സ്റ്റേറ്റ് ബാങ്ക് ഓഫ് ഇന്ത്യയിൽ 56 മെഡിക്കൽ ഓഫീസർ ഒഴിവുകൾ. ബാങ്ക് മെഡിക്കൽ ഓഫീസർ(BMO-II) അപേക്ഷിക്കാവുന്നതാണ്. എം എം ജി എസ് 11 ഗ്രേഡിൽ ഉള്ളതാണ് ഈ ജോലി. ജനറൽ 24, ഒബിസി 14, ഇഡബ്ല്യുഎസ് 5, എസ്‌സി 9, എസ്ടി 4 എന്നിങ്ങനെയാണ് ഒഴിവുകൾ ഉള്ളത്. ഉയർന്ന പ്രായപരിധി 35 ആണ്.കേരളമുൾപ്പെടെ വിവിധ സംസ്ഥാങ്ങളിലായിരിക്കും നിയമനം നടത്തുക. തിരുവനന്തപുരം 1, എറണാകുളം 1 , കോഴിക്കോട് 1, തൃശൂർ 1, കോട്ടയം 1, എന്നിങ്ങനെയായി കേരളത്തിൽ 5 ഒഴിവുകൾ. അഭിമുഖത്തിന്റെ അടിസ്ഥാനത്തിലായിരിക്കും തെരഞ്ഞെടുപ്പ് നടക്കുക. ഓൺലൈൻ വഴിയാണ് അപേക്ഷിക്കേണ്ടിന്നത്. 

യോഗ്യത ; എം ബി ബി എസ് ബിരുദം, അഞ്ചു വർഷത്തെ പ്രവർത്തി പരിചയം. പി ജി എന്നീ യോഗ്യതയുള്ളവർക്ക് മൂന്നു വർഷത്തെ പ്രവർത്തി പരിചയം മതി. ഈ യോഗ്യതയുള്ളവർ വേഗം അപേക്ഷിക്കൂ. അപേക്ഷകർക്ക് വേണ്ടുന്ന ഉയർന്ന പ്രായ പരിധി 35 വയസ്സ്. 31.03.2019 ന് 35 വയസ്സിൽ കൂടരുത്. എസ്. സി , എസ്. ടി വിഭാഗക്കാർക്ക് അഞ്ചും ഒ.ബി.സി.ക്കാർക്ക് മൂന്നും ഭിന്ന ശേഷിക്കാർക്ക് പത്തും വർഷം ഉയർന്ന പ്രായത്തിൽ ഇളവ് ലഭിക്കും.

ശമ്പളം; 31705 രൂപ മുതൽ 45905 രൂപ വരെ. അലവൻസുകളും ഉണ്ടാകും. അപേക്ഷ ഫീസ് 750 രൂപ. എസ്. സി , എസ്. ടി, ഭിന്ന ശേഷി വിഭാഗക്കാർക്ക് 125 രൂപയാണ് അപേക്ഷ ഫീസ്. ഡെബിറ്റ് കാർഡ് / ക്രെഡിറ്റ് കാർഡ് ഉപയോഗിച്ചോ ഇന്റർനെറ്റ് ബാങ്കിങ് വഴിയോ ഓൺലൈൻ ആയി വേണം ഫീസ് അടയ്ക്കാൻ. അപേക്ഷിക്കേണ്ടുന്ന വിധം; https://bank.sbi/careers എന്ന വെബ്സൈറ്റ് വഴി ഓൺലൈൻ ആയി വേണം അപേക്ഷിക്കാൻ. ഉദ്യോഗാർത്ഥിയുടെ ബയോഡേറ്റ.ഐ ഡി പ്രൂഫ്, ജനന തീയതി തെളിയിക്കുന്ന രേഖ, വിദ്യാഭാസ യോഗ്യത തെളിയിക്കുന്ന രേഖകൾ, മുൻപരിചയം തെളിയിക്കുന്ന രേഖ എന്നിവയുടെ പി.ഡി. എഫ് പകർപ്പുകൾ അപേക്ഷയ്‌ക്കൊപ്പം വയ്ക്കണം . ഓൺലൈൻ അപേക്ഷ നടപടികൾ പൂർത്തിയായാൽ ലഭിക്കുന്ന റെജിസ്ട്രേഷൻ നമ്പറും പാസ്സ്‌വേർഡും കുറിച്ചെടുത്തു സൂക്ഷിക്കണം . പൂരിപ്പിച്ച ഓൺലൈൻ അപേക്ഷഫോമിന്റെ പ്രിന്റ് ഔട്ടും എടുത്ത് സൂക്ഷിക്കാം. ഓൺലൈൻ ആയി അപേക്ഷിക്കേണ്ടുന്ന അവസാന തീയതി സെപ്തംബർ 19.