മറക്കരുത് ഈ ആഴ്ചയിൽ നടക്കുന്ന അഭിമുഖങ്ങൾ
ഗസ്റ്റ് ഇന്‍സ്ട്രക്ടര്‍: അഭിമുഖം 22ന്
പള്ളിക്കത്തോട് ഗവണ്‍മെന്‍റ് ഐടിഐയില്‍ ഫുഡ് പ്രൊഡക്ഷന്‍ ജനറല്‍, ഫുഡ് ആന്‍ഡ് ബീവറേജസ്, ഗസ്റ്റ് സര്‍വീസ് അസിസ്റ്റന്‍റ്, ഡിജിറ്റല്‍ ഫോട്ടോഗ്രാഫര്‍, റഫ്രിജറേഷന്‍ ആന്‍ഡ് എയര്‍കണ്ടീഷനിംഗ്, ഇലക്‌ട്രീഷ്യന്‍, കമ്ബ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ്വര്‍ക്ക് മെയിന്‍റനന്‍സ്, വെല്‍ഡര്‍, ഡയറിയിംഗ് ട്രേഡുകളിലും എംപ്ലോയിബിലിറ്റി സ്കില്ലിലും ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നുണ്ട്. അതത് ട്രേഡുകളില്‍ ഡിഗ്രി/ഡിപ്ലോമ, എന്‍.റ്റി.സിയും മൂന്നു വര്‍ഷത്തെ പ്രവൃത്തി പരിചയവും/എന്‍.എ.സിയും രണ്ടു വര്‍ഷത്തെ പ്രവൃത്തി പരിചയവും എംപ്ലോയിബിലിറ്റി സ്കില്‍ വിഭാഗത്തിലേക്ക് ബി.ബി.എയും രണ്ടുവര്‍ഷത്തെ പ്രവൃത്തി പരിചയവുമാണ് യോഗ്യതയായി കണക്കാക്കുന്നത്. താത്പര്യമുളളവര്‍ ഓഗസ്റ്റ് 22ന് രാവിലെ 10ന് നടക്കുന്ന ഇന്‍റര്‍വ്യൂവില്‍ പങ്കെടുക്കുക. യോഗ്യതയും പ്രവൃത്തിപരിചയവും തെളിയിക്കുന്ന അസല്‍ സര്‍ട്ടിഫിക്കറ്റുകള്‍ ഹാജരാക്കണം. കൂടുതൽ വിവരങ്ങൾക്ക് 0481 2551062 എന്ന ഫോൺ നമ്പറിൽ ബന്ധപെടുക.
ഹോസ്പിറ്റല്‍ അറ്റന്‍ഡന്‍റ് ഗ്രേഡ്-11 തസ്തികയില്‍ നിയമനം ; ഓഗസ്റ്റ് 24ന് അഭിമുഖം
ജില്ലയില്‍ ഇന്‍ഷ്വറന്‍സ് മെഡിക്കല്‍ സര്‍വ്വീസസ് വകുപ്പില്‍ ദിവസ വേതനാടിസ്ഥാനത്തില്‍ ഹോസ്പിറ്റല്‍ അറ്റന്‍ഡന്‍റ് ഗ്രേഡ്-11 തസ്തികയില്‍ നിയമനം നടത്തുന്നു. ഓഗസ്റ്റ് 24ന് വാക്-ഇന്‍-ഇന്‍റര്‍വ്യൂ നടക്കുകയാണ്. എഴുത്തും വായനയും അറിയാവുന്ന ആരോഗ്യവാന്‍മാരായ ഉദ്യോഗാര്‍ത്ഥികള്‍ക്ക് പങ്കെടുക്കാവുന്നതാണ്. ദക്ഷിണ മേഖലാ റീജിയണല്‍ ഡെപ്യൂട്ടി ഡയറക്ടറുടെ കൊല്ലം (പോളയത്തോട്) ഓഫീസിൽ വച്ചാണ് അഭിമുഖം. രാവിലെ ഒന്‍പതു മുതല്‍ 12 വരെ നടക്കുന്ന ഇന്‍റര്‍വ്യൂവില്‍ തിരിച്ചറിയല്‍ രേഖയും യോഗ്യതകള്‍ തെളിയിക്കുന്ന സര്‍ട്ടിഫിക്കറ്റുകളും സഹിതം പങ്കെടുക്കണം.
ഐ.ടി.ഐ.യില്‍ പട്ടികവര്‍ഗ വിഭാഗത്തില്‍ ഒരൊഴിവ് ; ഓഗസ്റ്റ് 24 ന് അഭിമുഖം
നെന്മാറ ഗവ. ഐ.ടി.ഐ.യില്‍ വെല്‍ഡര്‍ ട്രേഡില്‍ പട്ടികവര്‍ഗ വിഭാഗത്തില്‍ ഒരു ഒഴിവുണ്ട്. എസ് എസ് എൽസിയാണ് യോഗ്യത. താല്‍പര്യമുള്ളവര്‍ ഓഗസ്റ്റ് 24 ന് രാവിലെ 10 ന് അസ്സല്‍ സര്‍ട്ടിഫിക്കറ്റുകളുമായി ഐ.ടി.ഐ ഓഫീസില്‍ എത്തണമെന്ന് പ്രിന്‍സിപ്പാള്‍ അറിയിച്ചു. കൂടുതൽ വിവരങ്ങൾക്ക് 04923-241010, 9747197853 എന്ന നമ്പറിലേക്ക് വിളിക്കുക.
https://www.facebook.com/Malayalivartha
