കരസേനയുടെ 54-ാമത് ഷോര്‍ട്ട് സര്‍വീസ് കമ്മിഷന്‍ (ടെക്‌നിക്കല്‍) കോഴ്‌സിലേക്കും 25-ാമത് ഷോര്‍ട്ട് സര്‍വീസ് കമ്മിഷന്‍ (ടെക്‌നിക്കല്‍) വിമന്‍ കോഴ്‌സിലേക്കുമുള്ള പ്രവേശിക്കാൻ ആഗ്രഹിക്കുന്നവർ അപേക്ഷിച്ചു തുടങ്ങാം . ഓഗസ്റ്റ് 22 വരെ അപേക്ഷിക്കാം. എന്‍ജിനീയറിങ് ബിരുദമുള്ള പുരുഷന്‍മാര്‍ക്കും വനിതകള്‍ക്കും അപേക്ഷിക്കാം ഓണ്‍ലൈനായി വേണം അപേക്ഷ സമര്‍പ്പിക്കേണ്ടത്. അപേക്ഷകര്‍ അവിവാഹിതരായിരിക്കണം. 2020 ഏപ്രിലില്‍ തുടങ്ങുന്ന ഷോര്‍ട്ട് സര്‍വീസ് കമ്മിഷന്‍ (ടെക്‌നിക്കല്‍) കോഴ്‌സില്‍ പുരുഷന്‍മാര്‍ക്ക് 175 ഒഴിവുകളാണുള്ളത്. വനിതകള്‍ക്കു 14 ഒഴിവുകളാണുള്ളത്. പട്ടികയില്‍ സൂചിപ്പിച്ച വിഷയങ്ങളില്‍ എന്‍ജിനീയറിങ് ബിരുദമാണു യോഗ്യത. നിബന്ധനകളോടെ അവസാന വര്‍ഷ വിദ്യാര്‍ഥികള്‍ക്കും അപേക്ഷിക്കാവുന്നതാണ് . ഇവര്‍ കോഴ്‌സ് തുടങ്ങി 12 ആഴ്‌ചക്കുള്ളില്‍ ബിരുദ സര്‍ട്ടിഫിക്കറ്റ് ഹാജരാക്കണം.

പ്രതിരോധസേനാ ഉദ്യോഗസ്‌ഥരുടെ വിധവകള്‍ക്കും (നോണ്‍ ടെക്‌നിക്കല്‍ എന്‍ട്രി) അവസരമുണ്ട്. ഇവർ നോണ്‍ ടെക്‌നിക്കല്‍ എന്‍ട്രിക്ക് ഓഫ്‌ലൈനായാണ് അപേക്ഷിക്കേണ്ടത്. നോണ്‍ ടെക്‌നിക്കല്‍ എന്‍ട്രിക്ക് ഏതെങ്കിലും ബിരുദമാണു യോഗ്യത. പ്രതിരോധസേനാ ഉദ്യോഗസ്‌ഥരുടെ വിധവകള്‍ക്കു പ്രായപരിധി 35 വയസാണ്. ഇതു സംബന്ധിച്ച വിശദമായ നിര്‍ദേശങ്ങള്‍ക്കു വെബ്‌സൈറ്റ് സന്ദർശിക്കാവുന്നതാണ്. ഓരോ കോഴ്‌സിലുമുള്ള ഒഴിവുകളും ഒഴിവുള്ള എന്‍ജിനീയറിങ് വിഭാഗങ്ങളും ഇതോടൊപ്പം പട്ടികയില്‍ ചേര്‍ത്തിരിക്കുന്നു. എസ്‌എസ്‌സി (ടെക്നിക്കല്അപേക്ഷിക്കുന്നവർ 20 മുതൽ 27 വയസ്സിന് ഇടയിൽ ഉള്ളവരായിരിക്കണം അപേക്ഷിക്കേണ്ടുന്നത്. 1993 ഏപ്രില്‍ രണ്ടിനും 2000 ഏപ്രില്‍ ഒന്നിനും മധ്യേ ജനിച്ചവരായിരിക്കണം. കരസേനാ വെബ്‌സൈറ്റില്‍ നല്‍കിയിട്ടുള്ള മാനദണ്ഡങ്ങള്‍ക്കനുസരിച്ചുള്ള ശാരീരികക്ഷമതയുള്ളവരായിരിക്കണം അപേക്ഷിക്കേണ്ടുന്നത്.

