അവധിക്കാലത്തൊരു മൊബൈല് ആപ് നിര്മാണം
ബട്ടണ് അമര്ത്തുമ്പോള് ക്രിസ്മസ് ഗാനം കേള്പ്പിക്കുന്ന ആപ്, ടൈപ്പ് ചെയ്യുന്നത് അതുപോലെ കേള്പ്പിക്കുന്ന ആപ് അങ്ങനെ നിരവധി ആപ്പുകളുണ്ട്. എന്നാല് ഇവിടെ ക്രിസ്മസ് അവധിക്കാലത്ത് ഡൌണ്ലോഡ് ചെയ്യാന് കഴിയുന്ന ആപ്ളിക്കേഷനുകളെക്കുറിച്ചല്ല പറയുന്നത്.
സ്കൂള് കുട്ടികള്ക്ക് ഏതുതരം മൊബൈല് ആപ്ളിക്കേഷനും നിര്മിക്കാനാകും വിധം അവരെ ഹൈടെക്കാക്കാന് അവധിക്കാലത്ത്് അവസരമൊരുക്കുകയാണ് പൊതുവിദ്യാഭ്യാസവകുപ്പ്.
30,000 സ്കൂള് കുട്ടികള്ക്ക് പരിശീലനത്തിന് പൊതുവിദ്യാഭ്യാസവകുപ്പിനു കീഴിലെ കേരള ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) ക്രമീകരണം പൂര്ത്തിയാക്കി.
കഴിഞ്ഞ ഓണാവധിക്ക്് 'ഹായ് സ്കൂള് കുട്ടിക്കൂട്ടം' അംഗങ്ങള്ക്കായി സംഘടിപ്പിച്ച ഇ@ഉത്സവ് ക്യാമ്പിന്റെ തുടര്ച്ചയായാണ് മൊബൈല് ആപ് നിര്മാണ ക്യാമ്പും. 27 മുതല് 30 വരെ വിവിധ ബാച്ചായാണ് പരിശീലനം.
ഡ്രാഗ് ആന്ഡ് ഡ്രോപ് മാതൃകയില് ആന്ഡ്രോയ്ഡ്് ആപ്പുകള് തയ്യാറാക്കാന് സഹായിക്കുന്ന ഓപ്പണ്സോഴ്സ് സോഫ്റ്റ്വെയറായ ആപ് ഇന്വെന്റര് ഉപയോഗിച്ചാണ് പരിശീലനം. വിഷ്വല് പ്രോഗ്രാമിങ് സോഫ്റ്റ്വെയറായ സ്ക്രാച്ച് എട്ടാം ക്ളാസിലെ ഐസിടി പാഠപുസ്തകത്തില് പരിചയപ്പെടുത്തുന്നുണ്ട്. പ്രോഗ്രാം കോഡിങ്ങിന്റെ നൂലാമാലകളില്ലാതെ, സോഫ്റ്റ്വെയറില് ദൃശ്യമാകുന്ന കോഡ്ബ്ളോക്കുകള് ക്രമീകരിച്ച് അനായാസേന മൊബൈല് ആപ്ളിക്കേഷനുകള് തയ്യാറാക്കാം.
അമേരിക്കയിലെ മസാചുസെറ്റ്സ് ഇന്സ്റ്റിറ്റിയൂട്ട് ഓഫ് ടെക്നോളജി (എംഐടി) ആപ് ഇന്വെന്ററിനുള്ള പിന്തുണ നല്കുന്നു. കൈറ്റിന്റെ വിവിധ വെബ്സൈറ്റുകള് ഉപയോഗിക്കാന് സഹായിക്കുന്ന കൈറ്റ് സൈറ്റ്സ് ആപ് വരെ തയ്യാറാക്കാന് കുട്ടികള്ക്ക് പഠിക്കാം. എട്ട്, ഒമ്പത് ക്ളാസുകളിലെ ഒരു ലക്ഷത്തോളം കുട്ടികളെ ഉള്പ്പെടുത്തി ആവിഷ്കരിച്ച 'ഹായ് സ്കൂള് കുട്ടിക്കൂട്ടം'പദ്ധതി രാജ്യത്തെ ഏറ്റവും വലിയ കുട്ടികളുടെ ഐടി ശൃംഖലയായി മാറി. അനിമേഷന് ഹാര്ഡ് വെയര് സൈബര് സുരക്ഷ, ഇലക്ട്രോണിക്സ്, മലയാളം കംപ്യൂട്ടിങ് എന്നിങ്ങനെ അഞ്ചുമേഖലയിലാണ് പ്രത്യേക പരിശീലനം നല്കുന്നത്. എല്ലാ സബ്ജില്ലയിലും പരിശീലനകേന്ദ്രങ്ങള് സജ്ജീകരിച്ചിട്ടുണ്ട്.
https://www.facebook.com/Malayalivartha
