വ്യോമസേനയുടെ ഫ്ളൈയിംഗ്, ടെക്നിക്കല്, ഗ്രൗണ്ട് ഡ്യൂട്ടി ബ്രാഞ്ചുകളില് പുരുഷന്മാര്ക്കും സ്ത്രീകള്ക്കും അവസരം
വ്യോമസേനയുടെ ഫ്ളൈയിംഗ്, ടെക്നിക്കല്, ഗ്രൗണ്ട് ഡ്യൂട്ടി ബ്രാഞ്ചുകളില് പുരുഷന്മാര്ക്കും സ്ത്രീകള്ക്കും അവസരം. എയര്ഫോഴ്സ് കോമണ് അഡ്മിഷന് ടെസ്റ്റ്(എഎഫ്സിഎടി)-02/2018 മുഖേനയാണു തിരഞ്ഞെടുപ്പ് നടക്കുന്നത് .
2019 ജൂലൈയില് ഈ കോഴ്സുകള് ആരംഭിക്കും. വ്യത്യസ്ത വിജ്ഞാപനങ്ങളാണ്. ഓണ്ലൈനായി അപേക്ഷിക്കണം. വ്യോമസേനയുടെ ഫ്ളൈയിംഗ് ബ്രാഞ്ചിലെ ഷോര്ട്ട് സര്വീസ് കമ്മീഷന് കോഴ്സിലേക്കും ടെക്നിക്കല് ബ്രാഞ്ചിലെ പെര്മനന്റ് കമ്മീഷന്, ഷോര്ട്ട് സര്വീസ് കമ്മീഷന് കോഴ്സ് എന്നിവയിലേക്കും ഗ്രൗണ്ട് ഡ്യൂട്ടി ബ്രാഞ്ചിലെ പെര്മനന്റ് കമ്മീഷന്, ഷോര്ട്ട് സര്വീസ്കമ്മീഷന് കോഴ്സുകളിലേക്കുമാണു പുരുഷന്മാരില് നിന്ന് അപേക്ഷ ക്ഷണിച്ചിട്ടുള്ളത്.
വ്യോമസേനയുടെ ഫ്ളൈയിംഗ് ബ്രാഞ്ചിലെ ഷോര്ട്ട് സര്വീസ് കമ്മീഷന് കോഴ്സിലേക്കും ടെക്നിക്കല് ബ്രാഞ്ചിലെ ഷോര്ട്ട്സര്വീസ് കമ്മീഷന് കോഴ്സിലേക്കും ഗ്രൗണ്ട് ഡ്യൂട്ടിബ്രാഞ്ചിലെ ഷോര്ട്ട്സര്വീസ് കമ്മീഷന് കോഴ്സിലേക്കുമാണ് സ്ത്രീകള്ക്ക് അവസരമുള്ളത്. 25 വയസില് താഴെയുള്ള അപേക്ഷകര് അവിവാഹിതരായിരിക്കണം.
ഓണ്ലൈന് വഴിയാണ് അപേക്ഷ സ്വീകരിക്കുന്നത്. ജൂണ് 16 മുതല് ജൂലൈ 15 വരെ ഓണ്ലൈനായി അപേക്ഷിക്കാം. യോഗ്യത, പ്രായം തുടങ്ങിയ വിശദ വിവരങ്ങള് ബ്രാഞ്ചു തിരിച്ചു ചുവടെ.
ഫ്ളൈയിങ് ബ്രാഞ്ച്
യോഗ്യത- കുറഞ്ഞതു മൊത്തം 60% മാര്ക്കോടെ ഏതെങ്കിലും വിഷയത്തില് ബിരുദം. പ്ലസ്ടു തലത്തില് ഫിസിക്സും മാത്തമാറ്റിക്സും പഠിച്ചവരാകണം അല്ലെങ്കില് മൊത്തം 60% മാര്ക്കോടെ നാലു വര്ഷത്തെ ബിഇ/ബിടെക് ബിരുദം.