ഓൺലൈൻ ആയിട്ട് വേണം അപേക്ഷിക്കേണ്ടുന്നത് . വെബ്സൈറ്റ് www.joinindianarmy.nic.in ഓണ്‍ലൈനില്‍ അപേക്ഷിക്കുന്നത് സംബന്ധിച്ച വിശദ വിവരങ്ങൾ വെബ്‌സൈറ്റില്‍ ലഭിക്കും.ഓണ്‍ലൈന്‍ അപേക്ഷ സമര്‍പ്പിച്ചു കഴിഞ്ഞാല്‍ റോള്‍ നമ്പര്‍ കിട്ടുന്നതാണ്. അപേക്ഷ സേവ് ചെയ്‌ത ശേഷം ഓണ്‍ലൈന്‍ അപേക്ഷയുടെ രണ്ടു പ്രിന്റ് ഔട്ട് എടുക്കുക. ഓണ്‍ലൈന്‍ അപേക്ഷ അയയ്‌ക്കുന്നതിനും വിജ്‌ഞാപനത്തിന്റെ പൂര്‍ണരൂപത്തിനും www.joinindianarmy.nic.in എന്ന വെബ്‌സൈറ്റ് സന്ദർശിക്കാവുന്നതാണ്.

എസ്‌എസ്‌ബി ഇന്റര്‍വ്യൂവിന്റെയും ശാരീരികക്ഷമതാ പരിശോധനയുടെയും വൈദ്യപരിശോധനയുടെയും അടിസ്‌ഥാനത്തിലായിരിക്കും തിരഞ്ഞെടുക്കുക. എസ്‌എസ്ബി ഇന്റര്‍വ്യൂവിനു ക്ഷണിക്കുന്നത് ഷോര്‍ട്ട് ലിസ്റ്റ് ചെയ്യപ്പെടുന്ന ഉദ്യോഗാര്‍ഥികളെയായിരിക്കും . ബെംഗളൂരു ഉള്‍പ്പെടെയുള്ള കേന്ദ്രങ്ങളിലായിരിക്കും ഇന്റര്‍വ്യൂ. രണ്ടു ഘട്ടങ്ങളായി നടക്കുന്ന ഇന്റര്‍വ്യൂ അഞ്ചു ദിവസം നീളും. ആദ്യഘട്ടത്തില്‍ പരാജയപ്പെടുന്നവരെ എടുക്കില്ല. ഗ്രൂപ്പ് ടെസ്‌റ്റ്, സൈക്കോളജിക്കല്‍ ടെസ്‌റ്റ്, ഇന്റര്‍വ്യൂ എന്നിവയുണ്ടാകും. ഇന്റര്‍വ്യൂവില്‍ പങ്കെടുക്കുന്നവര്‍ക്കു നിബന്ധനകള്‍ക്കു വിധേയമായി യാത്രാ ബത്ത നല്‍കുന്നതാണ് .ഷോര്‍ട്ട് സര്‍വീസ് കമ്മിഷന്‍ (ടെക്‌നിക്കല്‍) കോഴ്‌സിലേക്കു തിരഞ്ഞെടുക്കപ്പെടുന്നവര്‍ക്കു ചെന്നൈയിലെ ഓഫിസേഴ്‌സ് ട്രെയിനിങ് അക്കാദമിയില്‍ പരിശീലനം നൽകും. 49 ആഴ്‌ചയാണ് പരിശീലനം. ഇതു വിജയകരമായി പൂര്‍ത്തിയാക്കുന്നവര്‍ക്ക് പോസ്റ്റ് ഗ്രാജുവേറ്റ് ഡിപ്ലോമ ഇന്‍ ഡിഫന്‍സ് മാനേജ്മെന്റ് ആന്‍ഡ് സ്ട്രാറ്റജിക് സ്റ്റഡീസ് (മദ്രാസ് യൂണിവേഴ്സിറ്റി) യോഗ്യത കിട്ടുന്നതാണ്. ലഫ്റ്റനന്റ് റാങ്കിലാകും നിയമനം നടത്തുക.