യൂണിയന്‍ പബ്ലിക് സര്‍വീസ് കമ്മീഷന്‍ നടത്തുന്ന കംബൈന്‍ഡ് ജിയോ-സയന്റിസ്റ്റ് പരീക്ഷയ്ക്ക് അപേക്ഷിച്ച് തുടങ്ങാം. അപേക്ഷകള്‍ സ്വീകരിക്കുന്ന അവസാന തീയതി ഒക്ടോബര്‍ 15. 2020 ജനുവരി 19നാണ് പ്രിലിമിനറി പരീക്ഷ നടക്കുന്നത്. ജിയോളജിസ്റ്റ്, ജിയോഫിസിസിസ്റ്റ്, കെമിസ്റ്റ് എന്നീ ഗ്രൂപ്പ് എ തസ്തികകളിലായിട്ടാണ് ഒഴിവുകളുള്ളത്. അപേക്ഷകരുടെ പ്രായം: 21നും 32നും ഇടയില്‍ പ്രായമുള്ളവരായിരിക്കണം. ചില തസ്തികകളില്‍ അപേക്ഷിക്കുന്നവർക്ക് ഉയര്‍ന്ന പ്രായപരിധിയില്‍ വ്യത്യാസമുണ്ട്. 2020 ജനുവരി ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത് . സംവരണ വിഭാഗങ്ങള്‍ക്ക് ചട്ടപ്രകാരമുള്ള ഇളവുകള്‍ അനുവദിക്കുന്നതാണ് . വിശദവിവരങ്ങള്‍ക്കായി വെബ്സൈറ്റ് സന്ദർശിക്കുക . വെബ്സൈറ്റ് www.upsc.gov.in. ഈ വെബ്‌സൈറ്റില്‍ പ്രസിദ്ധീകരിച്ചിട്ടുള്ള വിജ്ഞാപനത്തില്‍ കൂടുതൽ വിവരങ്ങൾ കൊടുത്തിട്ടുണ്ട്. പ്രിലിമിനറി, മെയിന്‍ പരീക്ഷകള്‍, അഭിമുഖം എന്നിവയുടെ അടിസ്ഥാനത്തിലാണ് തിരഞ്ഞെടുപ്പ് നടക്കുക. യോഗ്യരായ ഉദ്യോഗാര്‍ഥികളെയാണ് തിരഞ്ഞെടുക്കുന്നത്. പ്രാഥമിക പരീക്ഷയ്ക്ക് യോഗ്യത നേടിയെടുക്കുന്നവര്‍ക്ക് മാത്രമേ മെയിന്‍ പരീക്ഷ എഴുതാന്‍ യോഗ്യത ഉണ്ടാകുകയുള്ളൂ. ജൂണ്‍ 27, 28 തീയതികളിലായിരിക്കും മെയിന്‍ പരീക്ഷ നടക്കുക.

അപേക്ഷിക്കുന്നവർ ഈ വെബ്സൈറ്റ് വഴി അപേക്ഷ സമർപ്പിക്കുക. www.upsconline.nic.in എന്ന വെബ്‌സൈറ്റിലൂടെ ഓണ്‍ലൈനായി അപേക്ഷിക്കണം. പരീക്ഷയ്ക്ക് ഹാജരാകാന്‍ ആഗ്രഹിക്കുന്നില്ലെങ്കില്‍ ഉദ്യോഗാര്‍ഥികള്‍ക്ക് പിന്നീട് അപേക്ഷ പിന്‍വലിക്കാവുന്നതാണ്. ഒക്ടോബര്‍ 22 മുതല്‍ 28 വരെ ഇതിനുള്ള സൗകര്യം വെബ്‌സൈറ്റില്‍ ലഭ്യമായിരിക്കും. അപേക്ഷ ഫീസ്: 200 രൂപയാണ്. വനിതകള്‍, എസ്.സി., എസ്.ടി., ഭിന്നശേഷി വിഭാഗങ്ങളില്‍പ്പെടുന്ന അപേക്ഷകര്‍ ഫീസ് അടയ്‌ക്കേണ്ട ആവശ്യമില്ല.ഓരോ തസ്തികയ്ക്കും ആവശ്യമായ യോഗ്യതയുള്‍പ്പെടെ വിശദ വിവരങ്ങള്‍ അറിയാന്‍ വിജ്ഞാപനം കാണുക.