്ള വനിതകൾക്കാണ് അവസരം.ലേബർ റൂം/ഓപ്പറേഷൻ തീയറ്ററിൽ അഞ്ച് മുതൽ 10 വർഷം വരെ പ്രവൃത്തി പരിചയം ഉണ്ടായിരിക്കണം.
ശമ്പളം: 375 മുതൽ 400 ഒമാനി റിയാൽ വരെ (ഇന്ത്യൻ രൂപ ഏകദേശം 67,500 മുതൽ 72,100 വരെ)
അപേക്ഷ: താത്പര്യമുള്ളവർ വിശദമായ ബയോഡാറ്റ norka.oman@gmail.com എന്ന ഇ-മെയിൽ വിലാസത്തിൽ അയക്കുക അപേക്ഷകൾ സമർപ്പിക്കാനുള്ള അവസാന തീയതി - ജൂൺ 30.
കൂടുതൽ വിവരങ്ങൾwww.norkaroots.org എന്ന വെബ്സൈറ്റിൽ ലഭ്യമാണ്. ഹെൽപ് ലൈൻ നമ്പറുകൾ: 1800 425 3939 (ഇന്ത്യയിൽ നിന്നും), 00918802012345 (വിദേശത്ത് നിന്നും) വിളിക്കാവുന്നതാണ്
https://www.facebook.com/Malayalivartha