എല്‍.ഐ.സി. ഹൗസിങ് ഫിനാന്‍സ് ലിമിറ്റഡിൽ 300 ഒഴിവുകൾ. ഒമ്പത് റീജണുകളിലായാണ് ഒഴിവുകള്‍. ബിരുദധാരികൾക്ക് അപേക്ഷിക്കാവുന്നതാണ്.കേരളവും തമിഴ്നാടും പുതുച്ചേരിയും ഉള്‍പ്പെടുന്നത് സതേണ്‍ റീജണിലാണ്. ഈ റീജണില്‍ അസിസ്റ്റന്റ് തസ്തികയില്‍ 20 ഒഴിവും അസോസിയേറ്റ് തസ്തികയില്‍ 12 ഒഴിവുമാണുള്ളത്. അസിസ്റ്റന്റ് തസ്തികയിലേക്ക് 125 ഒഴിവുകൾ. അസോസിയേറ്റ് തസ്തികയിലേക്ക് 75 ഒഴിവുകൾ. അസിസ്റ്റന്റ് മാനേജർ തസ്തികയിലേക്ക് 100 ഒഴിവുകൾ എന്നിങ്ങനെയാണ് അവസരങ്ങൾ. എന്നാല്‍, അസി. മാനേജര്‍ തസ്തികയിലെ ഒഴിവുകള്‍ എല്ലാ റീജണുകള്‍ക്കും കൂടി ഒരുമിച്ചാണ് വിജ്ഞാപനം ചെയ്തിട്ടുള്ളത്. ഒരാള്‍ക്ക് ഒരു തസ്തികയിലേക്ക് മാത്രമേ അപേക്ഷിക്കാനാവൂ. ഒന്നിലധികം അപേക്ഷകള്‍ അയച്ചാല്‍ സാധുവായ, അവസാനത്തെ അപേക്ഷ മാത്രമേ പരിഗണിക്കൂ.

അസിസ്റ്റന്റ് തസ്തികയിലേക്ക് അപേക്ഷിക്കുന്നവർ കുറഞ്ഞത് 55 ശതമാനം മാര്‍ക്കോടെ ബിരുദം നേടിയിരിക്കണം. കംപ്യൂട്ടര്‍ പരിജ്ഞാനവും ആവശ്യമാണ്. അസിസോയേറ്റ് തസ്തികയിലേക്ക് അപേക്ഷിക്കുന്നവർ കുറഞ്ഞത് 60 ശതമാനം മാര്‍ക്കോടെ ബിരുദം നേടിയിരിക്കണം. സി.എ. ഇന്ററും കംപ്യൂട്ടര്‍ പരിജ്ഞാനവും ഉണ്ടായിരിക്കണം. അസി. മാനേജര്‍ ഒഴിവിലേക്കു അപേക്ഷിക്കുന്നവർ കുറഞ്ഞത് 60 ശതമാനം മാര്‍ക്കോടെ ബിരുദം നേടിയിരിക്കണം. കുറഞ്ഞത് 60 ശതമാനം മാര്‍ക്കോടെയുള്ള ഫുള്‍ടൈം ദ്വവത്സര എം.ബി.എ./ എം.എം.എസ്./പി.ജി.ഡി.ബി.എ./പി.ജി.പി.എം/പി.ജി.ഡി.എം., കംപ്യൂട്ടര്‍ പരിജ്ഞാനം എന്നിവ അനിവാര്യമാണ്.

മൂന്ന് തസ്തികകളിലേക്ക് അപേക്ഷിക്കുന്നവർ 21 വയസ്സ് മുതൽ 28 വയസ്സ് വരെ പ്രായമുള്ളവർ ആയിരിക്കണം. 2019 ജനുവരി ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്. അസിസ്റ്റന്റ് - 23890 രൂപയാണ് ശമ്പളം. അസോസിയേറ്റിന് ശമ്പളം 35960 രൂപ. അസിസ്റ്റന്റ് മാനേജറിന് 56000 രൂപ എന്നിങ്ങനെയാണ് തുടക്കത്തിൽ ശമ്പളം കിട്ടുക. ശമ്ബളത്തിനു പുറമെ മറ്റ് ആനുകൂല്യങ്ങളും ഉണ്ടാകും . അസിസ്റ്റന്റ് മാനേജര്‍ നിയമനത്തിന് മുന്‍പായി ഒരു വര്‍ഷം ട്രെയിനിങ്ങുണ്ട്. ഈ സമയത്ത് 25000 രൂപ സ്‌റ്റൈപ്പെന്റാണ് കിട്ടുന്നത്. ഓണ്‍ലൈനായാണ് അപേക്ഷിക്കേണ്ടത്. വെബ്സൈറ്റ് www.lichousing.com എന്ന വെബ്സൈറ്റ് വഴി ഓണ്‍ലൈനായി അപേക്ഷിക്കണം. മൂന്ന് തസ്തികയിലും 500 രൂപയാണ് അപേക്ഷാഫീസ്. ജി.എസ്.ടി. നിരക്കുമുണ്ടാവും. ഓണ്‍ലൈനായാണ് ഫീസ് അടയ്‌ക്കേണ്ടത്. അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 26.
.
പരീക്ഷയും തിരഞ്ഞെടുപ്പും സംബന്ധിച്ചുള്ള കൂടുതൽ വിവരങ്ങൾ:
മൂന്ന് തസ്തികകളിലേക്കും ഓണ്‍ലൈന്‍ പരീക്ഷ, അഭിമുഖം എന്നിവ നടത്തിയാണ് തിരഞ്ഞെടുപ്പ്. 200 മാര്‍ക്കിനായിരിക്കും പരീക്ഷ. മൂന്ന് തസ്തികകളിലേക്കും ഇംഗ്ലീഷ് ലാംഗ്വേജ്, ലോജിക്കല്‍ റീസണിങ്, ജനറല്‍ അവേര്‍നെസ്സ് എന്നിവയില്‍നിന്ന് 50 മാര്‍ക്കിന്റെ വീതം ചോദ്യങ്ങളുണ്ടാവും. ശേഷിക്കുന്ന 50 മാര്‍ക്ക് അസിസ്റ്റന്റ്/ അസോസിയേറ്റ് തസ്തികക്കാര്‍ക്ക് ന്യൂമറിക്കല്‍ എബിലിറ്റിയില്‍നിന്ന് അസി. മാനേജര്‍ തസ്തികക്കാര്‍ക്ക് ക്വാണ്ടിറ്റേറ്റീവ് ആപ്റ്റിറ്റൂയ്ഡില്‍നിന്നുമായിരുക്കും. 120 മിനിറ്റ് ദൈര്‍ഘ്യമുള്ളതാണ് പരീക്ഷ. കേരളത്തില്‍ കൊച്ചിയും തിരുവനന്തപുരവുമാണ് ഓണ്‍ലൈന്‍ പരീക്ഷാകേന്ദ്രങ്ങള്‍. ഒക്ടോബര്‍ 9,10 തീയതികളിലായിരിക്കും പരീക്ഷ.

വിശദ വിവരങ്ങള്‍ക്ക് www.lichousing.com എന്ന വെബ്‌സൈറ്റ് സന്ദര്‍ശിക്കുകയും വിജ്ഞാപനം വായിച്ചു മനസിലാക്കുകയും ചെയ്യുക.