ലാസ്റ്റ് ഗ്രേഡ് നിയമനത്തിന് 45 ,000 ത്തോളം പേരുടെ സാധ്യതാപട്ടിക പ്രസിദ്ധികരിക്കാന്‍ പി എസ് സി തീരുമാനിച്ചു .14 ജില്ലകളുടെ മുഖ്യപട്ടികയില്‍ 22 ,500 പേരെ ഉള്‍പ്പെടുത്തും . കൂടാതെ ഉപപട്ടികയും ഉള്‍പ്പെടുത്തും . രണ്ടിലും കൂടി 45 ,000 പേരുണ്ടാകും. മേയില്‍ രേഖാപരിശോധന പൂര്‍ത്തിയാക്കി ജൂണില്‍ പ്രസിദ്ധികരിക്കും.14 ജില്ലകളിലായി രണ്ടര ലക്ഷം പേരാണ് പരീക്ഷ എഴുതിയത് .രണ്ടു ഘട്ടങ്ങളിലായാണ് പരീക്ഷ നടത്തിയത്.
ജലസേചന വകുപ്പില്‍ നിര്‍ത്തലാക്കിയ 1,100 തസ്തികകളില്‍ ഗണ്യമായ എണ്ണം ലാസ്റ്റ് ഗ്രേഡായിരുന്നു. ലോട്ടറി വകുപ്പില്‍ പുതുതായി അനുവദിച്ച തസ്തികകളില്‍ താത്കാലികക്കാരെയാണ് നിയമിച്ചിരിക്കുന്നത്. പട്ടികജാതി വകുപ്പില്‍ വാച്മാന്‍മാരുടെ ജോലി സമയം എട്ടു മണിക്കൂറായി കുറച്ച് ഹൈക്കോടതി വിധിയുണ്ടായിട്ടും അധിക ഷിഫ്റ്റിന് ആവശ്യമായ തസ്തികകള്‍ സൃഷ്ടിച്ചിട്ടില്ല.പല വകുപ്പുകളിലും സ്ഥാനക്കയറ്റം നിഷേധിച്ചിട്ട് വര്‍ഷങ്ങളായി.

ഹൈ സ്‌കൂള്‍ അസിസ്റ്റന്റ് തസ്തികയുടെ യോഗ്യത പരിഷ്‌കരിക്കാനുള്ള നിര്‍ദ്ദേശം സര്‍ക്കാരിന് സമര്‍പ്പിക്കാനും തീരുമാനമായി. നിലവില്‍ കോമേഴ്‌സ് ,മ്യൂസിക് ,ബിരുദക്കാര്‍ക്കും അപേക്ഷിക്കാം.അത് ഒഴിവാക്കാനും അധ്യാപക യോഗ്യതയായ ബി എഡ് സോഷ്യല്‍ സയന്‍സിലുള്ളതാകണമെന്നു പ്രേത്യകം നിര്‍ദ്ദേശിച്ചു ഉത്തരവ് പുറപ്പെടുവിക്കാനാണ് സര്‍ക്കാരിനോട് ആവശ്യപ്പെടുക.
യഥാസമയം സ്ഥാനക്കയറ്റവും തസ്തികമാറ്റവും നടക്കുന്നത് ലാസ്റ്റ് ഗ്രേഡ് തസ്തികയിലെ നിയമനങ്ങള്‍ വര്‍ധിക്കാന്‍ സഹായകമാണ്.


കൃഷി വകുപ്പില്‍ അഗ്രികള്‍ചറര്‍ അസിസ്റ്റന്റ് തസ്തികമാറ്റം നിയമനത്തിന് ശാരീരിക ക്ഷമത പരീക്ഷ ഒഴിവാക്കുന്നതിന് അനുമതി നല്‍കി.ഹോമിയോപ്പതി വകുപ്പില്‍ അറ്റന്‍ഡര്‍ ഗ്രേഡ് 2 എന്നിവക്ക് ഓണ്‍ലൈന്‍ പരീക്ഷയും ആയുര്‍വേദ മെഡിക്കല്‍ വിദ്യാഭ്യാസ വകുപ്പില്‍ ഫാം സൂപ്രണ്ടിന് ഓ എം ആര്‍ പരീക്ഷയും നടത്തും .