ഇന്ത്യന്‍ ആര്‍മിയുടെ 130-ാമത് ടെക്നിക്കല്‍ ഗ്രാജ്വേറ്റ് കോഴ്സിലേക്ക് (ടി.ജി.സി.-130) അപേക്ഷകൾ ക്ഷണിച്ചു തുടങ്ങി. വിവിധ ട്രേഡുകളിലെ എന്‍ജിനീയറിങ് ബിരുദധാരികളായ പുരുഷന്‍മാര്‍ക്കാണ് അവസരമുള്ളത്. മെക്കാനിക്കല്‍, ഇലക്ട്രിക്കല്‍/ഇലക്ട്രിക്കല്‍ ആന്‍ഡ് ഇലക്ട്രോണിക്‌സ്, സിവില്‍, ആര്‍ക്കിടെക്ചര്‍, കംപ്യൂട്ടര്‍ സയന്‍സ് ആന്‍ഡ് എന്‍ജിനീയറിങ്/കംപ്യൂട്ടര്‍ ടെക്നോളജി/ഇന്‍ഫോടെക് അല്ലെങ്കില്‍ എം.എസ്സി. കംപ്യൂട്ടര്‍ സയന്‍സ്, ഇലക്ട്രോണിക്‌സ് ആന്‍ഡ് ടെലികമ്യൂണിക്കേഷന്‍ എന്‍ജിനീയറിങ്, ഇലക്ട്രോണിക്‌സ്, സാറ്റലൈറ്റ് കമ്യൂണിക്കേഷന്‍, മെറ്റലര്‍ജിക്കല്‍, ഇലക്ട്രോണിക്‌സ് ആന്‍ഡ് ഇന്‍സ്ട്രുമേന്റഷന്‍, മൈക്രോ ഇലക്ട്രോണിക്‌സ് ആന്‍ഡ് മൈക്രോവേവ് സ്ട്രീമുകളിലായി ഒഴിവുകളുണ്ട്. അങ്ങനെ ആകെ 40 ഒഴിവുകൾ ആണുള്ളത്.

അപേക്ഷകർക്ക് വേണ്ടുന്ന യോഗ്യത ഏത് ട്രേഡിലേക്കാണോ അപേക്ഷിക്കുന്നത് ആ ട്രേഡിൽ എന്‍ജിനീയറിങ് ബിരുദം നേടിയിരിക്കണം. ശ്രദ്ധിക്കുക എന്‍ജിനീയറിങ് അവസാന വര്‍ഷക്കാര്‍ക്കും അപേക്ഷിക്കാൻ കഴിയും. അങ്ങനെ അപേക്ഷിക്കുന്നവർ 2020 ജനുവരി ഒന്നിന് മുമ്പേ എന്‍ജിനീയറിങ് ഡിഗ്രി നേടിയവർ ആയിരിക്കണം. അപേക്ഷകരുടെ പ്രായം . 01.07.2020-ന് 20-27 വയസിന് ഇടയിൽ ആയിരിക്കണം . അപേക്ഷകര്‍ 1993 ജൂലായ് രണ്ടിനും 2000 ജൂലായ് ഒന്നിനും ഇടയില്‍ ജനിച്ചവരായിരിക്കണം(രണ്ട് തീയതികളും ഉള്‍പ്പെടെ). അപേക്ഷകരുടെ ശാരീരിക യോഗ്യത ഇങ്ങനെയാണ് ഉയരം 157.5 ഭാരം, നെഞ്ചളവ് എന്നിവ ആനുപാതികം. കാഴ്ച Better Eye 6/6, Worse Eye 6/18 ആയിരിക്കണം . ശാരീരികയോഗ്യതാ പരീക്ഷയുണ്ടാകും. അത് 15 മിനിറ്റില്‍ 2.4 കി.മീ. ഓട്ടം, പുഷ് അപ് 13, സിറ്റ് അപ് 25, ചിന്‍അപ് 6, റോപ്ക്ലൈമ്പിങ് 3.4 മീറ്റര്‍ എന്നിങ്ങനെയായിരിക്കും . പ്രാഥമികഘട്ട സ്‌ക്രീനിങ്ങിനുശേഷം എസ്.എസ്.ബി. ഇന്റര്‍വ്യൂ, ഗ്രൂപ്പ്ടെസ്റ്റ്, സൈക്കോളജിക്കല്‍ ടെസ്റ്റ്, മെഡിക്കല്‍ ടെസ്റ്റ് എന്നിവയുണ്ടാകും തിരഞ്ഞെടുപ്പ് നടക്കുന്നത് ഇതിന്റെ അടിസ്ഥാനത്തിൽ ആയിരിക്കും.

www.joinindianarmy.nic.in-ലൂടെ ഓണ്‍ലൈനായിട്ട് വേണം അപേക്ഷിക്കേണ്ടത്. ഓണ്‍ലൈന്‍ അപേക്ഷ പൂര്‍ത്തിയാക്കിയാല്‍ ഉദ്യോഗാര്‍ഥികള്‍ അപേക്ഷയുടെ രണ്ട് പ്രിന്റൗട്ട് (റോള്‍ നമ്പര്‍ ഉള്‍പ്പെടെ എടുക്കുക. ഒരു പ്രിന്റൗട്ടില്‍ ഫോട്ടോ പതിച്ച് ഗസറ്റഡ് ഓഫീസറെക്കൊണ്ട് സാക്ഷ്യപ്പെടുത്തി യോഗ്യത (10, 12, BE/BTech Marksheeets), ജാതി/വിഭാഗം എന്നിവ തെളിയിക്കുന്ന രേഖകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം റിക്രൂട്ട്മെന്റ് സമയത്ത് ഹാജരാക്കണം. രണ്ടാമത് കോപ്പി ഉദ്യോഗാര്‍ഥിയുടെ പക്കല്‍ സൂക്ഷിക്കാനുള്ളതാണ്. അപേക്ഷയുടെ പ്രിന്റൗട്ടോ മറ്റേതെങ്കിലും രേഖകളോ തപാലില്‍ അയയ്‌ക്കേണ്ടതില്ല. ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി: നവംബര്‍ 14 ആണ് .അപ്പോൾ വേഗത്തിൽ അപേക്ഷിക്കൂ.