ഐ.ടി. മേഖലയില് നിന്നും വിട്ടു നിന്ന യുവതികൾക്ക് ജോലിയിലേക്ക് തിരിച്ച് വരാം; ബാക്ക്-ടു-വര്ക്ക്' എന്ന പദ്ധതിയുമായി കേരള സര്ക്കാർ
ഐ.ടി. മേഖലയില് ജോലി ചെയ്യുന്ന വനിതകൾ പല കാരണത്താൽ ജോലിയിൽ നിന്നും വിട്ടുനില്ക്കേണ്ടി വരും. ഇങ്ങനെ വിട്ടു നിൻ വനിതകളുടെ തൊഴില് വീണ്ടെടുക്കുക എന്ന ലക്ഷ്യത്തെ മുൻനിർത്തി കേരള സര്ക്കാരിന്റെ സ്വതന്ത്ര സോഫ്റ്റ്വേര് സ്ഥാപനമായ ഐസിഫോസ് (ഇന്റര്നാഷണല് സെന്റര് ഫോര് ഫ്രീ ആന്ഡ് ഓപ്പണ് സോഴ്സ് സോഫ്റ്റ്വേര്) വിവിധ സ്വതന്ത്ര സോഫ്റ്റ്വേര് മേഖലകളില് പരിശീലനം സംഘടിപ്പിക്കുന്നു. 'ബാക്ക്-ടു-വര്ക്ക്' എന്ന പദ്ധതിയിലൂടെ വിവാഹം, മാതൃത്വം, പ്രാദേശിക പരിമിതികള്, കുടുംബപരമായ ഉത്തരവാദിത്വങ്ങള് എന്നിവ കാരണം ജോലിയില് നിന്നും വിട്ടു നിൽക്കേണ്ടി വന്ന പ്രതിഭാശാലികളായ വനിതകളുടെ ശാക്തീകരണമാണ് ലക്ഷ്യമിടുന്നത്.
ആന്ഡ്രോയ്ഡ് അടിസ്ഥാനത്തിൽ 'ബാക്ക്-ടു-വര്ക്കി'ന്റെ രണ്ടാം ബാച്ചിന്റെ പരിശീലനം നവംബര് 18-ന് ആരംഭിക്കും. കാര്യവട്ടത്തെ സ്പോര്ട്സ് ഹബ്ബിലെ ഐസിഫോസ് പരിശീലനകേന്ദ്രത്തില് വച്ചാണ് തുടങ്ങുന്നത്. വിവിധ സ്വതന്ത്ര സോഫ്റ്റ്വേര് മേഖലകളിലൂടെ വനിതകള്ക്ക് തങ്ങളുടെ കരിയറിലേക്ക് ചുവടുവെക്കുന്നതിനുള്ള അവസരമാണ് ഈ സംരംഭത്തിലൂടെ ഐസിഫോസ് നൽകുന്നത്. രജിസ്ട്രേഷന്നായി ഈ ലിങ്ക് സന്ദർശിക്കുക. https://icfoss.in/event/back-to-work-for-women അപേക്ഷിക്കേണ്ടുന്ന അവസാന തീയതി: നവംബര് 11 ആണ്. കൂടുതൽ വിവരങ്ങള്ക്ക് വിളിക്കുക 7356610110
https://www.facebook.com/Malayalivartha