ടെക്നിക്കല് ബ്രാഞ്ച്
യോഗ്യത - എയ്റോനോട്ടിക്കല് എന്ജിനീയര്(ഇലക്ട്രോണിക്സ്): കുറഞ്ഞതു മൊത്തം 60% മാര്ക്കോടെ നാലു വര്ഷ ബിരുദം അല്ലെങ്കില് ഇന്സ്റ്റിറ്റ്യൂഷന് ഓഫ് എന്ജിനീയേഴ്സ് നടത്തുന്ന അസോഷ്യേറ്റ് മെംബര്ഷിപ്പ് പരീക്ഷ/എയ്റോനോട്ടിക്കല് സൊസൈറ്റി ഓഫ് ഇന്ത്യ നടത്തുന്ന പരീക്ഷ എന്നിവയുടെ എയും ബിയും സെക്ഷനുകളില് ജയം അല്ലെങ്കില് ഇന്സ്റ്റിറ്റ്യൂട്ട് ഓഫ് ഇലക്ട്രോണിക്സ് ആന്ഡ് ടെലികമ്യൂണിക്കേഷന് എന്ജിനീയേഴ്സ് നടത്തുന്ന ഗ്രാജുവേറ്റ് മെംബര്ഷിപ്പ് പരീക്ഷാ ജയം. യോഗ്യത പരീക്ഷയ്ക്ക് ഇനി പറയുന്ന 18 വിഷയങ്ങളില് ഏതെങ്കിലും എട്ടെണ്ണം പഠിച്ചിരിക്കണം.
എയ്റോനോട്ടിക്കല് എന്ജിനിയര്(മെക്കാനിക്കല്)- കുറഞ്ഞതു മൊത്തം 60% മാര്ക്കോടെ നാലു വര്ഷത്തെ ബിരുദം അല്ലെങ്കില് ഇന്സ്റ്റിറ്റ്യൂഷന് ഓഫ്എന്ജിനീയേഴ്സ്(ഇന്ത്യ) നടത്തുന്ന അസോഷ്യേറ്റ് മെംബര്ഷിപ്പ് പരീക്ഷ/ എയ്റോനോട്ടിക്കല് സൊസൈറ്റി ഓഫ്ഇന്ത്യ നടത്തുന്ന പരീക്ഷയുടെ എയും ബിയും സെക്ഷനുകളില് ജയം.
ഗ്രൗണ്ട് ഡ്യൂട്ടി ബ്രാഞ്ച്
യോഗ്യത-അഡ്മിനിസ്ട്രേഷന് ആന്ഡ് ലോജിസ്റ്റിക്സ്-കുറഞ്ഞതു മൊത്തം 60% മാര്ക്കോടെ ഏതെങ്കിലും വിഷയത്തിലുള്ള ബിരുദം അല്ലെങ്കില് കുറഞ്ഞത് 50% മാര്ക്കോടെ പിജി ബിരുദം/തത്തുല്യ ഡിപ്ലോമ.
അക്കൗണ്ട്സ്
യോഗ്യത- കുറഞ്ഞതു മൊത്തം 60% മാര്ക്കോടെ ബികോം ബിരുദം അല്ലെങ്കില് കുറഞ്ഞത് 50% മാര്ക്കോടെ എംകോം, ഐസിഡബ്ല്യുഎ/സിഎ.
എജ്യൂക്കേഷന്
യോഗ്യത- കുറഞ്ഞത് 50% മാര്ക്കോടെ ഏതെങ്കിലും വിഷയത്തില് പിജി ബിരുദം.
തെരഞ്ഞെടുപ്പ് രീതി- എയര്ഫോഴ്സ് കോമണ് അഡ്മിഷന് ടെസ്റ്റ് (എഎഫ്സിഎടി) മുഖേനയാണു തെരഞ്ഞെടുപ്പ്. 2018 ഓഗസ്റ്റില് എഎഫ്സിഎടി നടത്തും. തിരുവനന്തപുരത്തും കൊച്ചിയിലും പരീക്ഷാകേന്ദ്രമുണ്ട്. യോഗ്യത സംബന്ധിച്ച പൂര്ണമായ വിവരങ്ങളും അപേക്ഷിക്കേണ്ട വിധവുംഅറിയാന് www.-careerairforce.nic.in സന്ദര്ശിക്കുക.
https://www.facebook.com/Malayalivartha
