കേരള വനഗവേഷണ സ്ഥാപനത്തില്‍ ഒരു വര്‍ഷത്തെ സമയബന്ധിത ഗവേഷണ പദ്ധതിയായ ഡിസൈന്‍ & കോണ്‍ഡാക്റ്റ് ഓഫ് ഫോറസ്ട്രി ട്രെയിനിംഗ് പ്രോഗ്രാംസില്‍ നിയമനം. പ്രൊജക്‌ട് അസിസ്റ്റന്റിന്റെ താല്‍ക്കാലിക ഒഴിവിലേക്കാണ് നിയമനം നടത്തുന്നത്. ലൈഫ് സയന്‍സ്, എന്‍വയോണ്‍മെന്റല്‍ സയന്‍സ്, ഫോറസ്ട്രി ഇവയില്‍ ഏതെങ്കിലും വിഷയത്തിലുളള ഒന്നാം ക്ലാസ് ബിരുദമാണ് യോഗ്യതയായി കണക്കാക്കുന്നത്.

കമ്ബ്യൂട്ടര്‍ പരിജ്ഞാനം, മലയാളം, ഹിന്ദി, ഇംഗ്ലീഷ് ഭാഷകളിലെ ആശയവിനിമയ കഴിവ് ആവശ്യമാണ്. താല്പര്യമുളള ഉദ്യോഗാഥികള്‍ 16ന് രാവിലെ പത്തിന് അഭിമുഖത്തിന് പങ്കെടുക്കുക. കേരള വനഗവേഷണ സ്ഥാപനത്തിന്റെ തൃശ്ശൂര്‍ പീച്ചിയിലെ ഓഫീസില്‍ വച്ചാണ് അഭിമുഖം. വിശദവിവരങ്ങള്‍ക്ക്: www.kfri.res.in എന്ന വെബ്സൈറ്റ് സന്ദർശിക്കുക.