ലാന്റ് യൂസ് ബോര്ഡില് നിയമനം; വാക്-ഇന്-ഇന്റര്വ്യൂ ഓഗസ്റ്റ് എട്ടിന്
സംസ്ഥാന ഭൂവിനിയോഗ ബോര്ഡ് മേഖലാ കാര്യാലയം തൃശ്ശൂരിലെ ഓഫീസിലേക്ക് തൂത സബ് വാട്ടര്ഷെഡ് പ്ലാന്, കരുവന്നൂര് നദീതട പ്ലാന്, എക്കോറസ്റ്റൊഎേഷന് പ്രോജക്ട് എന്നിവ തയ്യാറാക്കുന്നതിന് ടെക്നിക്കല് അസിസ്റ്റന്റ്, പോജക്ട് സയന്റിസ്റ്റ് (ഇ.വി.എസ്.), ജി.ഐ.എസ്. ടെക്നീഷ്യന് തസ്തികകളില് നിയമനം നടത്തുന്നു. ടെക്നിക്കല് അസിസ്റ്റന്റ് തസ്തികയ്ക്ക് എം.എസ്.സി. ജിയോളജി ഫസ്റ്റ് ക്ലാസാണ് യോഗ്യത. നീര്ത്തട മാസ്റ്റര്പ്ലാന്, നദീതട പ്ലാന് എന്നിവ രൂപീകരിച്ചുളള മൂന്ന് വര്ഷത്തെ പ്രൃത്തി പരിചയം നിര്ബന്ധം. കൂടാതെ ഓപ്പണ് സോഴ്സ് സോഫ്റ്റ് വെയര് ക്യു.ജി.ഐ.എസ് ഉപയോഗിച്ച് ജിയോ സ്പേഷ്യല് ക്യാപെയിന് ഡാറ്റ നിര്മ്മാണവും വിശകലനവും ചെയ്യാനുളള പ്രാവീണ്യവും വേണം. മൂന്ന് വര്ഷത്തെ പ്രവൃത്തി പരിചയം അത്യാവശ്യമാണ്.
പോജക്ട് സയന്റിസ്റ്റ് (ഇ.വി.എസ്.) തസ്തികയ്ക്ക് എം.എസ്.സി. ഇ.വി.എസ്. സെക്കന്റ് ക്ലാസാണ് യോഗ്യത. നീര്ത്തട മാസ്റ്റര് പ്ലാന്, നദീതട പ്ലാന് എന്നിവ രൂപീകരിച്ചുളള കുറഞ്ഞപക്ഷം ഒരു വര്ഷത്തെ പ്രവൃത്തി പരിചയം ഉണ്ടാവണം. ഓപ്പണ് സോഴ്സ് സോഫ്റ്റ് വെയര് ക്യു.ജി.ഐ.എസ് ഉപയോഗിച്ച് ജിയോ സ്പേഷ്യല് ഡാറ്റ നിര്മ്മാണവും വിശകലനവും ചെയ്യുവാനുളള പ്രാവീണ്യവും ഒരുവര്ഷത്തെ പ്രവര്ത്തി പരിചയം ഉണ്ടായിരിക്കണം. ജി.ഐ.എസ്. ടെക്നീഷ്യന് തസ്തികയ്ക്ക് ജി.ഐ.എസ് (ജിയോ ഗ്രാഫിക് ഇന്ഫര്മേഷന സിസ്റ്റം) സര്ട്ടിഫിക്കറ്റ്/കമ്ബ്യൂട്ടര്ഹാര്ഡ്വെയര് ആന്ഡ് നെറ്റ് വര്ക്കിംഗ് സര്ട്ടിഫിക്കറ്റ് യോഗ്യത നേടിയവര്ക്ക് അപേക്ഷിക്കാവുന്നതാണ്. ക്യു.ജി.ഐ.എസ് സോഫ്റ്റ് വെയര് ഉപയോഗിച്ച് ഭൂപട നിര്മ്മാണത്തില് കുറഞ്ഞത് രണ്ട് വര്ഷത്തെ പ്രവൃത്തി പരിചയമെങ്കിലും ഉണ്ടായിരിക്കണം.
താല്പര്യമുളളവര് ബയോഡാറ്റയും വിദ്യാഭ്യാസ യോഗ്യത തെളിയിക്കുന്ന സര്ട്ടിഫിക്കറ്റുകളുടെ അസ്സലും പകര്പ്പുകളും ഹാജരാക്കണം. ബയോഡാറ്റയും വിദ്യാഭ്യാസ യോഗ്യത തെളിയിക്കുന്ന സര്ട്ടിഫിക്കറ്റുകളുടെ അസ്സലും പകര്പ്പുകളുമായി കേരള സംസ്ഥാന ഭൂവിനിയോഗ ബോര്ഡ് മേഖലാ കാര്യാലയം, മുനിസിപ്പല് ഷോപ്പിംഗ് കോംപ്ലക്സ്, ഡി ബ്ലോക്ക്, പട്ടുരായ്ക്കല്, തൃശ്ശൂര് ഓഫീസില് എത്തണമെന്നു അസി. ഡയറക്ടര് അറിയിച്ചു. കേരള സ്റ്റേറ്റ് ഫിനാന്സ് എന്റര്പ്രൈസസിനു മുകളിലാണ് സ്ഥാപനം. ഓഗസ്റ്റ് എട്ടിന് രാവിലെ 9.30 നാണ് അഭിമുഖം. കൂടുതൽ വിവരങ്ങൾക്ക് ഫോണ് : 0487-2321868.
https://www.facebook.com/Malayalivartha
