നഴ്‌സസ് ക്ഷേമനിധിയിലെ അംഗങ്ങളുടെ കുട്ടികള്‍ക്കുളള ക്യാഷ് അവാര്‍ഡിനും സ്‌കോളര്‍ഷിപ്പിനും അപേക്ഷിച്ചു തുടങ്ങാം
കേരള ഗവണ്‍മെന്റ് നഴ്‌സസ് ആന്‍ഡ് പബ്ലിക് ഹെല്‍ത്ത് നഴ്‌സസ് ക്ഷേമനിധിയിലെ അംഗങ്ങളുടെ കുട്ടികള്‍ക്കുളള ക്യാഷ് അവാര്‍ഡിനും സ്‌കോളര്‍ഷിപ്പിനുമായി അപേക്ഷിച്ച്‌ തുടങ്ങാം. പ്ലസ് ടുവിൽ ഏതു ഗ്രൂപ്പ് പഠിച്ചവർക്കും, സി.ബി.എസ്.ഇ, ഐ.സി.എസ്.ഇ, ടി.എച്ച്‌.എസ്.എല്‍.സി, വി.എച്ച്‌.എസ്.സി എന്നീ പരീക്ഷകളില്‍ സംസ്ഥാനതലത്തില്‍ രണ്ടും മൂന്നും സ്ഥാനവും എസ്.എസ്.എല്‍.സിക്ക് ജില്ലാതലത്തില്‍ എല്ലാ വിഷയങ്ങള്‍ക്കും എപ്ലസ് ഗ്രേഡ് കരസ്ഥമാക്കിയ ക്ഷേമനിധിയിലെ അംഗങ്ങളുടെ കുട്ടികള്‍ക്കുളളതാണ് ഈ ക്യാഷ് അവാര്‍ഡ്. പരീക്ഷാഫലങ്ങൾ പ്രസിദ്ധപ്പെടുത്തിയ തീയതി മുതല്‍ മുന്നു മാസത്തിനകം അപേക്ഷിക്കണം. ഇതിനായുളള അപേക്ഷകൾ നിശ്ചിതഫോമില്‍ അതതു ജില്ലയിലെ എം.സി.എച്ച്‌ ഓഫീസര്‍ വഴിയോ ഡിസ്ട്രിക്‌ട് നഴ്‌സിംഗ് ഓഫീസര്‍ വഴി നേരിട്ടോ ക്ഷേമനിധി സെക്രട്ടറിക്ക് അയയ്ക്കണം.
വിവിധ പ്രൊഫഷണല്‍ കോഴ്‌സുകളില്‍ പഠിക്കുന്നതിന് സര്‍ക്കാര്‍ നടത്തിയ എന്‍ട്രന്‍സ് പരീക്ഷ മുഖേന ഗവണ്‍മെന്റ് ക്വാട്ടയില്‍ പ്രവേശനം ലഭിക്കുന്ന കുട്ടികള്‍ക്ക് അപേക്ഷിക്കാവുന്നതാണ്. ഗവണ്‍മെന്റ് നഴ്‌സിംഗ് സ്‌കൂളുകളിലും ഗവണ്‍മെന്റ് ജൂനിയര്‍ പബ്ലിക് ഹെല്‍ത്ത് നഴ്‌സിംഗ് സ്‌കൂളിലും പ്രവേശനം ലഭിക്കുന്ന കുട്ടികള്‍ക്കും സ്‌കോളര്‍ഷിപ്പിനായി അപേക്ഷ സമർപ്പിക്കാവുന്നതാണ്. അഡ്മിഷന്‍ കിട്ടി രണ്ടു മാസത്തിനുള്ളിൽ നവംബര്‍ 30നുള്ളിലോ നിശ്ചിത ഫോമില്‍ അപേക്ഷ നല്‍കുക. കോഴ്‌സ് തീരുന്നതുവരെ ഓരോ വര്‍ഷവും സ്‌കോളര്‍ഷിപ്പ് ലഭിക്കും. കൂടുതല്‍ വിവരങ്ങള്‍ക്ക് സെക്രട്ടറി, നഴ്‌സസ് ക്ഷേമനിധി, ഹോളി ഏഞ്ചല്‍സ് കോണ്‍വെന്റിന് എതിര്‍വശം, തിരുവനന്തപുരം-1 എന്ന വിലാസത്തില്‍ ബന്ധപ്പെടുക.
https://www.facebook.com/Malayalivartha
