തൃശൂരിലെ സ്റ്റീൽ ഇൻഡസ്ട്രിയൽസ് കേരള ലിമിറ്റഡിൽ (SILK) വിവിധ തസ്തികകളിൽ 90 ഒഴിവുകൾ. ഈ ഒഴിവുകളിലേക്ക്‌ നിയമനം നടത്തുകയാണ്. സെപ്റ്റംബര്‍ 25 വരെ അപേക്ഷിക്കാവുന്നതാണ്. അപേക്ഷിക്കേണ്ടുന്ന തസ്തിക, അപേക്ഷിക്കുന്നവരുടെ യോഗ്യത, പ്രായപരിധി, ശമ്പളം എന്നിവയുടെ പൂർണമായ വിവരം.

സീനിയർ മാനേജർ-ടെക്നിക്കൽ തസ്‌തികയിലേക്ക് മൂന്നൊഴിവുകൾ ഉണ്ട്. ബിടെക് നേവൽ ആർക്കിടെക്ട്/മെക്കാനിക്കൽ അല്ലെങ്കിൽ ബിടെക് മെക്കാനിക്കൽ, ഫൗൺട്രി/ഫാബ്രിക്കേഷൻ/ഇൻഡസ്ട്രിയൽ പ്രവൃത്തിപരിചയം ഉള്ളവർക്ക് അപേക്ഷിക്കാം. 15 വർഷത്തെ യോഗ്യതാനന്തര പ്രവൃത്തിപരിചയം ആവശ്യമാണ്. 48 വയസ് വരെയുള്ളവർക്ക് അപേക്ഷിക്കാവുന്നതാണ്. ശമ്പളം 16650-23200 രൂപ. മാനേജർ-ടെക്നിക്കൽ തസ്‌തികയിൽ ഒരൊഴിവ് ഉണ്ട്. ബിടെക് മെക്കാനിക്കൽ, 12 വർഷത്തെ യോഗ്യതാനന്തര പ്രവൃത്തിപരിചയം ഉള്ളവർക്ക് അപേക്ഷിക്കാം. 45 വയസ് വയസ് വരെയുള്ളവർക്ക് അപേക്ഷിക്കാവുന്നതാണ്.ശമ്പളം 13610-20700 രൂപ.

മാനേജർ- എച്ച്ആർഡി ഒരൊഴിവുണ്ട്. എംഎസ്ഡബ്ല്യു (പിഎം ആൻഡ് ഐആർ)/എംബിഎ (എച്ച്ആർ)/എംഎച്ച്ആർഎം, 12 വർഷത്തെ യോഗ്യതാനന്തര പ്രവൃത്തിപരിചയം എന്നിവയാണ് യോഗ്യത . അപേക്ഷകരുടെ ഉയർന്ന പ്രായപരിധി 45 വയസ്. ശമ്പളം 13610-20700 രൂപ.മാനേജർ-ഫിനാൻസിൽ ഒരൊഴിവ് ഉണ്ട്. എസിഎ/സിഎംഎ, 12 വർഷത്തെ യോഗ്യതാനന്തര പ്രവൃത്തിപരിചയം ഉള്ളവർക്ക് അപേക്ഷിക്കാം. 45 വയസ് വരെയുള്ളവർക്ക് അപേക്ഷിക്കാം. ശമ്പളം 13610-20700 രൂപ.

ഡപ്യൂട്ടി മാനേജർ- സിവിൽ/ ഇലക്ട്രിക്കൽ/ഇലക്ടോണിക്സ് മൂന്നൊഴിവുകൾ ഉണ്ട്. ബിടെക് സിവിൽ/ഇലക്ട്രിക്കൽ/ഇലക്ടോണിക്സ്, 10 വർഷത്തെ യോഗ്യതാനന്തര പ്രവൃത്തിപരിചയം യോഗ്യതയായി കണക്കാക്കും .അപേക്ഷകരുടെ ഉയർന്ന പ്രായപരിധി 45 വയസ്. ശമ്പളം 11910-19350 രൂപ.അസിസ്റ്റന്റ് മാനേജർ-ഫിനാൻസിൽ ഒരൊഴിവ്. എംകോം/എംബിഎ ഫിനാൻസ്/സിഎംഎ, എട്ട് വർഷത്തെ യോഗ്യതാനന്തര പ്രവൃത്തിപരിചയം എന്നിവയാണ് യോഗ്യത. അപേക്ഷകരുടെ ഉയർന്ന പ്രായപരിധി 42 വയസ്. ശമ്പളം 10790-18000 രൂപ.

