കാനഡയിൽ ഈ ജോലികൾക്ക് വൻ ഡിമാൻഡ്
വിദേശജോലി ആഗ്രഹിക്കുന്നവർ എത്തിപ്പെടാൻ ആഗ്രഹിക്കുന്ന ഒരിടമാണ് കാനഡ . കാനഡയിൽ ഏറ്റവും അവസരമുള്ളത് ഇനി പറയുന്ന ജോലികൾക്കാണ്
നഴ്സ്
യു കെ യിൽ നേഴ്സ്മാർക്ക് പൊതുവെ ധാരാളം അവസരങ്ങൾ ഉണ്ടാകാറുണ്ട്. അതുപോലെതന്നെ കാനഡയിലും നഴ്സുമാർക്ക് വൻ ഡിമാൻഡാണ് ഉള്ളത്. 2024 ഓടെ 25,000 നഴ്സുമാരുടെ കുറവ് കാനഡയിൽ ഉണ്ടാകുമെന്നാണ് റിപ്പോർട്ടുകൾ. ഇത് കേരളം ഉൾപ്പടെയുള്ള രാജ്യങ്ങളിൽ നിന്നുള്ളവർക്ക് കൂടുതൽ അവസരങ്ങൾ സൃഷ്ടിക്കും. കാനഡയിലെ ഒന്റാറിയോയിലാണ് ഏറ്റവും കൂടുതൽ നഴ്സുമാരുടെ നിയമനം നടക്കുന്ന സ്ഥലം. രജിസ്ട്രേഡ് നഴ്സുമാർക്കാണ് അവസരം ലഭിക്കുക.
ട്രക്ക് ഡ്രൈവർ
കാനഡയിലെ പ്രത്യേകത രാജ്യത്തിന് ഉള്ളിലെ ചരക്ക് കൈമാറ്റത്തിന് ട്രക്കുകൾ ആവശ്യമാണ് എന്നതാണ്. കാനഡയുടെ വിസ്തൃതിയാണ് ഇതിനു കാരണം . എന്നാൽ ആവശ്യത്തിനുള്ള ട്രക്ക് ഡ്രൈവർമാരുടെ അഭാവം പലപ്പോഴും കാനഡയിൽ ചരക്ക് ഗതാഗതത്തെ ബാധിക്കാറുണ്ട്. . രാജ്യത്ത് ഈ മേഖലയിലേയ്ക്ക് കടന്നു വരുന്ന ചെറുപ്പക്കാരായ പൗരന്മാരുടെ എണ്ണം വളരെ കുറവാണ് എന്നതാണ് ഇതിനു പ്രധാനകാരണം . അതുകൊണ്ട് തന്നെ മറ്റ് രാജ്യങ്ങളിൽ നിന്നുള്ളവർക്ക് ട്രക്ക് ഡ്രൈവർ ജോലി എളുപ്പത്തിൽ ലഭിക്കുകയും ചെയ്യും. 27,000-ത്തിലധികം ഒഴിവുകൾ ഈ മേഖലയിൽ ഉണ്ടാകുമെന്നാണ് കരുതുന്നത്.
കോളേജ്/വൊക്കേഷണൽ ഇൻസ്ട്രക്ടർ
കോളജിൽ അധ്യാപനത്തിലോ തൊഴിലധിഷ്ഠിത തലത്തിലോ പരിചയ സമ്പത്തുള്ളവർക്ക് കാനഡയിൽ ധാരാളം അവസരങ്ങൾ ലഭിക്കും. അദ്ധ്യാപക മേഖലയിൽ 6000ഓളം ഒഴിവുകൾ കാനഡയിൽ ഉണ്ടാകുമെന്നാണ് ചില റിപ്പോർട്ടുകൾ വ്യക്തമാക്കുന്നത്. ബ്രിട്ടീഷ് കൊളംമ്പിയ, ഒന്റാറിയോ, ക്യുബെക്ക് തുടങ്ങിയ പ്രവിശ്യകളിലാണ് ഏറ്റവുമധികം അദ്ധ്യാപകരുടെ ഒഴിവുള്ളത്.
