കാലടി ശ്രീ ശങ്കരാചാര്യ സംസ്കൃത സര്വകലാശാലയില് 55 അധ്യാപക ഒഴിവുകൾ ; സെപ്തംബർ 28 വരെ അപേക്ഷിക്കാം
കാലടി ശ്രീ ശങ്കരാചാര്യ സംസ്കൃത സര്വകലാശാലയില് 55 അധ്യാപക ഒഴിവിലേക്ക് അപേക്ഷിക്കാം. പ്രൊഫസര് തസ്തികയിൽ ആറ് ഒഴിവുകളാണുള്ളത്. അസോസിയേറ്റ് പ്രൊഫസര്-7 ഒഴിവുകൾ. അസിസ്റ്റന്റ് പ്രൊഫസര്-42 ഒഴിവുകൾ. ഇതില് 12 ഒഴിവുകള് എന്സിഎ വിജ്ഞാപനത്തിന്റെ അടിസ്ഥാനത്തിലാണ്. ഇംഗ്ലീഷ്, മലയാളം, സംസ്കൃത സാഹിത്യം, ചരിത്രം, സംസ്കൃത വേദാന്തം, സംസ്കൃത വ്യാകരണം, സംസ്കൃതം ജനറല്, ഉര്ദു, സൈക്കോളജി, മ്യൂസിക്, ഹിന്ദി, സോഷ്യോളജി, ശില്പകല, ഫിലോസഫി, വാസ്തുവിദ്യ, ഭരതനാട്യം തുടങ്ങിയ വിഷയങ്ങളിലാണ് ഒഴിവുകൾ ഉള്ളത്. ഫിലോസഫിയില് ലീവ് വേക്കന്സിയാണ്.
പ്രൊഫസര് തസ്തികയ്ക്ക് ലഭിക്കുന്ന ശമ്പളം 37,400 രൂപ മുതല് 67,000 രൂപ വരെ. ഗ്രേഡ് പേ 10,000 രൂപ. അസോസിയേറ്റ് പ്രൊഫസര് തസ്തികയില് 37,400 രൂപ മുതല് 67,000 രൂപ വരെ ശമ്പളം കിട്ടുന്നു. ഗ്രേഡ് പേ 9,000 രൂപ. അസി.പ്രൊഫസര് തസ്തികയിൽ 15,600-39,100 രൂപയാണ് ശമ്പളം കിട്ടുക. ഗ്രേഡ് പേ 6,000 രൂപയാണ് ശമ്പളം . യുജിസി നിബന്ധനകള്ക്കനുസൃതമായ യോഗ്യതകൽ അപേക്ഷകർക്ക് ഉണ്ടായിരിക്കണം. പ്രൊഫസര് തസ്തികയിലേക്ക് അപേക്ഷിക്കുന്നവർക്ക് 2019 ജനുവരി ഒന്നിന് 50 വയസ്സ് ഉണ്ടായിരിക്കണം. അസിസ്റ്റന്റ് പ്രൊഫസര് തസ്തികയിലേക്ക് അപേക്ഷിക്കുന്നവർക്ക് 40 വയസ്സ് . അസോസിയേറ്റ് പ്രൊഫസര് തസ്തികയിലേക്ക് പ്രായ പരിധിയില്ല. എസ്.സി, എസ്.ടി, ഒബിസി, ഭിന്നശേഷി വിഭാഗക്കാര്ക്ക് നിയമപ്രകാരമുള്ള വയസ്സിളവ് അനുവദിക്കുന്നതാണ്.
പ്രൊഫസര് ജനറല് വിഭാഗത്തിന് 4000 രൂപയാണ് അപേക്ഷാ ഫീസ് അടക്കേണ്ടുന്നത്. എസ് സി, എസ് ടി വിഭാഗത്തിന് 1000 രൂപയാണ് ഫീസ് അടക്കേണ്ടുന്നത്. അസോസിയേറ്റ് പ്രൊഫസര് ജനറല് വിഭാഗത്തിന് 3000 രൂപയും എസ് സി, എസ് ടി വിഭാഗത്തിന് 750 രൂപയുമാണ് അപേക്ഷ ഫീസായി അടയ്ക്കേണ്ടുന്നത്. അസിസ്റ്റന്റ് പ്രൊഫസര് ജനറല് വിഭാഗത്തിന് 2000 രൂപയും എസ് സി, എസ് ടി, ഭിന്നശേഷി വിഭാഗക്കാര്ക്ക് 500 രൂപയാണ് ഫീസ്. എന്ഇഎഫ്ടി വഴിയോ ആര്ടിജിഎസ് വഴിയോ ഫീസ് അടയ്ക്കുക. അപേക്ഷിക്കാനും കൂടുതൽ വിവരങ്ങൾക്കുമായി www.ssus.ac.in എന്ന വെബ്സൈറ്റ് സന്ദർശിക്കുക. സെപ്തംബർ 28 വരെ അപേക്ഷിക്കാം.
https://www.facebook.com/Malayalivartha