മുംബൈ എയർപോർട്ടിൽ 214 ഒഴിവ്
എയർ ഇന്ത്യയുടെ കീഴിലുള്ള എയർ ഇന്ത്യ എയർ ട്രാൻസ്പോർട്ട് സർവീസ് ലിമിറ്റഡ് മുംബയ് എയർപോർട്ടിൽ വിവിധ തസ്തികയിലെ ഒഴിവുകളിലേക്ക് നിയമനം നടത്തുന്നു. ആകെ 214 ഒഴിവുകളാണ് ഉള്ളത്. മൂന്ന് വര്ഷത്തെ കരാർ നിയമനമാണ്. നേരിട്ടുള്ള അഭിമുഖത്തിന്റെ അടിസ്ഥാനത്തിലാണ് നിയമനം ..സെപ്റ്റംബർ 9,13,14 തീയതികളിൽ മുംബൈയിൽ വെച്ചായിരിക്കും അഭിമുഖം. താല്പര്യമുള്ള ഉദ്യോഗാർത്ഥികൾക്ക് ഈ അവസരം പ്രയോജനപ്പെടുത്താം. വിശദ വിവരങ്ങൾ ഇങ്ങനെ
കസ്റ്റമർ ഏജന്റ് (ഒഴിവ് 100), ജൂനിയർ എക്സിക്യൂട്ടീവ്-ഹ്യൂമൻ റിസോഴ്സ്/ അഡ്മിനിസ്ട്രേഷൻ (എട്ട് ഒഴിവ്), അസിസ്റ്റന്റ് ഹ്യൂമൻ റിസോഴ്സസ്/ അഡ്മിനിസ്ട്രേഷൻ (ആറ് ഒഴിവ്), ഹാൻഡിമാൻ (100 ഒഴിവ്) എന്നിങ്ങനെയാണ് ഒഴിവുകളുള്ളത്
കസ്റ്റമർ ഏജന്റാകാൻ ബിരുദമാണ് യോഗ്യത. കംപ്യൂട്ടർ പരിജ്ഞാനമുണ്ടായിരിക്കണം. IATA യോഗ്യതയുള്ളവർക്ക് മുൻഗണനയുണ്ട്. എയർലൈൻ പ്രവൃത്തി പരിചയം അഭികാമ്യമാണ്. ഉയർന്ന പ്രായം - 28, ശമ്പളം 20,190 രൂപ.
പത്താം ക്ലാസ് വിജയവും മുംബൈ എയർപോർട്ടിൽ പ്രവൃത്തി പരിചയവും ഉള്ളവർക്ക് ഹാൻഡിമാന്റെ ഒഴിവിലേക്ക് അപേക്ഷിക്കാം. ഉയർന്ന പ്രായം-28, ശമ്പളം-16590 രൂപ.അപേക്ഷാ ഫീസ്
500 രൂപ.
Air India Air Transport Services Limited എന്ന പേരിലെടുത്ത മുംബൈയിൽ മാറാവുന്ന ഡിമാൻഡ് ഡ്രാഫ്റ്റായി ഫീസടയ്ക്കാം.
ഡിമാൻഡ് ഡ്രാഫ്റ്റിന്റെ പിന്നിൽ ഉദ്യോഗാർത്ഥിയുടെ മുഴുവൻ പേരും മൊബൈൽ നമ്പറും എഴുതണം. വിമുക്ത ഭടൻ, പട്ടിക വിഭാഗം എന്നിവർക്ക് ഫീസില്ല.
സെപ്റ്റംബർ 9,13,14 തീയതികളിൽ മുംബൈയിൽ അഭിമുഖം നടത്തും. വിശദവിവരങ്ങൾക്ക് www.airindia.in
എയർലെെൻ അലെെഡ് സർവീസിൽ 44 ഒഴിവ്
എയർ ഇന്ത്യയുടെ കീഴിലുള്ള എയർലെെൻ അലെെഡ് സർവീസസ് ലിമിറ്റഡിൽ വിവിധ തസ്തികകളിലായി 44 ഒഴിവുകളുണ്ട്. അഞ്ച് വർഷത്തേക്കാണ് നിയമനം. സെപ്റ്റംബർ 13 വരെ അപേക്ഷിക്കാം.
വിശദവിവരങ്ങൾക്ക് : www.airindia.in.
എയർപോർട്ട് അഥോറിറ്റിയിൽ മൾട്ടിടാസ്കർ
എയർപോർട്ട് അഥോറിറ്റി ഒാഫ് ഇന്ത്യയുടെ സബ്സിഡിയറിയായ എഎഐ കാർഗോ ലോജിസ്റ്റിക്സ് ആൻഡ് അലെെഡ് സർവീസസ് കമ്പനി ലിമിറ്റഡ് വിവിധ എയർപോർട്ടുകളിൽ മൾട്ടിടാസ്കർ ഒഴിവുകളിലേക്ക് നിയമനം നടത്തുന്നു. ഒന്ന്/ മൂന്ന് വർഷത്തെ കരാർ നിയമനമാണ്.
ഗോവ, ചെന്നെെ, ജയ്പുർ, കോഴിക്കോട്, ലക്നൗ, തിരുവനന്തപുരം, വാരണാസി, ശേരീനഗർ, കോൽക്കത്ത എന്നീ എയർപോർട്ടുകളിലാണ് അവസരം.
സെപ്റ്റംബർ 15 വരെ തീയതികളിൽ അതത് സ്റ്റേഷനുകളിൽ ഇന്റർവ്യൂ നടത്തും. തിരുവനന്തപുരത്ത് സെപ്റ്റബർ എട്ടിനാണ് ഇന്റർവ്യൂ.
വിശദവിവരങ്ങൾക്ക്: www.airindia.in.
https://www.facebook.com/Malayalivartha