ഒരു വർഷത്തെ കരാറടിസ്ഥാനത്തിൽ നിരവധി ഒഴിവുകളിലേക്ക് നിയമനം ; ഓഗസ്റ്റ് 17 ന് മുൻപ് അപേക്ഷിക്കാവുന്നതാണ്
ജില്ലയില്‍ പൈനാവ് കേന്ദ്രമാക്കി പ്രവര്‍ത്തനം തുടങ്ങുന്ന സ്ത്രീകള്‍ക്കും കുട്ടികള്‍ക്കുമെതിരെയുള്ള അതിക്രമങ്ങളെ അതിജീവിച്ചവര്‍ക്കായുള്ള സഹായകേന്ദ്രമായ സഖി വണ്‍സ്റ്റോപ്പ് സെന്ററില്‍ ഒഴിവുകൾ. സ്ത്രീകള്‍ മാത്രം അപേക്ഷിച്ചാല്‍ മതിയാകും. സെന്റര്‍ അഡ്മിനിസ്‌ട്രേറ്ററിലേക്ക് 25വയസ്സ് മുതൽ 40 വയസ്സ് വരെയുള്ളവർക്കു അപേക്ഷിക്കാം. 25-40 വയസ്സ് വരെ പ്രായപരിധിയുള്ളവർക്ക് കേസ് വര്‍ക്കറിലേക്ക് അപേക്ഷിക്കാം. സൈക്കോ സോഷ്യല്‍ കൗണ്‍സിലര്‍ ഒഴിവിലേക്ക് 25 വയസ്സ് മുതൽ 40വയസ്സ് വരെയുള്ളവർക്ക് അപേക്ഷിക്കാം. ഐ.റ്റി സ്റ്റാഫ്, മള്‍ട്ടിപര്‍പ്പസ് വര്‍ക്കറിലേക്ക് പ്രായപരിധി 25വയസ്സ് മുതൽ 40വയസ്സ് വരെ. നൈറ്റ് ഡ്യൂട്ടിക്കായി സെക്യൂരിറ്റി ഓഫീസര്‍ ഒഴിവ് 35വയസ്സ് മുതൽ 50 വയസ്സ് വരെ പ്രായ പരിധിയുള്ളവർക്ക് അപേക്ഷിക്കാം. ഈ തസ്തികകളില്‍ ഒരു വര്‍ഷത്തേക്ക് കരാറടിസ്ഥാനത്തിലാണ് നിയമനം നടത്തുന്നത്.
അപേക്ഷകർക്ക് വേണ്ടുന്ന യോഗ്യത. സെന്റര്‍ അഡ്മിനിസ്‌ട്രേറ്റര്‍, കേസ് വര്‍ക്കര്‍, സൈക്കോ സോഷ്യല്‍ കൗണ്‍സിലര്‍ എന്നിവയിലേക്ക് അപേക്ഷിക്കുന്നവർ സൈക്കോളജി, സോഷ്യോളജി, സോഷ്യല്‍ വര്‍ക്കര്‍ എന്നിവയില്‍ ഏതെങ്കിലും ഒന്നിൽ ബിരുദാനന്തരബിരുദം അല്ലെങ്കിൽ നിയമബിരുദം നേടിയിരിക്കണം. അപേക്ഷിക്കുന്ന തസ്‌തികയുമായി ബന്ധപ്പെട്ട ഫീല്‍ഡില്‍ പ്രവൃത്തി പരിചയം അത്യാവശ്യമാണ്.
ഐ.റ്റി സ്റ്റാഫ് തസ്തികക്ക് അപേക്ഷിക്കുന്നവർ ഇന്‍ഫര്‍മേഷന്‍ ടെക്‌നോളജി അല്ലെങ്കില്‍ കമ്ബ്യൂട്ടര്‍ സയന്‍സില്‍ ഡിപ്ലോമയോ ബിരുദമോ ഡാറ്റാ മാനേജ്‌മെന്റ് ഡെസ്‌ക്‌ടോപ്പ് പ്രോസസിംഗ് വെബ് ഡിസൈനിംങ്ങോ വീഡിയോ കോണ്‍ഫറന്‍സിംഗ് എന്നീ മേഖലകളില്‍ സര്‍ക്കാര്‍ അല്ലെങ്കിൽ അര്‍ദ്ധസര്‍ക്കാര്‍ അംഗീകൃത സ്ഥാപനങ്ങളില്‍ പ്രവൃത്തി പരിചയം ആവശ്യമാണ്.
മള്‍ട്ടിപര്‍പ്പസ് വര്‍ക്കർ ഒഴിവിലേക്ക് അപേക്ഷിക്കുന്നവർ എഴുത്തും വായനയും നിർബന്ധമായും അറിഞ്ഞിരിക്കണം.ഹോസ്റ്റല്‍/ അംഗീകൃത സ്ഥാപനങ്ങളിലേക്ക് അപേക്ഷിക്കുന്നവർ കുക്ക്, ക്ലീനിംഗ് സ്റ്റാഫ്, ആശുപത്രി അറ്റന്‍ഡര്‍ എന്നീ നിലകളിലുള്ള പ്രവൃത്തി പരിചയം ആവശ്യമാണ്. സെക്യൂരിറ്റി ഓഫീസര്‍ക്ക് സര്‍ക്കാര്‍ അംഗീകൃത സ്ഥാപനങ്ങളില്‍ സെക്യൂരിറ്റി ജീവനക്കാരായി ഒരു വര്‍ഷത്തില്‍ കുറയാത്ത പ്രവൃത്തിപരിചയം ഉണ്ടായിരിക്കണം.
യോഗ്യതയുള്ളവര്‍ നിശ്ചിത ഫോര്‍മാറ്റില്‍ തയ്യാറാക്കിയ അപേക്ഷ ആഗസ്റ്റ് 17 വൈകിട്ട് അഞ്ച് മണിക്ക് മുമ്പ് വനിത പ്രൊട്ടക്ഷന്‍ ഓഫീസര്‍, വനിത പ്രൊട്ടക്ഷന്‍ ഓഫീസ്, മിനി സിവില്‍ സ്റ്റേഷന്‍, തൊടുപുഴ, ഇടുക്കി എന്ന വിലാസത്തില്‍ തപാല്‍ വഴിയോ നേരിട്ടോ എത്തിക്കണം.കൂടുത വിവരങ്ങൾ അറിയാൻ ഈ ഫോണ്‍ നമ്പറിൽ ബന്ധപ്പെടുക. 04862 221722, 9497794601.
https://www.facebook.com/Malayalivartha
