എയർ ഇന്ത്യയിൽ തൊഴിൽ തേടുന്നവർക്ക് സന്തോഷ വാർത്ത. എയർ ഇന്ത്യയ്ക്ക് കീഴിലുള്ള എയർ ഇന്ത്യ എയർ ട്രാൻസ്‌പോർട്ട് സർവീസസ് ലിമിറ്റഡ് മുംബൈ വിമാന താവളത്തിൽ 214 ഒഴിവുകളിൽ 3 വർഷത്തെ കരാർ നിയമനം നടത്തുന്നു. കസ്റ്റമർ ഏജന്റ്, ഹാൻഡിമാൻ എന്നീ തസ്തികളിലേക്കാണ് നിയമനം നടത്തുന്നത്. കസ്റ്റമർ ഏജന്റ് 100 ഒഴിവുകൾ ഉണ്ട്. ഹാൻഡിമാൻ തസ്‌തികയിലും 100 ഒഴിവുകൾ. സെപ്തംബർ 9 ,13 ,14 തീയതികളിൽ മുംബൈയിൽ വച്ച് അഭിമുഖം നടക്കും.

കസ്റ്റമർ ഏജന്റ് 100 ഒഴിവുകൾ ഉണ്ട്. ബിരുദം(10+2+3രീതി), കമ്പ്യൂട്ടർ പരിജ്ഞാനം എന്നിവയാണ് യോഗ്യത. ഇനി പറയുന്നവയിൽ ഡിപ്ലോമ ഉള്ളവർക്കും അപേക്ഷിക്കാവുന്നതാണ്. IATA-UFTA, IATA-FIATAA / IATA-DGR/ IATA-CARGO എന്നിവയിൽ ഡിപ്ലോമ ഉള്ളവർക്ക് മുൻഗണനയുണ്ട്. അല്ലെങ്കിൽ എയർ ലൈൻ പ്രവർത്തി പരിചയവും പരിഗണിക്കും. അപേക്ഷകരുടെ ഉയർന്ന പ്രായ പരിധി 28 വയസ്സാണ്.

ഹാൻഡിമാൻ തസ്‌തികയിൽ 100 ഒഴിവുകൾ ഉണ്ട്. പത്താം ക്ലാസ് ജയിച്ചവർക്ക് അപേക്ഷിക്കാൻ യോഗ്യതയുണ്ട്. മുംബൈ എയർ പോർട്ടിൽ കുറഞ്ഞത് ആറു മാസത്തെ പ്രവർത്തി പരിചയം ആവശ്യമാണ്. ഉദ്യോഗാർത്ഥികൾക്ക് എഇപി ഉണ്ടായിരിക്കണം. ഉയർന്ന പ്രായ പരിധി 28 വയസ്സാണ്. ഇവ കൂടാതെ ജൂനിയർ എക്സിക്യൂട്ടീവ് - എച്ച്‌ ആർ / അഡ്മിനിസ്ട്രേഷനിൽ എട്ട് ഒഴിവുകൾ ഉണ്ട്. അസിസ്റ്റന്റ് -എച്ച്ആർ / അഡ്മിനിസ്ട്രേഷനിൽ ആറ് ഒഴിവുകളുമുണ്ട്.

കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക . www.airindia.in എയർലൈൻ അലൈഡ് സർവീസസിൽ വിവിധ തസ്തികളിലായി 44 ഒഴിവുകൾ. എയർലൈൻ അലൈഡ് സർവീസസ് ലിമിറ്റഡിൽ വിവിധ തസ്തികളിലായി 44 ഒഴിവുകൾ ഉണ്ട്. അഞ്ചു വർഷത്തെയ്ക്കാണ് നിയമനം. സെപ്തംബർ 13 വരെ അപേക്ഷിക്കുക. ന്യൂഡൽഹിയിൽ AASL റിക്രൂട്ട്മെൻറ് 2019-20 ൽ സൂപ്പർവൈസർ, ടെക്നിക്കൽ അസിസ്റ്റന്റ്, തുടങ്ങിയ ഒഴിവുകൾ ഉണ്ട്. ഒഴിവുകളിലേക്ക് ഓൺലൈനായി അപേക്ഷിക്കുക. പുതിയ റിക്രൂട്ട്‌മെന്റ് ജോലികൾക്കുള്ള 2019-20 വിജ്ഞാപനം പ്രസിദ്ധീകരിച്ചു. വെബ്സൈറ്റ് സന്ദർശിക്കുക www.airindia.in