ആതുര സേവന രംഗത്തേക്ക് തൊഴിൽ അന്വേഷിക്കുന്നവർക്ക് സുവർണ്ണാവസരം. ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലും കേന്ദ്രസര്‍ക്കാരിന് കീഴില്‍ പ്രവര്‍ത്തിക്കുന്ന നാല് ആശുപത്രികളിലും 1355 നഴ്സിങ് ഓഫീസര്‍മാരെ നിയമിക്കുന്നുണ്ട്. ഒഴിവുകളിലേക്കു പൊതു തിരഞ്ഞെടുപ്പിലൂടെയാണ് തെരഞ്ഞെടുക്കുക. ഓണ്‍ലൈന്‍ പരീക്ഷയിലൂടെയായിരിക്കും തിരഞ്ഞെടുപ്പ്. സെപ്റ്റംബര്‍ 15-നാണ് പരീക്ഷ നിശ്ചയിച്ചിട്ടുള്ളത്. രാജ്യത്തെ പ്രധാന നഗരങ്ങളില്‍ പരീക്ഷാ കേന്ദ്രങ്ങളൊരുക്കും.9300-34800 രൂപ ശമ്പളം കിട്ടും. കൂടാതെ ഗ്രേഡ് പേ 4600 രൂപയാണ്. താല്പര്യമുള്ളവർ ഓഗസ്റ്റ് 21നു മുൻപ് അപേക്ഷിക്കേണ്ടുന്നതാണ്.

നഴ്സിങ് ഓഫീസര്‍ തസ്തികയിലേക്ക് നിരവധി ഒഴിവുകള്‍:
ഡല്‍ഹി എയിംസ് -503 ഒഴിവുകളാണ് ഉള്ളത്. ജനറലിൽ 282, എസ്.സിക്കാർക്ക് -66, എസ്.ടിക്കാർക്ക് -32, ഒ.ബി.സിക്കാർക്ക്.-123 എന്നിങ്ങനെ ഒഴിവുകൾ.

ഡോ. റാം മനോഹര്‍ ലോഹ്യ ഹോസ്പിറ്റലിലേക്ക് 524 ഒഴിവുകൾ ഉണ്ട്. ജനറലിൽ 233, എസ്.സിക്കാർക്ക് .70, എസ്.ടിക്കാർക്ക് 38, ഒ.ബി.സിക്കാർക്കു 135, ഇ.ഡബ്ല്യു.എസ്ക്കാർക്ക് 48 ഒഴിവുകളാണ്.

സഫ്ദര്‍ജങ് ഹോസ്പിറ്റലിൽ - 194 ഒഴിവുകൾ. ജനറല്‍ -110, എസ്.സി.-27, എസ്.ടി. -11, ഒ.ബി.സി. -27, ഇ.ഡബ്ല്യു.എസ്. -19 എന്നിങ്ങനെ ഒഴിവുകൾ.

ലേഡി ഹാര്‍ഡിഞ്ജ് മെഡിക്കല്‍ കോളേജ് ല്ക്ക സുചേതാ കൃപലാനി ഹോസ്പിറ്റല്‍ - 103 ഒഴിവുകൾ. ജനറല്‍ -27, എസ്.സി.-17, എസ്.ടി. -08, ഒ.ബി.സി. -45, ഇ.ഡബ്ല്യു.എസ്. -06 എന്നിങ്ങനെ.

കലാവതി ശരണ്‍ ചില്‍ഡ്രന്‍സ് ഹോസ്പിറ്റല്‍ - 31ഒഴിവുകൾ. എസ്.സി.-13, ഒ.ബി.സി. -03, ഇ.ഡബ്ല്യു.എസ്. -15 ഒഴിവുകൾ.

അപേക്ഷിക്കുന്നവർക്ക് വേണ്ടുന്ന യോഗ്യത: നഴ്സിങ്ങില്‍ ബി.എസ്സി. (ഓണേഴ്സ്). അല്ലെങ്കില്‍ ബി.എസ്സി. നഴ്സിങ് റെഗുലര്‍ കോഴ്സ്. അല്ലെങ്കില്‍ പോസ്റ്റ് ബേസിക് ബി.എസ്സി. നഴ്സിങ്. 2. സ്റ്റേറ്റ്/ ഇന്ത്യന്‍ നഴ്സിങ് കൗണ്‍സിലില്‍ നഴ്സ് അല്ലെങ്കില്‍ നഴ്സ് ആന്‍ഡ് മിഡ്വൈഫ് രജിസ്ട്രേഷന്‍.

അല്ലെങ്കില്‍

ജനറല്‍ നഴ്സിങ് ആന്‍ഡ് മിഡ്വൈഫറിയില്‍ ഡിപ്ലോമ. 2. സ്റ്റേറ്റ്/ ഇന്ത്യന്‍ നഴ്സിങ് കൗണ്‍സിലില്‍ നഴ്സ് അല്ലെങ്കില്‍ നഴ്സ് ആന്‍ഡ് മിഡ്വൈഫ് രജിസ്ട്രേഷന്‍. 3. കുറഞ്ഞത് 50 കിടക്കകളെങ്കിലുമുള്ള ആശുപത്രിയില്‍ രണ്ടുവര്‍ഷത്തെ പ്രവൃത്തിപരിചയം ആവശ്യമാണ്.

ഓണ്‍ലൈനായാണ് അപേക്ഷിക്കേണ്ടത്. www.aiimsexams.org , https://rmlh.nic.in , www.vmmc-sjh.nic.in , www.lhmc.hosp.gov.in തുടങ്ങിയ വെബ്സൈറ്റുകളില്‍ വിജ്ഞാപനവും അപേക്ഷിക്കുന്നതിനുള്ള ലിങ്കും ലഭ്യമാണ്. ഫോട്ടോയും ഒപ്പും സ്‌കാന്‍ചെയ്‌തു അയക്കണം. ജനറല്‍/ ഒ.ബി.സി. വിഭാഗക്കാര്‍ക്ക് 1500 രൂപയും എസ്.സി., എസ്.ടി., ഇ.ഡബ്ല്യു.എസ്. വിഭാഗക്കാര്‍ക്ക് 1200 രൂപയുമാണ് അപേക്ഷാ ഫീസ്. കൂടുതല്‍ വിവരങ്ങള്‍ക്ക് വെബ്സൈറ്റില്‍ നല്‍കിയിട്ടുള്ള വിശദമായ വിജ്ഞാപനം കാണുക.