നാഷണല് തെര്മല് പവര് കോര്പ്പറേഷനില് ഒഴിവുകൾ; ശമ്പളം 50,000 - 60,000 രൂപ; ഓഗസ്റ്റ് 26 വരെ അപേക്ഷിക്കാം
നാഷണല് തെര്മല് പവര് കോര്പ്പറേഷനില് (എന്.ടി.പി.സി.) എന്ജിനീയറാവാന് അവസരം. വിവിധ വിഭാഗങ്ങളിലായി 203 ഒഴിവുകളുണ്ട്.അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 26 ആണ്. ഇലക്ട്രിക്കല്, മെക്കാനിക്കല്, ഇലക്ട്രോണിക്സ്, ഇന്സ്ട്രുമെന്റേഷന് വിഭാഗങ്ങളിലായിട്ടാണ് ഒഴിവുകളുള്ളത്. തെര്മല് പവര് പ്ലാന്റുകളിലെ ഇ-2 ഗ്രേഡിലായിരിക്കും നിയമനം നടത്തുക. ബധിരര്, കേള്വിപ്രശ്നമുള്ളവര്, ലോക്കോമോട്ടോര് ഡിസെബിലിറ്റി (ഒ.എ., ഒ.എല്.) എന്നീ വിഭാഗങ്ങളില്പ്പെട്ട ഭിന്നശേഷിക്കാര്ക്കും അപേക്ഷിക്കാവുന്നതാണ്. അംഗീകൃത സര്വകലാശാല അല്ലെങ്കിൽ സ്ഥാപനത്തില് നിന്നും കുറഞ്ഞത് 60 ശതമാനം മാര്ക്കോടെ നേടിയ ഫുള്ടൈം എന്ജിനീയറിങ് ബിരുദം ആവശ്യമാണ്. എസ്.സി., എസ്.ടി., ഭിന്നശേഷി വിഭാഗക്കാര്ക്ക് പാസ് മാര്ക്ക് മതിയാകും. ഓപ്പറേഷന് ആന്ഡ് മെയിന്റനന്സ്/ കമ്മിഷനിങ്/ഇറക്ഷന് (പവര് പ്ലാന്റ് എക്യുപ്മെന്റ് ആന്ഡ് ഓക്സിലറീസ്) രംഗത്ത് എക്സിക്യുട്ടീവ്/സൂപ്പര്വൈസറി കേഡറില് മൂന്നുവര്ഷത്തെ പരിചയവും അപേക്ഷകർക്ക് ആവശ്യമാണ്. എസ്.സി., എസ്.ടി. വിഭാഗക്കാക്ക് രണ്ടുവര്ഷത്തെ പ്രവർത്തി പരിചയം മതി.
ഓരോ വിഭാഗത്തിലേക്കും അപേക്ഷിക്കാന് ആഗ്രഹിക്കുന്നവർക്ക് അര്ഹമായ ബിരുദ വിഷയങ്ങള് ഇവയാണ്:
ഇലക്ട്രിക്കല് എന്ജിനീയറിങ്: ഇലക്ട്രിക്കല്/ഇലക്ട്രിക്കല് ആന്ഡ് ഇലക്ട്രോണിക്സ്/ഇലക്ട്രിക്കല് ഇന്സ്ട്രുമെന്റേഷന് ആന്ഡ് കണ്ട്രോള്/ പവര് സിസ്റ്റംസ് ആന്ഡ് ഹൈ വോള്ട്ടേജ്/പവര് ഇലക്ട്രോണിക്സ്/ പവര് എന്ജിനീയറിങ്
മെക്കാനിക്കല് എന്ജിനീയറിങ്: മെക്കാനിക്കല്/ പ്രൊഡക്ഷന്/ഇന്ഡസ്ട്രിയല് എന്ജിനീയറിങ്/ പ്രൊഡക്ഷന് ആന്ഡ് ഇന്ഡസ്ട്രിയല് എന്ജിനീയറിങ്/ തെര്മല്/മെക്കാനിക്കല് ആന്ഡ് ഓട്ടോമേഷന്/പവര് എന്ജിനീയറിങ്.
ഇലക്ട്രോണിക്സ് എന്ജിനീയറിങ്: ഇലക്ട്രോണിക്സ്/ ഇലക്ട്രോണിക്സ് ആന്ഡ് ടെലികമ്യൂണിക്കേഷന്/ഇലക്ട്രോണിക്സ് ആന്ഡ് പവര്/പവര് ഇലക്ട്രോണിക്സ്/ഇലക്ട്രോണിക്സ് ആന്ഡ് കമ്യൂണിക്കേഷന്/ഇലക്ട്രേിക്കല് ആന്ഡ് ഇലക്ട്രോണിക്സ്
ഇന്സ്ട്രുമെന്റേഷന് എന്ജിനീയറിങ്: ഇലക്ട്രോണിക്സ് ആന്ഡ് ഇന്സ്ട്രുമെന്റേഷന്/ ഇന്സ്ട്രുമെന്റേഷന് ആന്ഡ് കണ്ട്രോള്.
പ്രായ പരിധി 30 വയസ്സാണ്. എസ്.സി., എസ്.ടി. ഒ.ബി.സി., ഭിന്നശേഷി വിഭാഗക്കാര്ക്കും വിമുക്തഭടര്ക്കും നിയമാനുസൃത ഇളവ് അനുവദിച്ച് കിട്ടുന്നതാണ്. 50,000 രൂപ മുതൽ 60,000 രൂപ വരെ ശമ്പളം കിട്ടും .300 രൂപയാണ് അപേക്ഷാഫീസ് . എസ്.സി., എസ്.ടി., വിഭാഗക്കാര്ക്കും ഭിന്ന ശേഷിക്കാര്ക്കും വിമുക്തഭടര്ക്കും അപേക്ഷാഫീസ് ബാധകമല്ല. എസ്.ബി.ഐ. ബ്രാഞ്ചുകള് വഴിയാണ് ഫീസ് അടയ്ക്കേണ്ടുന്നത്.
ഓണ്ലൈനായിട്ടാണ് അപേക്ഷ സമര്പ്പിക്കേണ്ടുന്നത്. വിശദ വിവരങ്ങള്ക്കും അപേക്ഷിക്കുന്നതിനും www.ntpccareers.net എന്ന വെബ്സൈറ്റ് സന്ദര്ശിക്കാവുന്നതാണ്.
https://www.facebook.com/Malayalivartha
