ഓണാഘോഷം 2019 നോടനുബന്ധിച്ച്‌ ടൂറിസം വകുപ്പിന്റെ ആഭിമുഖ്യത്തില്‍ സംഘടിപ്പിക്കുന്ന സമാപന ഘോഷയാത്രയില്‍ ഫ്‌ളോട്ട് അവതരിപ്പിക്കുന്നതിന് ക്ഷണിച്ചു. ഫ്‌ളോട്ട് അവതരണത്തിൽ മുന്‍പരിചയവും പ്രാവീണ്യവുമുള്ള വ്യക്തികൾക്കും സ്ഥാപനങ്ങൾക്കും ഹരിതകേരളം മിഷനിലേക്ക് അപേക്ഷ അയക്കാവുന്നതാണ്. ഫ്‌ളോട്ട് അവതരിപ്പിക്കുമ്പോൾ ഹരിത കേരളം മിഷന്റെ പ്രഖ്യാപിത ലക്ഷ്യങ്ങള്‍ ദൃശ്യവല്‍ക്കരിക്കുന്ന ഫ്‌ളോട്ടാണ് തയ്യാറാക്കേണ്ടത്. ഇലക്‌ട്രോണിക്/എല്‍.ഇ.ഡിസ്‌ക്രീനും അനുബന്ധമായി ഉള്‍പ്പെടുത്താവുന്നതാണ്‌ . ഫ്‌ളോട്ട് നിർമിക്കാൻ കഴിവുള്ളവർ വിശദമായ ആശയവും രൂപകല്‍പ്പനയും എസ്റ്റിമേറ്റും സഹിതം ഓഗസ്റ്റ് 26നകം അപേക്ഷിക്കുക.

മാലിന്യത്തിന്റെ അളവ് കുറക്കുക, മാലിന്യ ഉത്പാദനം ഇല്ലാതാക്കുക, രൂപപ്പെടുന്ന മാലിന്യങ്ങളെ തരംതിരിച്ച് ശാസ്ത്രീയമായി സംസ്‌കരിക്കുക തുടങ്ങിയവയ്ക്കായി അനുവര്‍ത്തിക്കുന്ന രീതിയാണ് ഗ്രീൻ പ്രോട്ടാേക്കോള്‍. പുനരുപയോഗ സാധ്യമായവ, കമ്പോസ്റ്റിംഗ് സാധ്യമായവ എന്നിങ്ങനെ മാലിന്യത്തെ തരം തിരിച്ചും ഉപേഭാഗ സാധനങ്ങളുടെ അളവ് കുറച്ചും അവശിഷ്ടം ഇല്ലാതാക്കിയും മാലിന്യ പരിപാലനത്തില്‍ നമ്മള്‍ ചെയ്യുന്ന പ്രവർത്തനങ്ങള്‍ വ്യക്തികളും, സമൂഹവും പിൻതുടരുന്ന രീതിയാണ് ഇതില്‍ പ്രധാനം. വ്യക്തി ജീവിതം, കുടുംബം,ഓഫീസുകള്‍, പൊതു പരിപാടികള്‍, വിവാഹം, സമ്മേളനങ്ങള്‍, ഉത്സവങ്ങള്‍ തുടങ്ങി സമസ്ത തലങ്ങളിലും ഗ്രീൻ പ്രോട്ടാേക്കോള്‍ ബാധകമാക്കാം. എന്നാല്‍ അതിനുളള ശീലം ഉണ്ടാക്കി എടുക്കലാണ് പ്രധാനം.
മാലിന്യ ഉത്പാദനത്തിന്റെ അളവ് കുറയ്ക്കുന്നതിന് വേണ്ടി ഡിസ്പോസിബിള്‍ സാധനങ്ങളുടെ ഉപേയാഗം പൂര്‍ണ്ണമായും ഒഴിവാക്കി, കഴുകി ഉപയോഗിക്കാൻ കഴിയുന്ന പാത്രങ്ങള്‍ ശീലമാക്കുകയും ശേഷം ഉണ്ടാകുന്ന ജൈവമാലിന്യം അതാത് സ്ഥലങ്ങളിൽ തന്നെ കമ്പോസ്റ്റിങ്ങിലൂടെ വളമാക്കി മാറ്റുകയോ ബയോഗ്യാസാക്കി മാറ്റുകയോ ചെയ്യുക എന്നതാണ് ഗ്രീൻ പ്രോട്ടാേക്കോളിന്റെ അടിസ്ഥാന തത്വം. ഇതിന്റെ അടിസ്ഥാനത്തിലാണ് ഫ്‌ളോട്ട് തയ്യാറാക്കേണ്ടുന്നത്.

വിലാസം: ഹരിതകേരളം മിഷന്‍, റ്റി.സി 2/3271(3)(4), 'ഹരിതം', കുട്ടനാട് ലെയിന്‍, പട്ടം പാലസ് പി.ഒ, തിരുവനന്തപുരം-695 004
ഇ-മെയില്‍: hkmprd@gmail.com.
ഫോണ്‍: 0471-2449938/39, 9895882812.
വിശദവിവരങ്ങള്‍ക്ക് www.haritham.kerala.gov.in എന്ന വെബ്സൈറ്റ് സന്ദര്‍ശിക്കുക.