സഹകരണബാങ്കുകളുൾപ്പെടെ കോ-ഓപ്പറേറ്റീവ് മേഖലയിൽ ക്ലറിക്കൽ തലം മുതൽ മുകളിലേക്കുള്ള തസ്‌തികകളിലെ നിയമനത്തിന്, സഹായകമായ വർഷത്തെ ഹയർ ഡിപ്ലോമ ഇൻ കോ-ഓപ്പറേഷൻ & ബിസിനസ് മാനേജ്‌മെന്റ് (എച്ച്ഡിസി & ബിഎം) കോഴ്സിലേക്കു ജൂലൈ 15 വരെ അപേക്ഷിക്കാം. 13 സഹകരണ പരിശീലന കോളജുകളിലായി 1600 സീറ്റുകൾ.

സംസ്‌ഥാന സഹകരണ യൂണിയന്റെ ആഭിമുഖ്യത്തിൽ നടത്തുന്ന പ്രോഗ്രാമിലേക്ക് അതതു സഹകരണ പരിശീലന കോളജ് പ്രിൻസിപ്പലിനാണ് അപേക്ഷ സമർപ്പിക്കേണ്ടത്. സ്ഥാപനങ്ങൾ ഇവ (ഫോൺ നമ്പർ ബ്രാക്കറ്റിൽ):കുറവൻകോണം, തിരുവനന്തപുരം (2436 689), അവനൂർ, കൊട്ടാരക്കര (2454 787), ആറന്മുള (2278 140), ചേർത്തല (2813 070), തിരുനക്കര, കോട്ടയം (2582 852), പാലാ (2213 107), വടക്കൻ പറവൂർ (2447 866), അയ്യന്തോൾ, തൃശൂർ (2389 402), വിക്‌ടോറിയ കോളജ് റോഡ്, പാലക്കാട് (2522 946), തിരൂർ (2423 929), തളി, കോഴിക്കോട് (2306 460), മണ്ണയാട്, തലശ്ശേരി (2354 065), കോട്ടാച്ചേരി, കാഞ്ഞങ്ങാട് (2217 330).
യോഗ്യത: ബിരുദം

പ്രായപരിധി:
2019 ജൂലൈ 15ന് 40 വയസ്സ് കവിയരുത്. പട്ടിക / ഒബിസി വിഭാഗക്കാർക്ക് യഥാക്രമം 45 / 43 വരെയാകാം. സഹകരണസംഘം ജീവനക്കാർക്കു പ്രായപരിധിയില്ല. വിശേഷ സംവരണക്രമമുണ്ട്.

അപേക്ഷാഫോം അതതു സഹകരണ പരിശീലന കോളജിൽനിന്ന് 200 രൂപയ്‌ക്ക് നേരിട്ടുവാങ്ങാം.

മണിയോർഡർ‌ വഴി 230 രൂപയ്ക്കും. പട്ടികവിഭാഗക്കാർക്ക് യഥാക്രമം 50 / 80 രൂപ. മണിയോർഡർ ജൂലൈ 10ന് അകം എത്തണം.

ഇ–മെയിൽ: scukerala@gmail.com

വെബ്സൈറ്റ്: http://scukerala.org