ആര്‍മി വെല്‍ഫയര്‍ എഡ്യുക്കേഷന്‍ സൊസൈറ്റിക്ക് കീഴിലുള്ള ആര്‍മി പബ്ലിക് സ്കൂളുകളില്‍ അധ്യാപക തസ്തികയിലേക്ക് ഒഴിവുകൾ. സെപ്തംബര്‍ 21 വരെ അപേക്ഷിക്കാവുന്നതാണ്. വിവിധ കന്റോണ്‍മെന്റിനും മിലറ്ററി സ്റ്റേഷനും കീഴിലുള്ള 137 സ്കൂളുകളിലാണ് ഒഴിവുകൾ. പിജിടി/ ടിജിടി/ പിആര്‍ടി വിഭാഗങ്ങളിൽ അപേക്ഷിക്കാം. പിജിടിയിലേക്ക് അപേക്ഷിക്കുന്നവർക്ക് വേണ്ടുന്ന യോഗ്യത 50 ശതമാനം മാര്‍ക്കോടെ ബിരുദാനന്തര ബിരുദവും ബിഎഡും ഉണ്ടായിരിക്കണം. ടിജിടിയിലേക്ക് അപേക്ഷിക്കുന്നവർക്കും 50 ശതമാനം മാര്‍ക്കോടെ ബിരുദവും ബിഎഡും ഉണ്ടായിരിക്കണം. പിആര്‍ടിയിലേക്ക് അപേക്ഷിക്കുന്നവർ 50 ശതമാനം മാര്‍ക്കോടെ ബിരുദവും ബിഎഡ്/ദ്വിവത്സര ഡിപ്ലോമയും നേടിയവരായിരിക്കണം.

ഇന്റര്‍വ്യു, ഓണ്‍ലൈന്‍ സ്ക്രീനിങ് പരീക്ഷ, ഇവാല്യുവേഷന്‍ ഓഫ് ടീച്ചിങ് സ്കില്‍സ് ആന്‍ഡ് കംപ്യൂട്ടര്‍ പ്രൊഫിഷന്‍സി എന്നിവയുടെ അടിസ്ഥാനത്തിലാണ് തെരഞ്ഞെടുക്കുക. ഭാഷാ അധ്യാപകര്‍ക്ക് ഉപന്യാസം, സംഗ്രഹിക്കല്‍ എന്നിവ ചെയ്യണം. ആവശ്യമായ തസ്തികകളില്‍ കംപ്യൂട്ടര്‍ പ്രൊഫിഷ്യന്‍സി ടെസ്റ്റും നടത്തും. സ്ക്രീനിങ് ടെസ്റ്റിന് സി ടെറ്റ്/ടെറ്റ് നിര്‍ബന്ധമല്ല. എന്നാല്‍ ടിജിടി/പിആര്‍ടി നിയമനത്തിന് സി ടെറ്റ്/ ടെറ്റ് നിർബന്ധമാണ് . പ്രായ പരിധി തുടക്കക്കാര്‍ക്ക്40 വയസ്സ്. പ്രവൃത്തിപരിചയമുള്ളവര്‍ക്ക് 57 വയസ്സ്. പരീക്ഷ നടക്കുന്നത് ഒക്ടോബര്‍ 19, 20 തിയതികളിലാണ് . തിരുവനന്തപുരത്തും പരീക്ഷാകേന്ദ്രമുണ്ട്. വിശദവിവരത്തിന് http://apscsb.in അല്ലെങ്കില്‍ www.awesindia.com എന്ന വെബ്സൈറ്റ് സന്ദർശിക്കുക.