മെഡിക്കല് പ്രവേശനത്തിനുള്ള പരീക്ഷ രണ്ടുതവണ നടത്താന് ആലോചന
മെഡിക്കല് പ്രവേശനത്തിനുള്ള ദേശീയ യോഗ്യത പരീക്ഷ (നീറ്റ്), എന്ജിനീയറിങ് പ്രവേശനത്തിനുള്ള ജോയന്റ് എന്ട്രന്സ് എക്സാമിനേഷന് (ജെ.ഇ.ഇ) എന്നിവ വര്ഷത്തില് രണ്ടു തവണ നടത്താന് ആലോചിക്കുന്നതായി കേന്ദ്രം ലോക്സഭയില് വ്യക്തമാക്കി. ഈ പരീക്ഷകള് ഓണ്ലൈന് വഴി നടത്തുന്ന കാര്യം ചര്ച്ചചെയ്തുകൊണ്ടിരിക്കുകയാണെന്നും മാനവ വിഭവശേഷി വികസന സഹമന്ത്രി ഉപേന്ദ്ര കുഷ്വാഹ സഭയെ അറിയിച്ചു.
പ്രവേശന പരീക്ഷ നടത്തിപ്പിന് നാഷനല് ടെസ്റ്റിങ് ഏജന്സി (എന്.ടി.ഇ) സ്ഥാപിക്കാന് കേന്ദ്രം നേരത്തേ തീരുമാനിച്ചിരുന്നു. നിലവില് സി.ബി.എസ്.ഇയും എ.ഐ.സി.ടി.ഇയും നടത്തുന്ന പരീക്ഷകളാണ് എന്.ടി.ഇയുടെ കീഴിലേക്ക് മാറ്റാന് തീരുമാനിച്ചത്. ഇത് നടപ്പാകുന്നതോടെയാണ് വര്ഷത്തില് രണ്ടു തവണ ഓണ്ലൈന് വഴി പരീക്ഷകള് നടത്താനുള്ള ആലോചന നടക്കുന്നത്.
https://www.facebook.com/Malayalivartha