ബിസിനസ് മാനേജ്മെന്റ് കൺസൾട്ടന്റ്
കാനഡയുടെ സമ്പദ് വ്യവസ്ഥ വികസിച്ചു കൊണ്ടിരിക്കുന്നതിനോടൊപ്പം ഈ മേഖലയിൽ ജോലി സാധ്യതകളും വർധിച്ചുകൊണ്ടിരിക്കുന്നു . . അതിനൊപ്പം വ്യവസായ മേഖലയിലും രാജ്യം വളർച്ച കൈവരിച്ചു കൊണ്ടിരിക്കുകയാണ്. അതിനാൽ ബിസിനസ് മാനേജ്മെന്റ് കൺസൾട്ടന്റ്സിന് കാനഡയിൽ ഡിമാൻഡ് കൂടുതലാണ്. ബിസിനസ്സിൽ ബിരുദമുള്ളവർക്കും ടൂറിസം ഹോസ്പിറ്റാലിറ്റി മേഖലയിൽ ജോലി പരിചയമുള്ളവർക്കുമാണ് ഈ മേഖലയിൽ ജോലി സാധ്യത കൂടുതലുള്ളത്
വെൽഡർ
കഴിഞ്ഞ വർഷങ്ങളിൽ കാനഡയിൽ വെൽഡിംഗ് മേഖലയിൽ വൻ തോതിൽ തൊഴിൽ വളർച്ച കൈവരിച്ചിട്ടുണ്ട്. ഈ മേഖലയിൽ പ്രാഗത്ഭ്യം തെളിയിച്ചവർക്ക് ജോലിയ്ക്കായി അപേക്ഷിക്കാവുന്നതാണ്. പരിചയ സമ്പത്ത് കുറഞ്ഞ വെൽഡർമാർക്ക് പോലും രാജ്യത്ത് നിരവധി അവസരങ്ങളുണ്ട്.
സോഫ്ട്വെയർ എഞ്ചിനീയേഴ്സ്
കമ്പ്യൂട്ടർ, ടെലികമ്യൂണിക്കേഷൻ, മൊബൈൽ ടെക്നോളജി എന്നീ മേഖലകളിൽ ജോലി ചെയ്യുന്നവർക്ക് കാനഡയിൽ അവസരങ്ങൾ നിരവധിയാണ്. കാരണം ഈ മേഖലകളിൽ രാജ്യം കൂടുതൽ വളർച്ച കൈവരിച്ചു കൊണ്ടിരിക്കുകയാണ്. വരും വർഷങ്ങളിൽ ഈ മേഖലകളിൽ കൂടുതൽ തൊഴിൽ അവസരങ്ങൾ ഉണ്ടാകുമെന്നാണ് പ്രതീക്ഷിക്കുന്നത്. സാങ്കേതിക മേഖലയിൽ സ്ഥിരതയുള്ള ജോലിയാകും ലഭിക്കുക.
ഇലക്ട്രീഷ്യൻസ്
കാനഡയ്ക്ക് വിദഗ്ധരായ ഇലക്ട്രീഷ്യൻസിന്റെയും ആവശ്യമുണ്ട്. രാജ്യത്ത് മതിയായ യോഗ്യതയുള്ള ഇലക്ട്രീഷ്യന്മാരുടെ എണ്ണം വളരെ കുറവാണ്. പ്രത്യേകിച്ച് നിർമ്മാണ മേഖലയിൽ പ്രവർത്തിക്കുന്ന ഇലക്ട്രീഷ്യന്മാരുടെ എണ്ണത്തിൽ വളരെ കുറവ് അനുഭവപ്പെടുന്നുണ്ട്. അപ്രന്റീസ്ഷിപ്പ് അല്ലെങ്കിൽ തൊഴിലധിഷ്ഠിത പരിശീലനം ലഭിച്ചവർക്കാണ് അവസരങ്ങളുള്ളത്. ഈ മേഖലയിൽ 12500 ഓളം പുതിയ അവസരങ്ങൾ വരും വർഷങ്ങളിൽ ഉണ്ടാകുമെന്നാണ് കരുതുന്നത്.
ഫാർമസിസ്റ്റ്
നഴ്സുമാരുടേത് പോലെ തന്നെ നിരവധി തൊഴിലവസരം ലഭിക്കുന്ന മേഖലയാണ് ഫാർമസിസ്റ്റിന്റേത്. ആരോഗ്യ മേഖലയിൽ രാജ്യത്ത് ഓരോ വർഷവും കൂടുതൽ ജോലി സാധ്യതകളാണുള്ളത്. ബാച്ചിലേഴ്സ് ഡിഗ്രിയും, ബന്ധപ്പെട്ട പ്രാദേശിക റഗുലേറ്ററി അതോറിറ്റിയിൽ രജിസ്റ്റർ ചെയ്തിട്ടുമുള്ളവർക്ക് കാനഡയിൽ അവസരം ലഭിക്കും.
https://www.facebook.com/Malayalivartha