യൂണിയന്‍ പബ്ലിക് സര്‍വീസ് കമ്മിഷന്‍ നടത്തുന്ന കമ്പൈന്‍ഡ് ഡിഫന്‍സ് സര്‍വീസസ് പരീക്ഷയ്ക്ക് അപേക്ഷ ക്ഷണിച്ചു. ഡെറാഡൂണിലെ ഇന്ത്യന്‍ മിലിട്ടറി അക്കാദമി, ഏഴിമലയിലെ ഇന്ത്യന്‍ നേവല്‍ അക്കാദമി, ഹൈദരാബാദിലെ ഇന്ത്യന്‍ എയര്‍ഫോഴ്സ് അക്കാദമി, ചെന്നൈയിലെ ഓഫീസേഴ്സ്  ട്രെയിനിങ് അക്കാദമി എന്നിവിടങ്ങളിലെ 417 ഒഴിവിലേക്കാണ് പ്രവേശനം. 
സെപ്റ്റംബര്‍ എട്ടിനാണ് പരീക്ഷ. കേരളത്തില്‍ കൊച്ചിയും തിരുവനന്തപുരവും പരീക്ഷാകേന്ദ്രങ്ങളാണ്. upsconline.nic.in എന്ന വെബ്‌സൈറ്റില്‍ ഓണ്‍ലൈനായി അപേക്ഷിക്കണം 

പ്രായപരിധി: 

ഇന്ത്യന്‍ മിലിട്ടറി അക്കാദമിയിലേക്ക് 1996 ജൂലായ് 2നും 2001 ജൂലായ് 1നും ഇടയില്‍ ജനിച്ച അവിവാഹിതരായ പുരുഷന്‍മാര്‍ക്ക് അപേക്ഷിക്കാം. 

ഇന്ത്യന്‍ നേവല്‍ അക്കാദമിക്ക് 1996 ജൂലായ് 2നും 2001 ജൂലായ് 1നും ഇടയില്‍ ജനിച്ച  അവിവാഹിതരായ പുരുഷന്മാർക്ക് അപേക്ഷിക്കാം 

എയര്‍ഫോഴ്സ് അക്കാദമി ഒഴിവുകളിലേക്ക് 1996 ജൂലായ് 2നും 2000 ജൂലായ് 1നും ഇടയില്‍ ജനിച്ചവർക്ക്  അപേക്ഷിക്കാം. അവിവാഹിതരായ പുരുഷന്‍മാര്‍ക്ക്  മാത്രമേ അപേക്ഷിക്കാൻ സാധിക്കുകയുള്ളൂ 

ഓഫീസേഴ്സ് ട്രെയിനിങ് അക്കാദമിയിലേക്ക് അപേക്ഷിക്കുന്ന    അവിവാഹിതരായ പുരുഷന്‍മാര്‍ 1995 ജൂലായ് 2നും 2001 ജൂലായ് 1നും ഇടയില്‍ ജനിച്ചവര്‍ ആയിരിക്കണം .

 ഓഫീസേഴ്സ് ട്രെയിനിങ് അക്കാദമിയിലെ നോണ്‍ ടെക്നിക്കല്‍ കോഴ്സിലേക്ക് അവിവാഹിതരായ വനിതകള്‍ക്കും പുനര്‍വിവാഹം ചെയ്യാത്ത, കുട്ടികളില്ലാത്ത വിധവകള്‍ക്കും വിവാഹമോചനം നേടിയവര്‍ക്കും അപേക്ഷിക്കാവുന്നതാണ്......വിവാഹമോചനരേഖകൾ ഹാജരാക്കേണ്ടതാണ് ..ഇവര്‍ 1995 ജൂലായ് 2നും 2001 ജൂലായ് 1നും ഇടയില്‍ ജനിച്ചവരായിരിക്കണം.

യോഗ്യത 

ഇന്ത്യന്‍ മിലിറ്ററി അക്കാദമി, ഓഫീസേഴ്‌സ് ട്രെയിനിങ് അക്കാദമി തുടങ്ങിയവയിലേക്ക് അപേക്ഷിക്കുന്നതിനു ബിരുദമാണ് യോഗ്യത. തത്തുല്യ യോഗ്യത ഉള്ളവർക്കും അപേക്ഷിക്കാവുന്നതാണ് 

നേവല്‍ അക്കാദമി: അംഗീകൃത എന്‍ജിനീയറിങ് ബിരുദം ഉള്ളവർക്ക് അപേക്ഷിക്കാം 

എയര്‍ഫോഴ്‌സ് അക്കാദമി: 10+2 തലത്തില്‍ ഫിസിക്‌സ്, മാത്തമാറ്റിക്‌സ് എന്നിവ പഠിച്ചുള്ള ബിരുദം അല്ലെങ്കില്‍ എന്‍ജിനീയറിങ് ബിരുദം ആണ് അപേക്ഷിക്കാനുള്ള യോഗ്യത . അവസാനവര്‍ഷ പരീക്ഷയെഴുതുന്നവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. ഇവര്‍ നിര്‍ദിഷ്ടസമയത്തിനകം യോഗ്യത തെളിയിക്കുന്ന രേഖകള്‍ ഹാജരാക്കണം.

നിര്‍ദിഷ്ട ശാരീരികയോഗ്യത വേണം. താൽപ്പര്യമുള്ളവർക്ക് അപേക്ഷിക്കാനുള്ള  അവസാന തീയതി - ജൂലായ് എട്ട്.  

കൂടുതല്‍ വിവരങ്ങള്‍  www.upsc.gov.in എന്ന വെബ്‌സൈറ്റില്‍ പ്രസിദ്ധീകരിച്ച വിജ്ഞാപനത്തിൽ കൊടുത്തിട്ടുണ്ട്. 
വിജ്ഞാപനം വായിച്ചു മനസ്സിലാക്കിയതിനു ശേഷം ഓൺ ലൈൻ ആയി അപേക്ഷിക്കാം 
താൽപ്പര്യമുള്ളവർക്ക് അപേക്ഷിക്കാനുള്ള  അവസാന തീയതി - ജൂലായ് എട്ട് ആണ്