കേരള ലീഗല് സര്വീസസ് സ്ഥാപനങ്ങളിൽ ഒഴിവുകൾ; വേഗം അപേക്ഷിക്കൂ
കേരള ലീഗല് സര്വീസസ് സ്ഥാപനങ്ങളിലെ വിവിധ തസ്തികകളില് ഡെപ്യൂട്ടേഷന് അപേക്ഷകൾ ക്ഷണിച്ചിരിക്കുന്നു. ലീഗല് സര്വീസസ് അതോറിറ്റിയുടെ എറണാകുളത്തുള്ള ആസ്ഥാനത്ത് അസിസ്റ്റന്റ്, ഡ്രൈവര് തസ്തികകളിലായി ഓരോ ഒഴിവുകൾ വീതമുണ്ട്. തിരുവനന്തപുരം, കോട്ടയം, തൊടുപുഴ, പാലക്കാട്, വയനാട്, കണ്ണൂര് എന്നീ ജില്ലാ ഓഫീസുകളില് സെക്ഷന് ഓഫീസര് ഒഴിവുകൾ ഉണ്ട്. പത്തനംതിട്ട, കോട്ടയം, തൊടുപുഴ, കാസര്കോട് ജില്ലാ ഓഫീസുകളില് ക്ലാര്ക്ക് കം ടൈപ്പിസ്റ്റ് തസ്തികയിലേക്കും അപേക്ഷിക്കാവുന്നതാണ്.
താലൂക്ക് ലീഗല് സര്വീസ് കമ്മിറ്റിയുടെ (തിരുവനന്തപുരം, ചിറയിന്കീഴ്, പത്തനാപുരം, അമ്ബലപ്പുഴ, കുട്ടനാട്, മീനച്ചില്, തൊടുപുഴ, ഉടമ്ബന്ചോല, നോര്ത്ത് പറവൂര്, ആലത്തൂര്, തലശ്ശേരി, വൈത്തിരി, കാസര്കോട്, വടകര) ഓഫീസുകളില് സെക്രട്ടറി തസ്തികയിൽ ഒഴിവുണ്ട്. ക്ലാര്ക്ക് കം ടൈപ്പിസ്റ്റ് (ചിറയിന്കീഴ്, പത്തനാപുരം, കരുനാഗപ്പള്ളി, തിരുവല്ല, അടൂര്, മാവേലിക്കര, കാര്ത്തികപ്പള്ളി, ആലുവ, മൂവാറ്റുപുഴ, കോതമംഗലം, കുന്നത്തുനാട്, തൃശൂര്, മുകുന്ദപുരം, കോടുങ്ങല്ലൂര്, ഒറ്റപ്പാലം, മണ്ണാര്ക്കാട്, തലശ്ശേരി, തളിപ്പറമ്ബ, ആലത്തൂര്, ഏറനാട്, തിരൂരങ്ങാടി) തസ്തികയിലും ഒഴിവുകൾ ഉണ്ട്.
ഹൈക്കോടതി എ.ഡി.ആര്. സെന്ററില് അസിസ്റ്റന്റ്, ഡ്രൈവര് തസ്തികകളില് ഓരോ ഒഴിവു വീതമാണുള്ളത്. ജില്ലാതല എ.ഡി.ആര് സെന്ററുകളില് ക്ലാര്ക്ക് തസ്തികയിലും (പത്തനംതിട്ട, തൊടുപുഴ, പാലക്കാട്, മലപ്പുറം, വയനാട്) ഓഫീസ് അറ്റന്ഡന്റ് തസ്തികയിലും (പത്തനംതിട്ട, തൃശൂര്, പാലക്കാട്, കാസര്കോട്) അപേക്ഷകൾ ക്ഷണിച്ചിരിക്കുന്നു. സ്ഥിരം ലോക് അദാലത്തിന്റെ കോഴിക്കോട് ഓഫീസില് ക്ലറിക്കല് അസിസ്റ്റന്റ്, എറണാകുളത്ത് കോണ്ഫിഡന്ഷ്യല് അസിസ്റ്റന്റ്, തിരുവനന്തപുരത്ത് ഓഫീസ് അറ്റന്ഡന്റ് തസ്തികകളില് ഓരോ ഒഴിവുകള് വീതമാണുള്ളത്. അപേക്ഷകര് ബയോഡേറ്റയും മേലധികാരിയില് നിന്നുള്ള സമ്മതപത്രവും ഉള്പ്പെടെ നവംബര് എട്ടിനുള്ളില് എറണാകുളം ഹൈക്കോടതി വളപ്പിലെ സംസ്ഥാന ലീഗല് സര്വീസസ് അതോറിറ്റി ഓഫീസില് ലഭ്യമാക്കണം. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക www.kelsa.nic.in.
https://www.facebook.com/Malayalivartha