അസിസ്റ്റന്റ് മാനേജർ- എച്ച്ആർഡിയിൽ ഒരൊഴിവ് ഉണ്ട് എംബിഎ (എച്ച്ആർ)/എംഎസ്ഡബ്ല്യു (പിഎം ആൻഡ് ഐആർ)/എംഎച്ച്ആർഎം, എട്ട് വർഷത്തെ യോഗ്യതാനന്തര പ്രവൃത്തിപരിചയം, 42 വയസ് വരെയുള്ളവർക്ക് അപേക്ഷിക്കാം. ശമ്പളം 10790-18000 രൂപ.അസിസ്റ്റന്റ് മാനേജർ-ടെക്നിക്കൽ അഞ്ചൊഴിവുകൾ ഉണ്ട്. മെക്കാനിക്കൽ/ഇലക്ട്രിക്കൽ/സിവിൽ/മെറ്റലർജിയിൽ ബിടെക്/ഡിപ്ലോമ, എന്നിവ യോഗ്യത. ബിടെക് യോഗ്യതക്കാർക്ക് എട്ട് വർഷം പ്രവൃത്തിപരിചയം ആവശ്യമാണ്. ഡിപ്ലോമ യോഗ്യതക്കാർക്ക് 12 വർഷം പ്രവൃത്തിപരിചയവും ഉണ്ടായിരിക്കണം. 42 വയസ് വരെയുള്ളവർക്ക് അപേക്ഷിക്കാം. ശമ്പളം 10790-18000 രൂപ.

എൻജിനീയർ തസ്തികയിൽ അഞ്ചൊഴിവുകൾ. ബിടെക് നേവൽ ആർക്കിടെക്ട് അല്ലെങ്കിൽ മെക്കാനിക്കൽ/സിവിൽ/ഇലക്ട്രോണിക്സിൽ ബിടെക്/ഡിപ്ലോമ, ബിടെക് യോഗ്യതക്കാർക്ക് രണ്ട് വർഷം പ്രവൃത്തിപരിചയവും ഡിപ്ലോമ യോഗ്യതക്കാർക്ക് അഞ്ച് വർഷം പ്രവൃത്തിപരിചയവും ഉണ്ടായിരിക്കണം. 38 വയസാണ് ഉയർന്ന പ്രായ പരിധി . ശമ്പളം 9590-14650 രൂപ.സ്കിൽഡ് വർക്മെൻ- ജി7 തസ്തികയിൽ 49 ഒഴിവുകൾ. വെൽഡർ/ഫിറ്റർ/ഇലക്ട്രീഷ്യൻ/മോൾഡർ/കാർപെന്റർ/ഡ്രാഫ്റ്റ്സ്മാൻ സിവിൽ/മെഷിനിസ്റ്റ്/ടർണർ/ഡ്രാഫ്റ്റ്സ്മാൻ മെക്കാനിക്കൽ/ഷീറ്റ് മെറ്റൽ വർക്കർ/ഇലക്ട്രോണിക്സിൽ ഐടിഐ/സിവിൽ ട്രേഡിൽ ഐടിഐ/കെജിസിഇ, രണ്ട് വർഷത്തെ പ്രവൃത്തിപരിചയം ആവശ്യമാണ്. ഉയർന്ന പ്രായ പരിധി 38 വയസ്ശമ്പളം 12625-16400 രൂപ. സ്കിൽഡ് വർക്മെൻ- (ജി7) ഒാഫിസ് അസിസ്റ്റന്റ് അഞ്ചൊഴിവുകൾ ഉണ്ട്. വിഎച്ച്എസ്‌സി/പ്ലസ്ടു, രണ്ട് വർഷത്തെ പ്രവൃത്തിപരിചയം യോഗ്യതയായി കണക്കാക്കും. ഉയർന്ന പ്രായപരിധി 38 വയസ്. ശമ്പളം 12625-16400 രൂപ.അൺസ്കിൽഡ് വർക്മെൻ- (ജി8) ഹെൽപ്പർ/അറ്റൻഡർ 15 ഒഴിവുകൾ.യോഗ്യത എട്ടാംക്ലാസ്. ഉയർന്ന പ്രായപരിധി 41 വയസ്സ് . ശമ്പളം 12000-15250 രൂപ.

അപേക്ഷിക്കേണ്ടുന്ന വിധം: വെബ്സൈറ്റിൽ നിന്നും ഡൗൺലോഡ് ചെയ്ത അപേക്ഷയോടൊപ്പം ബന്ധപ്പെട്ട രേഖകൾ സഹിതം സെപ്റ്റംബർ 25 വരെ ഇമെയിൽ അല്ലെങ്കിൽ /സ്പീഡ് പോസ്റ്റ് മുഖേന അപേക്ഷിക്കാംവുന്നതാണ്.
വിലാസം: The Managing Director, Steel Industrials Kerala Ltd, Athani P.O., Thrissur-680581, Kerala.
ഇമെയിൽ: silkrecruitment19@gmail.com
കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക : www.steelindustrials.net