ഷോർട്ട് സർവീസ് കമ്മിഷൻഡ് ഓഫീസറാകാൻ എൻസിസിക്കാർക്ക് കരസേന അവസരമൊരുക്കുന്നു
ഷോർട്ട് സർവീസ് കമ്മിഷൻഡ് ഓഫീസറാകാൻ എൻസിസിക്കാർക്ക് കരസേന അവസരമൊരുക്കുന്നു . 2020 ഏപ്രിലിൽ തുടങ്ങുന്ന എൻസിസി സ്പെഷ്യൽ എൻട്രി (നോൺ ടെക്നികൽ) സ്കീമിലേക്കു അപേക്ഷിക്കേണ്ടുന്ന അവസാന തീയതി ഓഗസ്റ്റ് 8 ആണ്.
ഒഴിവുകൾ: പുരുഷന്മാർക്ക് 50, സ്ത്രീകൾക്ക് 5മാണ്. അപേക്ഷിക്കേണ്ടുന്നത് വിവാഹം കഴിഞ്ഞിട്ടില്ലാത്തവർ ആയിരിക്കണം. യുദ്ധത്തിൽ കൊല്ലപ്പെട്ടവരുടെ ആശ്രിതർക്കും അപേക്ഷിക്കാവുന്നതാണ്. അവരുടെ ഒഴിവുകൾ ഇപ്രകാരമാണ് പുരുഷന്മാർക്ക് 5 ഉം സ്ത്രീകൾക്ക് ഒന്നുമാണ് ഒഴിവ്.
പ്രായപരിധി: 2020 ജനുവരി ഒന്നിന് 19 - 25 വയസ്സ് ആയിരിക്കണം. (ജനനം 1995 ജനുവരി 2 - 2001 ജനുവരി 1)
യോഗ്യത : 50% മാർക്കോടെ ബിരുദം നേടിയിരിക്കണം. എൻസിസി സീനിയർ ഡിവിഷൻ അല്ലെങ്കിൽ വിങ്ങിൽ 2 അധ്യയന വർഷത്തെ പ്രവർത്തനം. എൻസിസിയുടെ 'സി' സർട്ടിഫിക്കറ്റ് പരീക്ഷയിൽ ബി ഗ്രേഡ് നേടിയിരിക്കണം. യുദ്ധത്തിൽ പരിക്കേറ്റവരുടെയോ കൊല്ലപ്പെട്ടവരുടെയോ കാണാതായവരുടെയോ ആശ്രിതർക്ക് 'സി' സർട്ടിഫിക്കറ്റ് നിബന്ധനയില്ല. അവസാന വർഷ ബിരുദ വിദ്യാർത്ഥികൾക്കും അപേക്ഷിക്കാം. അവർക്ക് ആദ്യ രണ്ടു വർഷങ്ങളിലും 50% മാർക്ക് ഉണ്ടായിരിക്കണം. 2020 ഏപ്രിൽ ഒന്നാം തീയതിക്ക് മുൻപു ബിരുദ കരസ്ഥമാക്കിയതിന്റെ തെളിവ് ഹാജരാക്കണം.
തെരഞ്ഞെടുപ്പ്: എസ് എസ് ബി ഇന്റർവ്യൂവിന്റെയും വൈദ്യ പരിശോധനയുടെയും ശാരീരിക ക്ഷമത പരിശോധനയുടെയും അടിസ്ഥാനത്തിലായിരിക്കും തെരഞ്ഞെടുക്കുക. ബെംഗളൂർ പോലുള്ള കേന്ദ്രങ്ങളിലെ എസ് എസ് ബി ഇന്റർവ്യൂ 5 ദിവസം നീളും. ഇന്റർവ്യൂ രണ്ടു ഘട്ടങ്ങളായിട്ടായിരിക്കും നടക്കുക. ആദ്യ പ്രാവശ്യം വിജയിച്ചില്ലെങ്കിൽ രണ്ടാം ഘട്ടത്തിലേക്ക് പോകാൻ സാധിക്കില്ല. ഗ്രൂപ്പ് ടെസ്റ്റും സൈക്കോളജിക്കൽ ടെസ്റ്റും ഇന്റർവ്യൂ ഇവ ഉണ്ടാകും.
പരിശീലനം: 49 ആഴ്ചത്തെ പരിശീലനം ഉണ്ടാകും. ചെന്നൈയിലെ ഓഫീസേഴ്സ് ട്രെയിനിങ് അക്കാദമിയിലാണ് പരിശീലനം നടക്കുക. ഇത് പൂർത്തിയായാൽ പിജി ഡിപ്ലോമ ഇൻ ഡിഫൻസ് മാനേജ്മെന്റ് ആൻഡ് സ്ട്രാറ്റജിക് സ്റ്റഡീസ് യോഗ്യത കിട്ടും. ലഫ്റ്റനന്റ് റാങ്കിൽ നിയമനം ഉണ്ടാകും.
https://www.facebook.com/Malayalivartha